Ejnar Mikkensenila Aluarpia atuarfimmi allaffimmiumik pissarsiorpoq / Kontorfuldmægtig søges til Ejnar Mikkelsenila Aluarpia

Kommuneqarfik Sermersooq

Ittoqqortoormiit

Ikkunneqarpoq: 05-08-2024

Piffissaq atuuffissaa naassaaq: 26-08-2024

Suliffissamut ID normut: 331600133

Atorfeqarnermi atugassarititaasut: Tamakkiisoq

Suliassaqarfik: Allaffik & allaffissorneq

Atorfiup taaguutaa: Kontorfuldmægtig

Misilittakkat - Annertunerusumik: Samarbejde, Administration

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kommuneqarfik Sermersooq Ejnar Mikkensenila aluarpia Ittoqqortoormiit

Ejnar Mikkensenila Aluarpia atuarfimmi allaffimmiumik pissarsiorpoq Atuarfeqarnermut Immikkoortortaq / Atorfiup normua 813-24

Kommuneqarfik Sermersooq pikkorissumik tunniusimasumillu Ejnar Mikkensenila Aluarpiani allaffiumik 1. september 2024 kingusinnerusukkulluunniit sulilersinnaasumik pissarsiorpoq.

Ejnar Mikkelsenila Aluarpiani, allaffimmiutut pingaarnertut akiligassanik naatsorsuinerit konteeriinerillu ingerlattarivai, allaffissornikkut ilaatigullu nutserinerit akisussaaffigivai. Allaffimmiup qanimut suleqatigivaa atuarfimmi pisortaq. Atorfik ulloq naallugu atorfiuvoq. Qaninnerpaatut attaveqaatigivaa atuarfimmi pisortaq.

Atorfiup imarisaa:

Misilittagaqartumik allaffissornermi, akiligassanik suliaqarsinnaaneq konteeriisinnaaneq AX program atorlugu, taavalu atuartut allattorsimaffii TEA aamma TAbulex program atuilluarsinnaasumik ataanilu makkunannga suliaqarluarsinnaasumik pissarsiorpugut:

·Akiligassanik suliarinninneq

·Angajoqqaanut allakkiorneq

·Nutserineq

·Inniminnigasssanik suliarininneq /pisatanik nalilinnik, atuarfimmi atortussanik

Suliassat atuarfiup pisortaa peqatigilluinnarlugu suliat ingerlanneqartassapput.

Qinnuteqartoq naatsorsuutigaarput:

·Allaffimmiutut ilinniarsimanissaq

·Akiligassanik suliaqarsinnaasoq, AX program-imik ilisimasalimmik

·Nutserisinnaaneq

·Pinerluuteqarsimannginnissaq

·Meeqqanik pinerluuteqarsimannginnissaq

Pingaartipparputtaaq:

·Aalajaatsoq, suliffimmi ataqqinnittoq

·Uippakajaarani arlariinnik suliaqarsinnaasoq

·Erseqqissumik tappissumillu allattariarsorlunilu oqaluttariarsorsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

·Nukittooq pilersitsiniallaqqissoq inissaqartitsiuartoq piumassuseqarluartorlu

·Kisitsisilerillaqqissoq

·Atituumik suleqateqarluarsinnaasoq

·Qinnuteqartut marluinnik oqaasillit (kal/qall) (ilinniartitsisut qanimut suleqatigisinnaaneranut)

Neqoroorutigaavut:

Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaa Jonathan Petersen, oqarasuaat +299 367861 oqarasuaat angallattagaq: +299 580291 imaluunniit e-mail: jnpe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 813-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.