sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Corona pillugu allattoqarfik allaffissornikkut pisortamik pissarsiorpoq

Namminersorlutik Oqartussat

Nuuk
Ikkunneqarpoq: 29-11-2021
Piffissaq atuuffissaa naassaaq: 21-12-2021
Suliffissamut ID normut: LJA-83028303
Atorfeqarnermi atugassarititaasut: Tamakkiisoq
Suliassaqarfik: Aqutsineq

COVID-19-imik tuniluunnerit unitsinniarlugit nappaalanersuarlu nakkutigineqarnissaanut suliaqarusuppit? Ataqatigiissaakkamik aaqqeeriarnermillu suleriuseqarpit? Aamma aqutsinermut nuannarisaqarpit?  Taava immaqa ukiup affaanik sivisussuseqartumik suleqatissaraatsigit.

Corona pillugu allattoqarfik
Corona pillugu allattoqarfik immikkoortortaqarfiuvoq Peqqissutsimut Naalakkersuisoqarfiup ataani inissisimasoq, coronamullu suliniutinik ingerlatsinermik oqartussaqarfiit allat ilagalugit ingerlatsisuulluni. Allattoqarfiup qitiusumik suliaasa ilagaat, tunillatsissimasunik taakkulu qanigisaasunik sianerneq siunnersuilluarnerlu kiisalu suliffeqarfinniit innuttaasuniillu corona pillugu apeqquteqartut akissuteqarfiginissaat.

Suliassatit
Corona pillugu allattoqarfik allaffissornikkut pisortap ullormut akisussaaffigai:
 

  • Sulisoqarneq aammalu immikkoortortaqarfimmik aaqqissuussineq (Sulisunik aqutsineq)
  • Peqqinnissamut tunngatillugu suliamik aqutsisoq peqatigalugu tuniluuttoqarneranik paasiniaanermik aallartitsillunilu malinnaaqataaneq
  • Nakorsanit paasissutissanik pisarialinnik aallerneq aammalu avitseqatigiinneq tapersersuinerlu
  • Tuniluunnerit ingerlarnganik inissiineq 
  • Nunatta Nakorsaaneqarfianut paasissutissanik nutarterineq
  • Nittartakkamut corona.nun.gl-imut ikkussassanik nutarterineq
  • Tusagassiutitigut katersuutitsinermut ilanngussassanik pilersitsineq
  • Misissuisarfimmut misissuinissanik annertusisanik ilimagineqartut pillugit attaveqarneq
  • Tuniluunneq pillugu paasiniaanermut tunngatillugu Coronastab-imut, Peqqissutsimut Naalakkersuisoqarfimmut, Peqqinnissaqarfimmut aamma Nunatta Nakorsaaneqarfianut qitiusumik attaveqarneq.
  • Suleqatigisanut allanut attuumassuteqartunut sulianik ingerlatitseqqissinnaaneq
  • Aningaasaqarneq aammalu isumalluutit pillugit malitseqartitsineq

Atorfik nutaajummat allanik suliaqalertarnissat naatsorsuutigissavat.
Nunatta Nakorsaaneqarfia aamma Peqqissutsimut Naalakkersuisoqarfia qanimut suleqatigineqassapput.

Suleqatissatut makkuninnga piginnaasaqassasutit kissaatigaarput:
  • Qaffasissumik attuumassutilimmik ilinniarsimanissat
  • Namminersorlutik Oqartussani allaffissornikkut suleriaasiannik ilisimasaqarpit?
  • Inuiaqatigiinni kalaallini pissutsinik ilisimasaqarluassasutit
  • Allattariarsornermi oqalunnermilu marluinnik kalaallisut danskisullu oqaaseqartutit.
  • Suliamik ingerlatsinermik aamma suliniutinik aaqqissuussaasunik suliaqarsimasuussasutit
  • Nammineersinnaassuseqartutit, ineriartortitsiumassuseqartutit anguniagaqartutillu


Aningaasarsiatigut atorfinitsitaanermilu atugassarititaasut
Immikkoortortaqarfimmi aqutsisoq (Afdelingschef).

Atorfik akissaateqarfimmi LR 38-mi maanna inissisimavoq.

1. april 2021 LR 38-mi akissarsiat imak isumaqagitiissutigineqarnikuupput qaamammut  Kr. 56.370 ukiumullu Kr. 676.441 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.


Najugaq
Maleruagassat qaqugukkulluunniit atuuttut malillugit atorfimmut atatillugu utaqqiisaasumik najugassaqartitsisoqarsinnaavoq, najugassaqartitsiviugallartup ingerlanneranut tunngasunik akileeqataanissamut piumasaqartoqarsinnaalluni kiisalu malittarisassat malillugit pisatsersuinermut akileeqataanissamut aamma piumasaqartoqarsinnaalluni. Utaqqiisaasumik najugassaqartitsivik atorfeqarunnaarnermi qimanneqassaaq. Sulisorisap attartukkani atornerlussimassagaluarpagu tamannalu inigisamiit anisitaanermik kinguneqarsimappat, inissiamik allamik utaqqiisaagallartumik tunniussisoqassanngilaq.

Atorfiup killerititaa tassaavoq ulloq 30. juni 2022. Namminersorlutik Oqartussanilu sulisut suliffiup nalaani sulinngiffeqarsinnaatitaapput.

Sukumiinerusumik paasisaqarusuppit?
Atorfik pillugu paasissutissat sukumiinerusut Naalakkersuisoqarfimmi Pisortamut Aka Olesen-imut saaffiginnilluni pissarsiarineqarsinnaapput, oqarasuaammut +299 34 66 69, e-mail: akol@nanoq.gl.


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia