sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Corona Hotline-mi sullissisutut atorfiit pissanganartut marluk

Namminersorlutik Oqartussat

Nuuk
Ikkunneqarpoq: 26-11-2021
Piffissaq atuuffissaa naassaaq: 17-12-2021
Suliffissamut ID normut: LJA-83017221
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq

Corona Hotline-mi kutsiortitut atorfiit pissanganartut marluk

Aaqqissuussaanermi politikkikkut aqunneqartumi ulappuffiusumi, suliassanik taarseraaffiusumi aammalu piginnaaneqarfinnut piumasaqaateqarfiusumi sulineq nuannarigukku, Corona Hotline-mi atorfiit marluusut aappaat qinnuteqarfigalugu misilissinnaavat.

Corona Hotline Peqqissutsimut Naalakkersuisoqarfimmi inissisimavoq, aammalu ataasinngornermiit talimanngornermut nal. 8.00 – 16.00 akornanni ammasarpoq. Ullut ilaanni piffissat suliffiusut sivitsorneqarsinnaapput.  

Suliassat
Sullissisutut piffissap annersaani Corona Hotline-mut oqarasuaatikkut mail-ikkullu saaffiginnissutit suliarisassavatit. Aamma allaffissornermi suliassanik allanik, saaffiginnissutit saniatigut suliarineqartussanik suliaqartassaatit.
Immikkoortortaqarfimmi suleqatigiinnut, ulluinnarni Corona Hotline-p allaffiani pisortamit aqunneqartunut suleqataassaatit. Pisariaqartillugu Corona pillugu Allattoqarfiup suliassaataasa allat suliarineqarnerini suleqataasassaatit.

Naatsorsuutigaarput

  • Kiffartuussinissamik ilisimaarinnittuussasutit
  • Kalaallisut danskisullu oqalussinnaassasutit, aammalu tuluttuulaarsinnaassasutit.
  • Inatsisit tunngavigalugit innuttaasunut ilitsersuinermik misilittagaqassasutit, ilinniartinneqarsinnaagavilli tamanna piumasaqaataanngilaq
  • Eqaatsumik aaqqiisinnaassasutit
  • Suleqateqarnissamut piumassuseqassasutit
  • Nukittuujussasutit
  • Patajaatsuussasutit piffissarlu eqqorlugu suliartortarsinnaassasutit
  • Suliassat piffissaq eqqorlugu naammassineqartarnissaannik pingaartitsissasutit
  • cBrain/F2mik sullississutinilluunniit allanik atuinermik misilittagaqarsimanissat iluaqutaassaaq, piumasaqaataanngilarli
Neqeroorutigaavut
  • Ulluinnaat allanngorartut, unammillernartut pissanganartullu
  • Suliatigut ineriartornissamut periarfissat, taakkulu suliffissannut tullermut nassatat iluaqutaalluartut
  • Suleqatit qiimasut, pingaartorsiorfiunngitsunik avatangiisillit

Akissarsiat atorfininnerlu
Akissarsiat atorfininnermilu atugassarititaasut, taakkununngalu atorfininnermut soraarnermullu atatillugu angalanernut pequtinillu nassiussinernut akiliunneqarsinnaatitaaneq ilanngullugit, piffissami atorfiniffiusumi Namminersorlutik Oqartussat kattuffiullu isumaqatiginninniarsinnaatitaasup ilaasortaaffigisap akornanni isumaqatigiissutit atuuttut naapertorlugit aalajangersarneqassapput.

Atorfik piffissami aalajangersimasumi, 30 juuni 2022 atuuttussamik killiligaavoq, kisiannili sivitsuisoqarnissaanut periarfissaqarluni.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia