Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Meeqqerivik "Angaju"-mi Perorsaasussaasumik marlunnik pissarsiorpoq
Kommune Kujalleq
Qaqortoq
Ikkunneqarpoq: 27-02-2024
Piffissaq atuuffissaa naassaaq: 19-03-2024
Suliffissamut ID normut: LJA-85353865
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq, Meeqqat & inuusuttut
Meeqqerivik “Angaju”-mi Perorsaasussaasumik marlunnik pissarsiorpoq
Qaqortumi Meeqqerivimmi “Angaju”-mi perorsaasunik ilinniarsimasumik immaqaluuniit Socialassitenetut ilinniarsimasumik pissarsiorpoq sulilersussaq apriilip ulluisa aallaqqaataat 2024 imaluunniit isumaqatigiissuteqarnikkut.
Ataaseq meeraaqqerivimmut ataaserlu meeqqerivimmut atorfinittussat.
Perorsaasutut ilinniarsimasumik immaqaluuniit Socialassitenetut ilinniarsimasumik Qaqortumi amigaateqarpugut. Illit Perorsaasutut ilinniarsimaguit allamillu misilittaarusullutit nutaaliorusussuseqaruillu taava illerpiaq amigaatigaatsigit.
Meeqqerivik “Angaju” meeqqanut 64-nut naatsorsuussaavoq 3-6 ukiulinnut.
Sulisoqarpoq katillugit 15-nik, taakkua iluanni pisortaq inissisimalluni.
Qaqortoq illoqarfiuvoq eqqissisimasoq ilinniartoqarfiulluni alutornartoq, pisoqarfiusarpoq ukiup ingerlanerani assigiinngitsunik sammisaqartitsiffiusarluni.
Qaqortumi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.
Illit perorsaasutut ilinniarsimasuullutit ”Angaju”-mi makkua akisussaaffigissavatit akisussaaffigissavatit:
- Illup siunertaanik malitsitsiniartoq
- Inatsisartut inatsisaat nr 16, 3. dec 2012-meersoq pillugu suliniuteqarneq
- Angajoqqaanik suleqateqarnermi eqqummaarissuuneq
- Perorsaanilerinermik nakkutiginninneq, nutarsaajuarneq
- Suleqatikkuminartoq, tarnikkut timikkullu nukittooq
- Killiliisinnaasoq
- Ajornartorsiutinik qaangiinissamik aqqutissiuisinnaasoq
- Ulapaarfimmi ataatsikkoorussisinnaasoq
- Aqutsinermik misilittagaqartoq
- Meeqqanut asannittoq tunniussimasorlu
Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.
Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.
Naalakkersuisut aammalu Perorsaasut Kattuffiat isumaqatigiissutaanni isumaqatigiissutaat naapertorlugu atorfinititsisoqassaaq.
Annertunerusumik paasisaqarusukkuit unga saaffiginnissinnaavutit Meeqqerivimmi pisortaq Maren-Marie J. Berthelsen angaju@kujalleq.gl imaluunniit sianerlutit 38 17 25
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik marsip ulluisa 19-at 2024 nittartagarput aqqutigalugu kommunimit tiguneqareersimassapput.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”