Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Controller Direktion
Avannaata Kommunia
Ikkunneqarpoq: 25-09-2023
Piffissaq atuuffissaa naassaaq: 09-10-2023
Suliffissamut ID normut: LJA-85077670
Atorfeqarnermi atugassarititaasut: Tamakkiisoq
Suliassaqarfik: Allat
Afdelingslederitut Controlleri atorfik ataaseq inuttassarsiuunneqarpoq, 1. November sulilersussanik imaluunniit isumaqatigiissuteqarnikkut.
Suliassat pingaarnerit tassaassapput ingerlatsiviit ataatsimoorussamik aammalu inuussutissarsiornermi ingerlatsivimmi suliaqartussamik missingersuusiornerini ikiortassallugit aningaasartuutillu missingersuutinut naapertuuttuunersut ukiup ingerlanerani nakkutigissallugit. Atorfimmi nakkutilliineq kiffartuussinerlu suliassaapput, tamannalu piumasaqarfiuvoq sukumiisumik suleriuseqarnissamik suleqatiginnilluarsinnaanermillu.
Suliassat akisussaaffiillu ilaatigut makkuussapput:
- Missingersuutit pillugit nakkutilliineq, ataqatigiissaarineq controllerini ilanngullugu.
- Ingerlatsiviit akimorlugit, aningaasaqarnermik missingersuutinillu aqutsinermi nakkutilliineq ikiuunnerlu
- Aningaasaqarnermi aqutsinermi periuutsinik suleriaatsinillu il.il. ineriartortitsineq nutarterinerlu
- Missingersuutitigut sullissineq
- Aningaasatigut kisitsisinik pingaarnernik/nalilersuinermi/kingunerisassanik naatsorsuinernik suliaqarneq
- Missingersuutit pillugit apeqqutini pisortanik siunnersuisuussalluni ingerlatsiviit pisortaannik siunersueqateqartarnikkut
- Aningaasatigut aqutsinermi missingersuusiortarnermilu maleruagassanik atuuttunik nakkutiginninneq
- Sillimmasiissutinik illuutinullu suliassanik suliaqarneq
- Kukkunersiuisut nalunaarutaannik malitseqartitsineq
Suliamut inuttullu piginnaasat:
- Aningaasanik missingersuutinillu aqutsinermi misilittagalik
- Kommunit aningaasaqarneri pillugit ilisimasalik
- Excel-imik Word-imillu atuilluarsinnaasoq
- Suleqatiginnillaqqissoq ataqatigiissaarillaqqissorlu
- Tamanik takunnissinnaasoq, piumassusilik periusissiorlunilu suleriallaqqissoq
- Piffissami killissarititaasunik ataqqinnittoq
- Sullissillaqqissoq
- Sukumiisumik suleriaasilik
- Attaveqallaqqissoq
Pitsaassutsimik qulakkeerinnikkumassulik Neqeroorutigaavut:
Atorfik pissanganartoq, unammillernartoq, sulineq nikerartoq ulapaarfiusorlu imarisaatigullu nammineq sunnerneqarsinnaasoq suliffeqarfimmilu ineriartortumi allanngoriartortumilu namminersorluni akisussaaffeqarnartoq.
Pingaartipparput atorfimmi inissilluarnissamut ikiuunnissaq suliffeqarfiullu iluani suleqatigiinnermi silaannaq pitsaasoq qulakkeerusullutigu. Atorfimmut tulluartuni pikkorissarnernut peqataanissamut periarfissaqarpoq.
Akissarsiat atorfeqarnermilu atugassarititaasut:
Akissarsiaqartitsineq atorfinitsitinerlu pissapput atorfinitsinneqarnerup nalaani Naalakkersuisut kattuffiullu isumaqatigiinninniarsinnaatitaasup akornanni isumaqatigiissutit naapertorlugit.
Atorfimmut atatillugu inissaqartitsisoqarsinnaavoq. Atorfeqarnermut atatillugu ineqarnissamik neqeroorutigineqarsinnaavoq ini pequsersugaanngitsoq malittarisassat qaqugukkulluunniit atuuttut najoqqutaralugit. Ineqarnermut akiliut depositum ilanngullugu akilerneqartassapput malittarisassat qaqugukkulluunniit atuuttut najoqqutaralugit. Atorfeqarnermut atatillugu ini innersuunneqartoq atorfeqarnermut attuumassuteqarpoq qimanneqassallunilu atorfeqarnerup taamaatinnerani. Qinnuteqartoq kommunimi atorfeqarnerminut atatillugu ineqartitaareersimaguni, taanna inigiinnarsinnaavaa.
Annertunerusumik atorfik pillugu paasissutissat piniarneqarsinnaapput Aningaasaqarnermut Pisortaagallartumut Dorthe Løvstrøm Mathiesen-imut saaffiginnilluni, e-mail: dlm@avannaata.gl oqarasuaat 38 76 02-mut. Qinnuteqarneq, ilinniarsimanermut siorrnatigullu suliffigisimasanik paasissutissartalik, soraasummeersimanermi uppernarsaatit il.il., pissaaq "Atorfik una qinnuteqarfigiuk" toorneratigut. Qinnuteqarfissaq kingulleq: 9. oktober 2023