Dr. Ingridip Meeqqerivia ikiortimik piaartumik pissarsiorpoq / Dr. Ingrids børnehave søger medhjælper snarest muligt

Kommuneqarfik Sermersooq

Tasiilaq

Ikkunneqarpoq: 25-01-2023

Piffissaq atuuffissaa naassaaq: 03-02-2023

Suliffissamut ID normut: 331475262

Atorfeqarnermi atugassarititaasut: Tamakkiisoq

Suliassaqarfik: Meeqqat & inuusuttut

Atorfiup taaguutaa: Medhjælper

Misilittakkat - Annertunerusumik: Samarbejde,

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Dr. Ingridip Meeqqeriviani ikiortimik kajumissuseqarluartumik tunniusimasumillu aalajangersimasumik atorfeqartussamik piaartumik pissarsiorpugut.

Meeqqat pillugit allanngueqataarusukkuit suliatigullu ataatsimuussusermut peqataarusukkuit atorfik una ilinnut piukkunnarpoq.

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaattut siunnersuut nr. 16, 3. december 2012-imeersoq kiisalu Kommuneqarfik Sermersuumi Meeqqanut Atuarfeqarnermullu Ingerlatsivimmi Takorluugaq suliassarlu tunngavigalugit sulivugut.

Kommuneqarfik Sermersuumi takorluugaq:

· Meeqqat alapernaatsut, tatituut, peqqissut nuannaartullu pilersitseqataaffigerusuppavut

Naleqartitavut ukuupput:

· Ammasuuneq saaffigiuminartuunerlu

· Toqqissisimaneq isumassorneqarnerlu

· Ilikkarsinnaaneq

Meeqqat qitiutinneqarput, suliffimmilu pitsaasumik avatangiiseqarnissamik akisussaaffeqarneq, ataqqinninneq aamma tatiginninneq qitiutinneqarlutik. Uagutsinnut pingaaruteqarpoq, inersimasut qanimut attaveqartut isumalluartullu aqqutigalugit meeqqat ulluinnarnik ataqatigiissunik, toqqissimanartunik isumassarsiorfiusunillu misigisaqarnissaat.

Pisortap saniatigut inini immikkut tamarmik pingasunik sulisoqarput, aamma eqqiaasoq igaffimmiorlu.

Ammasarpoq nal. 07.00-17.00.

Neqeroorutigissavagut:

· Meeqqerivik 40-nik nuannerluinnartunik meerartalik.

· Suleqatit piumassuseqarluartut qanittumi avatangiiseq assigiinngisitaartulik pisariaqartorlu atorluartagarput.

· Ulluinnarni imaqartitsinissamut perorsaanermullu annertuumik sunniuteqaqataasinnaaneq

· Meeqqerivik nuannersoq ukiuni 62-ini pioreersoq, sulilu ineriartortinneqartoq

· Pisortamik, suleqatinik angajoqqaanillu qanimut suleqateqarneq

· Assigiinngitsunik sulialinnik meeqqerivinni allaniittunik atuarfimmiittunillu suleqateqarneq.

Naatsorsuutigaarput illit:

· Meeqqanik pingasut arfinillillu akornanni ukiulinnik sullisserusuttutit.

· Isumassuilluartuusutit, aalajaatsutit, patajaatsutit, kajumissuseqartutit ilakkuminarlutillu.

· Ulluinnarni perorsaanermut tunngasunik pisoqartitsinissamut sammisassaqartitsinissamullu pilersaarusioqataasinnaasutit.

· Timikkut patajaatsuusutit illup iluani silamiluunniit perorsaanermi suleqataassuseqarnissamut piumassuseqartutit.

· Akisussaaffimmik tigusisinnaasutit, utaqqiinnarnak iliuuseqarsinnaasutit taakkuninngalu malinnaaffiginnissinnaasutit

· Suleqateqallaqqissuusutit.

· Assigiinngisitaassuseqarnermik inissaqartitsisutit tamakkiisumillu takunnissinnaassuseqartutit

Meeqqerivik Tasiilap qeqqani pinngortitarsuarmik tupinnartumik avatangiiseqarluni inissisimavoq. Pinngortitami assigiinngitsorpassuarnik misigisassaqarpoq, ass. pisuttuarnerit, piniarnerit, aalisariarnerit, qimussernerit assigisaalu. Illoqarfik timersortarfeqarpoq, sungiusartarfeqarluni, arsaattarfeqarluni, majuartaatitalimmik sisorartarfeqarluni, pisiniarfiit, atuarfik, meeqqanut anginernut sunngiffimmi ornittagaq soorunalumi aamma meeqqeriviit.

Annertunerusumik paasisaqarusukkuit:

Annertunerusumik paasisaqarusukkuit pisortaq Gine Sø Madsen attavigisinnaavat uungaoqarasuaat 367891 imaluunniit 596788 imaluunniit e-mail-imut uunga: gsma@sermersooq.gl

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik peqartussaatitaaneq pillugu inatsit naapertorlugu piumasaqaatitaqarpoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermik uppernarsaat rigspolitiinit pineqaatissinneqarsimannginnermullu uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq. Atorfinitsitsineq qaammatini pingasuni misiliinertaqarpoq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 71-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALUGIUK:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.