Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Controller
Kommune Kujalleq
Qaqortoq
Ikkunneqarpoq: 01-12-2023
Piffissaq atuuffissaa naassaaq: 20-12-2023
Suliffissamut ID normut: LJA-85141732
Atorfeqarnermi atugassarititaasut: Tamakkiisoq
Suliassaqarfik: Allat, Allaffik & allaffissorneq, Isumaginnittoqarfik
Isumaginnittoqarfik Pillorissaasoqatigiinnut nakkutilliisussarsiorpoq (controller)
Isumaginnittoqarfik atorfinittussamik ataatsimik pissarsiorpoq, januaarip aallaqqaataa 2024 aallarnerfigalugu imaluunniit sukumiinerusumik isumaqatigiissuteqarnikkut. Atorfik Qaqortumi Pillorissaasoqatigiinni inissisimavoq.
Suliassat akisussaaffigisassallu ilaatigut makkuupput:
- Pitsaanerusumik aningaasaqarnermi nakkutilleeqataaneq naammattumillu aningaasaliisoqarnissaanik isumaginninneq
- Iluaqusersuutaasivimmi naatsorsuuserivimmilu pitsaanerusumik killiffimmik ilisimaarinneqataaneq
- Iluaqusersuutaasivimmi missingersuusiornerup pitsanngorsaaviginissaanut kisitsisitigullu paasissutissanik katersinermi peqataasarneq
- Missingersuutini aningaasat atugassat akuerisaasut eqqarsaatigalugit aningaasaliissutinik sippuisoqarnissaanik ernumanartoqassappat timimik sungiusaasut aqutsisuanut ilisimatitsisarneq
- Pitsaanerusumik iluaqusersuutinik tunngasunik isumaginnittoqarnissaanik akisussaasoq, akuersissummik tunniussisoqartillugu inniminniinermi tunniussinermilu
- Billetinik unnuiffissanillu qulakkeerinninnermi akisussaasoq suliffimmullu atatillugu angalanernik akiliutissanillu qulakkeerinninneq
- Innuttaasut tusaaneqarnissaannik paasineqarnissannillu qulakkeerinneqataaneq aammattaaq pisariaqartitsisoqartillugu oqaluttaasarneq
Qinnuteqartumut makku ilaatigut naatsorsuutaapput:
- Allattariarsornikkut oqaatsitigullu kalaallisut qallunaatullu piginnaasaqartutit.
- Niuernerup allaffissornerullu tungaatigut assigisaanilluunniit ilinniagalik.
- Aningaasaqarnermik aqutsissut ERP pillugu atuinermik ilisimasalik
- Namminersortoq ulluinnarnilu suliassanik aaqqissuusisinnaasoq ataatsikkullu arlalinnik suliaqarsinnaasoq
- Unammillernarsinnaasunik nuannarisalik aaqqiissutissanillu pitsaasunik siunnersuusiorsinnaasoq.
- Aaqqissuussaaffimmi politikkikkut aqunneqartumi piumasaqaatitalimmilu sulinermik misilittagalik
- Innuttaasunut kiisalu suliaqarfiup iluani avataanilu suleqatigisanut attaqqinnisuseqarluni suleriusaqartartoq
- Suliffimmi avatangiisinut pitsaasunut sunneeqataaneq
Kommune Kujalliup neqeroorutigai:
Kommune Kujallermi pillorissaasoqatigiiuvugut suliassaqarfitsinmilu timimik sungiusaasoqarpoq, pillorissaasoqarpoq piginnaanngorsaaqqinnermullu sulisoqarluni, massakkut utoqqaat illuanni Ajarsivasimmi sulliveqarallarpugut.
Kommune Kujalliup nammineq immikkut inissisimasumik pillorissaavitaartoqarnissaa ilungersorluni suliniutigaa aammattaaq soorlu iluaqusersuutinik sullissivissamik pilersitsisoqarnissaa sulissutigineqartoq, taamaattumik susassaqarfimmi suliniuteqarnermi aallartisaaqataasussamik ineriartortitseqataasussamillu misilittagaqarluartumik nakkutilliisussarsiorpugut.
Sapaatip akunneranut piffissaq sulliffiusoq tassaavoq nalunaaquttap akunneri 40-it.
Pinerlussimannginnermut uppernarsaat:
Atorfik una pinerlussimannginnermik allagartamik pissarsiniarnissamik inatsisitigut piumasaqaateqarfiuvoq. Inatsit naapertorlugu Kommune Kujalleq pinerlussimannginnermik allagartaq naammaginartoq tigoreerpagu atorfinitsitsisinnaavoq.
Aallaavittut qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput.Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.
Atorfik pillugu paasisaqarnerorusukkuit timimik sungiusaasut aqutsisuanut saaffiginnissinnaavutit Susanne Buch Sporsheim subu@kujalleq.gl telefon 64 13 50
Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri il. il. kingusinnerpaamik decembarip ulluisa 20-iat 2023 kommunimit tiguneqareersimassapput.
MALUGIUK: Qinnuteqaatit pappilissatigut e-mailikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput..
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”