Erninermi sulinngiffeqarnermi paarlattaassussaq: katersugaasivilerisoq/Barselsevikariat: Museumsinspektør til Nuuk Kunstmuseum

Kommuneqarfik Sermersooq

Ikkunneqarpoq: 04-05-2023

Piffissaq atuuffissaa naassaaq: 28-05-2023

Suliffissamut ID normut: 331518544

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: Museumsinspektør

Ilinniagaq: Inspektion og certifikater

Misilittakkat - Annertunerusumik: Museum, Altmuligmand

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Erninermi sulinngiffeqarnermi paarlattaassussaq: Nuummi Eqqumiitsulianik Saqqummersitsivimmi katersugaasivilerisoq

Eqqumiitsulianik nuannarisaqarluinnarpit, katersugaasivimmilu sulinissamik takorluugaqarlutit? Isumassarsiavit piviusunngortinnissaa pikkoriffigaajuk? Suliffeqarfik mikigaluarluni pilersitsiviuvoq, peqatigaluta Nuummi eqqumiitsuliortut silarsuaanni ineriartortitseqataarusuppit? Kunngikkormiut tikilluaqqusinnaavigit, meeqqat inuusuttullu atuartillugit, tusagassiortunut nalunaaruteqarlutit, immaqalu pisariaqartitsinikkut iikkamut kikiatserillutit saqqummersitsinissanillu aaqqissuuseqataallutit?

Pingaarnerpaatut makku suliassarisassavatit:

·      Saqqummersitsinernik tulluartunik pilersitsinerit, isumassarsiarineranit, aningaasalerneranut, naggataagullu nalunaarusiarineranik naammassillugu

·      Allaaserinninnerit, tusagassiortunut nalunaarutiliornerit assigisaanillu allattarneq

·      Eqqumiitsuliorneq pillugu Nuummi Kalaallit Nunaannilu paasissutissiisarnerit ilisimasallu ineriartortillugit – aammalu eqqumiitsuliorneq Kalaallit Nunaanneersoq nunap avataanut siammarternissaa

·      Meeqqanut sammisassaqartitsinerit, saqqummersitsinerit, Inuiattut Ullorsiorneq, Unnuk Kulturisiorfik assigisaallu ingerlanneri

·      Atuarfinnut ilinniarfinnullu neqeroorutit isumagisarneri ingerlannerilu

·      Saqqummersitsiviup katersugaataanik nalunaarsuineq suliaqarnerlu

Suliat tamarmik katersugaasivilerisup aappaa aamma katersugaasivimmi aqutsisoq suleqatigalugu suliarineqartarput.

Tulliuttut piumasaqaataanngillat, takorloorparpulli makku ilaatigut piginnaasarigitit:

·      Aqutsisinnaasutit aporfiusunillu aaqqiissutissaqallaqqittutit

·      Allannermut attaveqarnissamullu piginnaasaqarluartutit

·      Tulluartumik ilinniagaqarsimasutit, soorlu eqqumiitsuliornermik oqaluttuarisaanermik, imaluunniit Ilisimatusarfimmi Kulturit Inuiaqatigiillu Oqaluttuarisaanerat, imaluunniit Oqaasilerineq, Atuakkialerineq Tusagassiuutilerinerlu

·      Katersugaasivinnit aamma/imaluunniit eqqumiitsuliornerup kulturilerinerullu silarsuaanit misilittagaqartutit

·      Meeqqanik inuusuttunillu atuartitsinermik misilittagaqartutit

·      Kalaallisut, qallunaatut tuluttullu attaveqaqatigiinnerit ingerlassinnaagitit

·      Kalaallit Nunaanni eqqumiitsuliornerup kulturillu silarsuaanik sungiussisimasutit

·      Sullissilluarnissaq pingaartikkit

·      Allanngorartumik sulisinnaasutit, aamma ullut suliffiit allanngorartut assigiinngitsutigut ulapaarfiusinnaasartut piareersimaffigigitit

Ilinnut neqeroorutigisinnaasagut:

·      Suliffik namminersorluni ineriartortinnissaanut periarfissalerujussuaq

·      Suliffik inuppalaarfiusoq inuusuttunik sulisulik (kaageqartuartorlu)

·      Suliffik takorluukkanik piviusunngortitsinissamik periarfissaqarluartoq

·      Ulluni allanngorartuartuni suliassat assigiinngitsorpassuit

·      Sapaatip akunneranut akunnerit 33-t – piffissap suliffiup nikerartinnissaanut periarfissaqarluartoq, soqutigigaannilu ilaatigut sivisunerusumik suliffiusinnaasoq

·      Suliffik Kalaallit Nunaanni eqqumiitsuliornermi kulturikkullu pisuni malinnaaffik

·      Ilisimatusarnermut attaveqarsinnaaneq periarfissaavoq, Kalaallit Nunaatalu avataani ataatsimeersuarnernut assigisaanullu peqataasarnissaq periarfissaalluni

Nuummi Eqqumiitsulianik Saqqummersitsivik pillugu:

Nuummi Eqqumiitsulianik Saqqummersitsivimmi aqutsisumik piffissaq tamakkerlugu sulisartumik atorfeqartoqarpoq, katersugaasivilerisoq piffissaq tamakkerlugu sulisartoq, aamma katersugaasivilerisoq akunnerit 33-it sulisartoq (immaqa illit), ilinniartullu ikiortit pingasut akunnerit qulit sulisartut. Kalaallit Nunaanni eqqumiitsulianik katersugaasivinni annerpaajuvoq, nammineq eqqumiitsulianik katersaalik aammali Kalaallit Nunaanni saqqummersitanut allanngorartunut saqqummersitsivissamik inimik pitsaanerpaamik pilik. Paasisaqarnerorusukkuit nuukkunstmuseum.gl alakkarsinnaavat.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: saqqummersitsiviup pisortaa Nivi Christensen , oqarasuaat +299 32 77 33 imaluunniit e-mail: nich@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

1.juni atorfinitsitsisoqassaaq imaluunnit isumaqatigiinnikkut.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 176-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.