sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Erninermut atatillugu paarlatsissarsiorneq Arctic Hubimi attaveqatigiinnermi akisussaasoq

Namminersorlutik Oqartussat

Nuuk
Ikkunneqarpoq: 22-09-2022
Piffissaq atuuffissaa naassaaq: 19-10-2022
Suliffissamut ID normut: LJA-84055818
Atorfeqarnermi atugassarititaasut: Tamakkiisoq
Suliassaqarfik: Allat

Attaveqatigiinnermi suliassanik assigiinngiiaartunik suliaqarneq nuannaraajuk, aamma tusagassiuutit inuillu akornanni attaveqaatit suliaqarfigissallugit misilittagaqarfigaagit? Taava immaqa illit Arctic Hubimi attaveqatigiinnermi akisussaasutut erninermut atatillugu paarlatsissaraatsigit.

Arctic Hub issittumi ilisimatusarnermi kateriffiuvoq Nuummilu allaffeqarluni. Ilisimatusarnerup inuiaqatigiillu akornanni attaveqaataanissaq pingaarnertut suliassatta ilagaat, tassanilu attaveqatigiinneq pingaaruteqarluinnartumik suliaqarfiuvoq.

Arctic Hubimi attaveqatigiinnermi akisussaasutut erninermut atatillugu paarlatsitut allattoqarfiup paasissutissanik ingerlateqqittagaanut, attaveqatigiinnermi isaaffinnut kiisalu tusagassiuutinut attaveqartarnermi pingaarnerusumik illit isumaginnittuussaatit.  

Attaveqatigiinneq aamma tusagassiuutinut attaveqarneq
Illit nittartakkatta nutartertarnissaanut kiisalu inuit attaveqatigiittarfiinut akisussaasuussaatit. Tamatuma saniatigut illit tusagassiuutinut attaveqarneq akisussaaffigissavat, tassani tusagassiuutinut atugassanik allaaserisanik allanneq aamma oqaluttualiorneq ilaapput.  Matumani allattoqarfimmi aqutsisup aamma siulersuisut tusagassiuutinik naapitsineranni immersortassavatit kiisalu tusagassiortut saaffiginnissutaannik tigooraasuussallutit.  

Paasissutissanik ingerlatitseqqiisarneq aamma ataqatigiissaarineq
lllit allaaserinnittarnitsinnut aamma videoliortarnitsinnut akisussaasuussaatit, tamatumunnga illit nammineq isumassarsisinnaassaatit, allaaserisassanik allassinnaallutit kiisalu suleqatitsinnut attaveqaataasinnaallutit (allaatiginnittartunut, assiliisartunut, nutserisunut, ilusilersuisartunut il.il.)  Taakku saniatigut ingerlaavartumik paasissutissiinermik aaqqissuussisarnitsinnik pilersaarusiorlutillu ataqatigiissaarisassaatit, soorlu workshoppinut, soraarnerup-nalaani-ataatsimiinernut, aamma paasissutissiinermut unammisitsisarnitsinnut Paasisavut.

Uagut ilinnut neqeroorutigisinnaavagut
Arctic Hubimi allanngorartumik suliaqarfiulluartumilu, qeratanngitsumik sulinermi avatangiisilimmi, sulifffeqalissaatit. Illit sulisutsinnut piginnaasalinnut angusaqarusulluartunullu akuulissaatit, taakku tassaapput allattoqarfimmi aqutsisoq, suliniutinik ingerlatsisoq, allattoqarfimmi suleqat kiisalu ilinniartoq ikiuutaasartoq. Suleqatigiittut ikittunnguatut immitsinnut ikiorajuttarpugut. Uatsinni sulianut tunngasutigut ineriartorfissaqarpoq, aamma illit nammineq suliassatit annertuumik sunniivigisinnaavatit. Issittumi ilisimatusarneq sukumiisumik ilisimasaqarfigilissavat aamma sullitanut assigiinngitsorpassuarnut ilisimatusarneq pillugu paasisitsiniaanermik misilittagaqalissallutit.

Iluarissavarput illit: 
- naleqquttumik ilinniagaqarnikkut tunuliaqutaqaruit – assersuutigalugu attaveqatigiinnermik imaluunniit tusagassiortutut ilinniarsimaneq.
- pitsaasumik attaveqatigiinnermik suliaqarusuttuussaatit, pitsaasumik oqaluttuamik nassaallaqqissuullutit, aamma tusagassiortutut atortut ilisimasaqarluarfigissallugit.
- inuit attaveqatigiittarfiinik aamma tusagassiutilerinermik misilittagaqaruit. 
- qallunaatut tuluttullu qaffasissumik piginnaasaqassaatit. Kalaallisut oqaatsinik piginnaasaqaruit assut iluaqutaassaaq.
- issittumi ilisimatusarnermik paasisimasaqarneq imaluunniit soqutigisaqarneq, kiisalu Kalaallit Nunaanni inuiaqatigiinnut politikkikkulllu pissutsinut ilisimasaqarluarneq.  
- sulerusussuseqassaatit, aamma namminersorlutit allanillu suleqateqarlutit sulisinnaallutit.

Arctic Hub pillugu 
Arctic Hub Kalaallit Nunaat immikkut ittumik qitiutillugu issittumi ilisimatusarnermi kateriffiuvoq immikkuullarissoq. Kalaallit Nunaat Danmarkilu ataatsimut allattoqarfimmik pilersitsisimapput, hubbimilu angusaqarusussuseq annertuvoq qaffasillunilu. Ilisimatusarnerup, ilinniagaqarnerup, inuiaqatigiit, ingerlatsinerup aamma inuussutissarsiornerup akornanni attaveqaataaneq allattoqarfimmi suliaraarput. Arctic Hub pillugu atuarnerusinnaavutit uani www.arctichub.gl 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarfissaq kingulleq: Marlunngorneq ulloq 18 oktober, 2022

Atorfik aammalumi Issittumi Ilisimatusarnermut Eqiteriffik pilllugu annerusumik paasisaqarniaruit allaffimmi aqutsisoq Anna-Sofia Skjervedal attavigisinnaalluarpat, oqarasuaat  +299 36 12 89, mail: skjervedal@arctichub.gl 

Atorfiniffiusinnaavoq:
Ulloq atorfiniffissaq 1. december 2022 (imaluunniit isumaqatigiissuteqarnikkut) - 1. december 2023-p tungaanut.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia