CFO

Mittarfeqarfiit

Nuuk

Ikkunneqarpoq: 07-06-2024

Piffissaq atuuffissaa naassaaq: 30-06-2024

Suliffissamut ID normut: LJA-85533644

Atorfeqarnermi atugassarititaasut: Tamakkiisoq

Suliassaqarfik: Allaffik & allaffissorneq

Greenland Airports - Mittarfeqarfiit A/S – Kalaallit Nunaanni suliffeqarfik nunanut allanut paasisimasaqartoq

Greenland Airports – Mittarfeqarfiit suliffissuani, Mittarfeqarfiit aamma Kalaallit Airports-ip qanittumi kattutsinneqarnerannut atatillugu pilersimasumi, CFO-tut Kalaallit Nunaanni suliffeqarfiit annersaasa ilaanni aningaasaqarnerup aqunneqarnera akisussaaffigilissavat. Ilulissani Qaqortumilu kiisalu Nuummi, pingasunit taakkunannga siullersaalluni pilersaarutit malillugit ukioq manna novembarimi ilaasunut matunik ammaasussami, timmisartoqarfissat pingasut ammartussanngorneranni, Kalaallit Nunaanni silaannakkut angallannermi suffarilluni anorlerpoq. Anguniagarineqarpoq Kalaallit Nunaata nunarsuarmi allanilu tikikkuminartunngortinnissaanut timmisartoqarfiit pingaarutilimmik inissisimassasut, taamaaliornikkut inuiaqatigiinni kalaallini siuariartortitsisoqarlunilu ineriartortitsisoqassalluni.

Greenland Airports - Mittarfeqarfiit ullumikkut timmisartoqarfinnik katillugit 13-inik, qulimiguulinnut mittarfinnik 46-nik kiisalu Kalaallit Nunaanni akunnittarfimmik ataatsimik ingerlatsipput, taamaalillunilu Kalaallit Nunaanni attaveqaasersuutini qitiusunut ilaallutik. Suliffissuaq 480-it missaannik sulisoqarpoq, Kalaallit Nunaata aallartitaattut imminut isigisunik, sulineranni tulluusimaarneq, inussiarnersuuneq ikiuukkumatunerlu tunngaviullutik.

CFO-mik misilittagalimmik ineriartortitsinermillu pingaartitsisumik, suliffeqarfimmi sulinermi inuiaqatigiinni inuuffigisami ilumut allanngortitsisinnaanermik kajumerinnittumik, sulisussarsiorpugut. Tassunga ilanngullugu Greenland Airports - Mittarfeqarfiit nunatta takornariartitsisarnerullu ineriartorteqqinnissaannut aalajangiisuulluinnartumik inissisimanera pingaartumik ukkataralugu, kiisalu periarfissaalertartut ilassilluartarlugit, Kalaallit Nunaata ineriartorneranut tunngavisseeqataanissaq annertuumik kissaatigineqassasoq naatsorsuutigineqarpoq.

CEO-p ataaniillutit aammalu naleqqutsillugu siulersuisut siulittaasuat toqqaannartumik attavigisinnaallugu, pisortaaqatigiinni ilaalissaatit aammalu aqutsisuni ingerlalluartuniilissallutit. Inissisimaffik atituumik inissisimavoq, taamaalillunilu aningaasaqarneq, aningaasarsiat aamma IT tassaniillutik. Qanittumik kattunnerup malitsigisaanik, ataatsimoorussamik suliffeqarfimmi kultureqalernissami, ingerlatsinermi suleriaatsit nalunaarusiortarnerillu assigiissaartunngortinnissaanni kiisalu arlalinnik periaaseqartut kattutsinnissaanni, qitiusumi inissisimasussaavutit. Taamatuttaaq annertuumik pingaartinneqartoq tassaavoq, ilaatigut digitalinngorsaanertut ingerlaannartunngortitsinertullu ilusilimmik ineriartortitsinissap sunniuteqarluarnerulersitsinissallu ukkatarineqarnissaannik qulakkeerinissaq.

Suliffissuarmi suliassat annertuut, akiliisinnaassuseqarnerup aqunneqarnerata saniatigut, ingerlatsinermi suliassanilu aningaasaqarnermi ingerlaavartumik malinnaanissaq pisariaqarpoq, peqatigisaanillu ulluinnarni ingerlatsinerup pissusissamisoortumik ukkatarineqarnera attatiinnarneqartussaalluni. Tassunga ilanngutissapput taarsigassarsiarineqartunut aningaasalersuinissaq allanngutsaaliuinissarlu.

CFO-p suliassaqarfiit makkua akisussaaffigai

• Aningaasaqarnermi suliaqarfimmi ulluinnarni aqutsineq ingerlatsinerlu

• Missingersuusiornerit kiisalu ingerlatsinermi taamatullu suliassani ingerlaavartumik nalunaarusiortarneq malinnaanerlu

• Suliassaqarfimmi IT-mi attaveqaasersuutit periusissarlu, ilanngullugit ulluinnarni allaffissornikkut ingerlatsinermi pisariaqartitsineq kiisalu siunissami ingerlatsinermi pisariaqartitsilernissaq

• Suliffissuarmi akiliisinnaassuseqarnerup aqunneqarnera taassumalu inissisimaffii

• Aningaasaqarnikkut suleqatigisanut attaveqarneq, aningaasaqarnermi siunnersorti suleqatigineqarsinnaalluni

• Sillimmasiisarnermut tunngasut taakkuninngalu pitsanngorsaanerit

• Allaffissornikkut suliassat, ilanngullugit illuutinik ingerlatsineq, attartukkat il.il.

• Greenland Airports – Mittarfeqarfiit pisortaatitaanni ilaaneq

• Greenland Airports – Mittarfeqarfinnut, tassaasunut Greenland Airports - Mittarfeqarfiit A/S ingerlatseqatigiiffiit qullersaqarfiusoq kiisalu ingerlatseqatigiiffiit immikkoortortaasut pingasut, periusissiamik suliaqarnermi peqataaneq

• Siulersuisut ataatsimiinneranni peqataaneq aamma suliassaqarfinni attuumassutilinni tamaginni pisortat sinneri peqatigalugit siulersuisunik siunnersuineq

Atorfinitsinneqartussap piukkunnarnerpaap ilisarnaatai

• CFO-tut misilittagaqarneq kiisalu aqutsisut qullersaanni ilaalluni sulinermik misilittagaqarneq

• Ingerlatsinermut sanaartornermullu suliffeqarfimmi assingusumik inissisimanermit minnerpaamik ukiuni tallimani misilittagaqarneq

• Naleqquttumik aningaasaqarnermi ilinniarsimaneq kiisalu aningaasaqarnermut suliassaqarfimmi piginnaasaqarneq, assersuutigalugu aningaasaqarnermi aqutsineq, naatsorsuutit misissueqqissaarnerlu

• Suliassani annertuuni aningaasalersuinermik misilittagaqarneq iluaqutaassaaq

• Aqutsinissamut piginnaasaqarluarluni aqutsisutut ersarissuuneq misigittarnerlu kiisalu ersarissumik peqataatitsisumillu aqutseriaaseqarneq

• Allattariarsornermi oqalullunilu inerisarluarneqarsimasumik attaveqaqateqallaqqinneq kiisalu sullivimmi arlalinnik kultureqartumi sulinissamik paasisimaarinninneq

• Misissueqqissaarluarsinnaasoq kisitsisinillu paasisimasalik kiisalu periusissatigut suliarineqartussatigullu sulisinnaasoq

• Annertuumik innarligassaanngissuseqartoq, atituumik suleqatiginnissinnaasoq aammalu naammassisaqarusussuseqarluni aaqqiissutissarsisinnaassusilik

• Pitsaasumik IT-nut sulianillu ingerlatitsinernut paasisimasaqartoq aammalu ERP-mim periaatsinik pitsanngorsaanermik ineriartortitsinermillu misilittagaqaruni pitsaassalluni

Nunarsuarmi qeqertat annersaat sullivigalugu aammalu ”The Big Arctic Five”

Greenland Airports – Mittarfeqarfiit qullersaqarfia Nuummi inissisimavoq, tassani aamma CFO suliffeqartussaalluni. Nuummi najugaqareersimanngikkuit, Greenland Airports - Mittarfeqarfiit nuunnissavit pisariinnerunissaanut ikiuutissaaq, aammalu sulisunut inissiamik atugassiisoqarsinnaavoq.

”The Big Arctic Five” misiginissaanut naammattunik periarfissaqassaatit, tassani ilaapput qimussernerit, arsarnerit, arferit, ilulissat/sermersuaq aammalu kalaallit kulturiat.

Kalaallit Nunaat taamaalilluni pinngortitami misigisassarpassuaqarpoq kiisalu innuttaasut qaqutigoortumik misigineqartartumik inussiarnersuullutik. Kalaallit Nunaanni innuttaasut katillugit 56.600-t missaannik amerlassuseqarput, taakkunannga 19.600-t missai Nuummi najugaqarlutik, aammalu pissusiviusuni nunarsuarmi innuttaasut eqiterussimannginnerpaajullutik. Kalaallit Nunaata 80%-ia sermersuarmit ulissimavoq, illoqarfiit pingaarnersaanni tassunga atasumik tamaginnik neqerooruteqarneranut peqatigitillugu ilulissat aalluinnannginnerminni kujammuinnaq tissukartut, aasaanerani seqineq kaaviinnartoq ukiukkullu arsarnerit, takuneqarsinnaapput. Aallaaniarneq, aalisarneq, sisorarnerlu sunngiffimmi sammisassatut nuannarineqarput, aammalu kulturikkut takusassat assigiinngisitaartuullutik.

Tassalu matumani CFO-tut atorfik pissanganartorujussuaq kisimi neqeroorutigineqanngilaq, kisianni aamma Issittumi puigunaatsunik misigisaqarnissamut periarfissatsialaavoq.

Soqutiginnippit?

Greenland Airports - Mittarfeqarfiit sulisussarsiornermi matumani Momentum Consulting suleqatigaa. Atorfik CV-it Annbritt Tummasdóttir Andersen-imut, Momentum Consulting-imi piginneqataasumut, matumani LinkedIn-imi Easy Apply aqqutigalugu, nassiullugu qinnuteqarfigineqarsinnaavoq. Atorfik pillugu annertunerusunik paasisaqarusukkuit Annbritt uunga +45 2483 1412 aamma attavigisinnaavat.

Uunga qinnuteqarit:

Chief Financial Officer | Greenland Airports | LinkedIn

Qinnuteqarnissamut killigitinneqarpoq 30. juni 2024, kisianni qinnuteqaatit ingerlaavartumik suliarineqartassapput.