sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Driftschef til Maskinstation, forbrændingsanlæg og Modtagerstation samt Bygdeadministration

Kommune Kujalleq

Qaqortoq
Ikkunneqarpoq: 30-11-2021
Piffissaq atuuffissaa naassaaq: 15-12-2021
Suliffissamut ID normut: LJA-83032645
Atorfeqarnermi atugassarititaasut: Tamakkiisoq
Suliassaqarfik: Allat

Silami suliassalerivimmi, ikuallaavimmi, eqqagassanik tigooraavimmi aamma Nunaqarfinni ingerlatsivimmi ingerlatsinermut pisortaq



Kommune Kujalleq Qaqortumi Teknikkimut Avatangiisinullu ingerlatsivimmi ingerlatsinermut pisortatut atorfik 1. januar 2022 imaluunniit isumaqatigiinnikkut inuttalerniarneqarpoq.


Ingerlatsivik teknikkimut pisortamit siulersorneqartoq 12-nik teknikereqarpoq pingasunillu allaffimmioqarluni. Ingerlatsinermut pisortap ingerlatsinermut suliallit 50-it missaaniittut aqussavaai, Narsami Nanortalimmilu ingerlatsinermut aqutsisut suleqatigalugit.


Qulequttat tullinnguuttut akisussaaffigilissavatit:

¨      Ingerlatsinermut missingersuusiornermi illoqarfinni nunaqarfinnilu saligaatsuutitsinermut, aqqusinernik sanaartugassanillu aserfallatsaaliuinermut, eqqagassalerinermut, aputaajaanermut, ikuallaavilerinermut, eqqagassanik tigooraavilerinermut aamma bussinik ingerlatsinermut tunngasunik aqutsineq.



Ilinnut piumasaqaatit

¨      Naleqquttumik ilinniagaqarsimassasutit ajornanngippallu suliassaqarfiit ilaat misilittagaqarfigissagitit.

¨      Aqutsinikkut misilittagaqartuuneq annertuumik iluaqutaassaaq.

¨      Namminersorlutit aaqqissuulluakkamik sulisinnaassasutit.

¨      Sullissiumatuujussasutit suleqatikkuminarlutit qiimasuullutillu.

¨      Suliassat suliarinerini isumassarsiullaqqissusermik pitsaassusermillu takutitsisassasutit.

¨      Qarasaasiakkut (iluarsaassutinik allassutinillu) atuisutut nalinginnaasutut atuisinnaassasutit.

¨      Allannikkut oqalunnikkullu ersarissumik isummersinnaassasutit.


Ilinnut neqeroorutigisinnaasavut:

¨      Kommunimi illoqarfitsigut annertuumik ineriartorfiusumi sulineq soqutiginartoq.

¨      Suliffik pikkunartunik suliassaqarfiusoq.

¨      Inuttut suliatigullu ineriartornissamut periarfissat pitsaasut.

¨      Suleqatit suleqatigiinnerlu pitsaasut.

¨      Kalaallit Nunaanni nunami kulturikkullu soqutiginaateqarnerit alutornaateqarnerit ilaanni pinngortitami misigisassat sunngiffimmilu sammisassat.


Aningaasarsiat atorfeqartitaanermilu atugassarititaasut.

Isumaqatigiissutit atuuttut naapertorlugit atorfinitsinneqarneq akissarsiaqartitaanerlu.


Atorfimmut atasumik inissaqartitsisoqassaaq malittarisassat atuuttut malillugit sillimmatinut ineqarnermullu assigiinngitsunullu akiliuteqarfigineqartussamik.


Paasissutissat allat

Atorfik pillugu paasissutissat sukumiinerusut Teknikkimut pisortaq Sem Ottosen oqarasuaammut uunga +299 64 54 00 imaluunniit mailimut uunga seot@kujalleq.gl saaffigalugu pissarsiarineqarsinnaapput.


Qinnuteqaat

Qinnuteqaat, ilinniagarisimasat pillugit paasissutissartalik, siornatigut suliffigisimasat ilaquttavillu qanoq amerlatiginerannut paasissutissat, soraarummeersimanermut uppernarsaatit assigiissaallu assilineqarneri, innersuussutit il. il. kingusinnerpaamik decemberip 15-anni 2021-imi kommunimut tunniunneqarsimassapput.


Kommune Kujalliup nittartagaani paasissutissanik sukumiinerusunik ujarlersinnaavutit: www.kujalleq.gl.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia