sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Cheftolk

Qeqqata Kommunika

Sisimiut
Ikkunneqarpoq: 16-09-2020
Piffissaq atuuffissaa naassaaq: 25-09-2020
Suliffissamut ID normut: LJA-81100122
Atorfeqarnermi atugassarititaasut: Tamakkiisoq
Suliassaqarfik: Aqutsineq, Allaffik & allaffissorneq

Atorfik allaffissornikkut Sisimiuni inissisimavoq, Sisimiunilu Pisortaanerup sulisuinut pisortap ataani aaqqissuussaanikkut inissisimalluni.

 

Nutserisuunerup nutserisoqarfimmi aqutsineq ingerlatsineq ataqatigiissaarinerlu, suliffeqarfimmi innuttaasunik sullissiviusumi eqaatsumik sulisinnaaneq qulakkeersinnaassagaa kissaatigaarput.

 

Suliassat akisussaaffiillu:

  • Nutserisoqarfimmik aqutsineq ataqatigiissaarinerlu
  • Oqalutseqarnerpu naammaginartumik suliarineqarnissaa qulakkeerniassallugu
  • Nutserisunik pikkorissuni atorfeqartitsineq qulakkeerniassallugu
  • Oqalutseqarneq eqqarsaatigalugu allaffissuarmi immikkoortuni tamani, politikkikkut nunaqarfinnilu pitsaasumik sullissineq qulakkeerniassallugu
  • Nutsigassanik aamma oqaluttaaffissanik aaqqissuineq ataqatigiissaarinerlu
  • Suliassat takkussuuttut

 

Piginnaasassat:

  • Tamanik takunnillaqqissuseqartuusutit, suliassanik aallartitsisinnaassuseqartutit, iliuuseqallaqqissuusutit sungiussiasuusutillu
  • Oqaatsitigut allattariarsornikkullu attaveqaqateqallaqqissuusutit
  • Suleqateqallaqqissuusutit avatangiisinillu sunniisinnaassuseqartutit
  • Kalaallisut qallunaatullu oqaluttariarsornikkut allattariarsornikkullu pikkoriffeqarneq. (piumasaqaataavoq)
  • Tekstbehandling aamma SDLX tolkesystem-imi milisittagaqartutit
  • Marluinnik kultureqarluni avatangiisilimmi anguniagalimmik sulisinnaassuseqartutit

 

Tunuliaqutissatit:

  • Oqalutsitut/nutserisutut ilinniagaqartuusutit
  • Aqutsisutut misilittagaqaruit pitsaassaaq
  • Suliffeqarfimmi politikkikkut aqunneqartumi sulinikuusutit
  • Sutigut tamatigut pitsaasumik suleqatiginnissinnaasutit

 

  

Akissarsiat sulinermilu atugassarititaasut: 

Akissarsiat atorfeqartitaanermilu atugassarititaasut, taakkununnga atorfininnermi angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

 

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

 

Piaartumik isumaqatigiissuteqarnikkulluunniit atorfinittoqassaaq.

 

Atorfik pillugu paasissutissat sukumiinerusut Sisimiuni Pisortaanerup sulisuinut pisortamut saaffiginninnikkut pissarsiarineqarsinnaapput Hans Christian Sværd, oqarasuaat (+299) 86 73 02, e-mail: hcsv@qeqqata.gl

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 25. september 2020 tigoreersimassavarput

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Kommune Qeqertalik
Aasiaat
Avannaata Kommunia
Kommune Qeqertalik
Aasiaat
Namminersorlutik Oqartussat
Ilulissat