sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Corona pillugu allattoqarfik nakorsamik / peqqinnissaq pillugu suliamik ingerlatsinermik suliaqartussamik pissarsiorpoq.

Namminersorlutik Oqartussat

Nuuk
Ikkunneqarpoq: 26-11-2021
Piffissaq atuuffissaa naassaaq: 14-12-2021
Suliffissamut ID normut: LJA-83017222
Atorfeqarnermi atugassarititaasut: Tamakkiisoq
Suliassaqarfik: Peqqinnissaq

COVID-19-imik tuniluunnerit unitsinniarlugit nappaalanersuarlu unitsinniarlugu  suliaqarusuppit? Ataqatigiissaakkamik aaqqeeriarnermillu suleriuseqarpit? Taava immaqa ukiup affaanik sivisussuseqartumik suleqatissaraatsigit.

Corona pillugu allattoqarfik
Corona pillugu allattoqarfik immikkoortortaqarfiuvoq Peqqissutsimut Naalakkersuisoqarfiup ataani inissisimasoq, coronamullu suliniutinik ingerlatsinermik oqartussaqarfiit allat ilagalugit ingerlatsisuulluni. Allattoqarfiup qitiusumik suliaanniipput, tunillatsissimasut qanigisaasullu sianerfiginissaat siunnersorlugit aammattaaq suliffeqarfiit innuttaasullu corona pillugu apeqquteqartut akissuteqarfiginissaat.

Suliassatit
Corona pillugu allattoqarfimmi peqqinnissaq pillugu suliamik ingerlatsinermik suliaqartutut uku suliarissavatit
 

  • Tuniluuttoqarneranik paasiniaanermik ingerlatsineq aammalu ataqatigiissaarineq
  • Tuniluunnerit ingerlarnganik inissiineq
  • Peqqinnissaq pillugu siunnersuinerit
  • Nunatta Nakorsaaneqarfianut paasissutissanik nutarterineq
  • Nittartakkamut corona.nun.gl-imut ikkussassanik nutarterineq

Atorfik nutaajummat allanik suliaqalertarnissat ilimagissavat.

Sulinermi Nunatta Nakorsaaneqarfianik aamma Peqqissutsimut Naalakkersuisoqarfik qanimut suleqatigineqassapput.

Kissaatigaarput, illit siunissami suleqatissatut makkuninnga piginnaasaqassasutit:
- Peqqinnissamut tunngatillugu ilinniagaqarsimasuusutit, soorlu nakorsaq imaluunniit peqqissaasoq
- Inuiaqatigiinni kalaallini pissutsinik ilisimasaqarluassasutit
- Allattariarsornermi oqalunnermilu marluinnik kalaallisut danskisullu oqaaseqartutit
- Peqqinnissamik siuarsaaniarnermut suliniutinik suliaqarsimasuussasutit
- Nammineersinnaassuseqartutit, ineriartortitsiumassuseqartoq anguniagalillu

Atorfinitsitaanermi atugassarititaasut:
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

 



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Maleruagassat qaqugukkulluunniit atuuttut malillugit atorfimmut atatillugu utaqqiisaasumik najugassaqartitsisoqarsinnaavoq, najugassaqartitsiviugallartup ingerlanneranut tunngasunik akileeqataanissamut piumasaqartoqarsinnaalluni kiisalu malittarisassat malillugit pisatsersuinermut akileeqataanissamut aamma piumasaqartoqarsinnaalluni. Utaqqiisaasumik najugassaqartitsivik atorfeqarunnaarnermi qimanneqassaaq. Sulisorisap attartukkani atornerlussimassagaluarpagu tamannalu inigisamiit anisitaanermik kinguneqarsimappat, inissiamik allamik utaqqiisaagallartumik tunniussisoqassanngilaq.

Atorfiup killerititaa tassaavoq ulloq 30. juni 2021.

Sukumiinerusumik paasisaqarusuppit?
Atorfik pillugu paasissutissat sukumiinerusut Naalakkersuisoqarfimmi Pisortaagallartoq Aka Olesen-imut saaffiginnilluni pissarsiarineqarsinnaapput, oqarasuaammut +299 34 66 69, e-mail:akol@nanoq.gl.


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia