
Eqi-mi iIlluaraqarfimmi sulisussaq / Lodge staff Eqi
World of Greenland
Ilulissat
Ikkunneqarpoq: 19-01-2025
Piffissaq atuuffissaa naassaaq: 17-03-2025
Suliffissamut ID normut: 331601438
Atorfeqarnermi atugassarititaasut: Tamakkiisoq
Suliassaqarfik: Akunnittarfik & neriniartarfik, Takornariaqarneq
Atorfiup taaguutaa: Turistguide
Misilittakkat - Annertunerusumik: Daglig rengøring,
Oqaatsit:
Danskisut |
Atuarneq/ oqalunneq |
Tuluttut |
Atuarneq/ oqalunneq |
Illuaraqarfimmi alianaaqisumi Glacier Lodge Eqi-mi sulisunngorit, ulluinnarnilu Eqi-mi sermeq iigartartoq affarleralugu.
World of Greenland juunip aallaqqaataaniit septembarip qeqqata tungaanut 2025 illuaraqarfimmi sulisussarsiorpoq.
Eqimi aasaq immikkuullarissoq misigisaqarfiusarpoq. Taakani sineriak allamik soqanngilaq taamaallaat uagut inuilaarsuarmi illuaraqarfipput Glacier Lodge Eqi – neriniartarfik, illuaqqat 23-it toqqillu ilorrisimaarnartut arfinillit, Ilulissat avannaanni 80 km-inik ungasissusilimmi Eqimi sermeq iigartartoq sermersuarlu angeqisoq sanileralugit inissisimasut.
Suliassanut ilaapput nunakkut angallassinerit pingasut assigiinngitsunik artornassusillit, illuaqqanik ataatsimoortarfinnillu eqqiaaneq, illuaraqarfimmut tassanngalu nassiussanik isumaginninneq, suliniutit aserfallatsaaliinermut tunngasut annikitsut suliassallu allat takkussuussinnaasartut.
Illuaraqarfimmi Glacier Lodge Eqi-mi sulisutut tikeraanut maannga unnuiartortunut tikilluaqqusisussaagavit, tikeraat qanoq misiginerannut pingaarutilerujussuarmik inissisimavutit. Igasoq, saqisut illuaraqarfimmilu aqutsisoq ilanngullugit suleqatigiinnut aqqaneq marluk 14-illu akornanni amerlassusilinnut ilaassaatit.
Eqi-mi sulisut tamarmik suleqatigiillutik suliassanik kivitsisarput. Tassani pisariaqartillugu ikioqatigiittarpugut.
Tikeraanut amerlasuunut Glacier Lodge Eqi-miinneq inuunermi angalanerni pingaarnerpaajusarpoq, tamannalu pinerit tamaasa pitsaanerpaanik tunniussisinnaanissamik uatsinnut piumasaqaatitaqartarluni.Illuaraqarfimmi Glacier Lodge Eqi-mi kiffartuussineq qaffasissumik pitsaassuseqarpoq, tamatigulli persuarsiorata tikeraartigullu naligiippugut.
Soqutiginnippit?
Piginnaasatit
- Nunatsinneersuuvutit imal. nunatsinnut immikkut atassuteqarlutit soqutiginnillutilluunniit.
- Ajornanngippat Guide-tut Campus Kujallermi ilinniagaqarputit.
- Pitsaasumik isiginnittariaaseqarputit piumassuseqarluarlutillu, misilittakkanut nutaanut ammasuullutit.
- Ilisimaffigisatit misilittakkatillu ingerlateqqikkusuttarpatit pissaganartunngorlugit oqaluttuarisinnaallugit
- Oqaatsitigut tuluttut qallunaatullu (sapinngisamillu kalaallisut) pikkoriffigaatit.
- Akisussaaffimmik tingusisinnaalluarputit piumassuseqarluarlutillu isummersorluarsinnaavutit.
- Qiimasuuvutit, suleqatigiinnerup pingaassusaa paasisimavat, suleqatit peqatigalugit pitsaasumik ataatsimooqatigiinnissamik pilersitseqataanissaq kissaatigalugu.
- Ajornanngippat tulluartumik misilittagaqarputit, pisinnaasamik sassaalliinermut angalanermulluunniit tunngassutilimmik.
- Annaassiniaanermut (førstehjælp) kursus-imik ingerlatsinikuuvutit imal. Ingerlatserusupputit sulinissappit aallartinnginnerani.
- Qamutinik motoorilinnik ingerlatsisinnaanermut allagartaqarputit (kørekort), aqunnermillu misilittagaqarluarlutit.
- Suleqaternik ineqateqarnissannut piareersimavutit.
Neqeroorutigut
- Suliffeqarfimmi inuusukaami, suliffimmi kajungernartumi immitsinnut paarineq.
- Isumaqatigiissuteqarnikkut akissarsiaqarneq.
- Ilulissani akikitsumik inissaqartitaaneq.
- Københavnimiit imal. nunatsinni mittarfiit arlaanniit Ilulissanut, atorfeqarnerlu naappat uterlugu akeqanngitsumik timmisartukkut angalanissamut bilitsimik pissarsineq
- Akisussaaffik annertooq ilikkagaqarnissamut piginnaasanillu inerisaanissamut periarfissalik.
- Sulinerup nalaani misigisassat pissanganartut ullorlu suliffik tamatigoortoq.
Qinnuteqaatit qinnuteqarnermilu immersugassaq immersukkat uunga nassiutikkit:
JOB@WOG.GL
Qinnuteqarfissaq kingulleq: 17.03.2025
Qinnuteqaatit tiguneqaraangamik naliliivigineqartassapput
Qinnuteqartunik Ilulissaninngaanneersunik 08.03.2025 kingorna naapillugit oqaloqateqarnerit ataavartumik ingerlanneqassapput.
Qinnuteqartunut Kalaallit Nunaanneersunut (Ilulissat saniatigut) oqarasuaatikkut oqaloqatigiinneq 08.03.2025 kingorna ataavartumik ingerlanneqassapput.
Qinnuteqartunut Danmark-iminngaanneersunut Københavnimi 08.03.2025 naapeqatingiittoqassaaq.
Qinnuteqaatit tamaasa 15. februar nalilersussuagut, tamannalu kingorna akissutissamik nassiussissaagut oqaloqatigerusunnerlutit.
Atorfik pillugu paasissutissat annertunerusut ingerlatsinermi pisortaq Astrid oqarasuaatikkut +299 546821 attavigalugu pissarsiarineqarsinnaapput.