sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

F2-mut qarasaasiatigut atortorissaarutinut supporterimik pissarsiorpugut

Namminersorlutik Oqartussat

Nuuk
Ikkunneqarpoq: 16-07-2020
Piffissaq atuuffissaa naassaaq: 11-08-2020
Suliffissamut ID normut: LJA-80675438
Atorfeqarnermi atugassarititaasut: Tamakkiisoq
Suliassaqarfik: IT & tusagassiuutit

F2-mut qarasaasiatigut atortorissaarutinut supporterimik pissarsiorpugut
Namminersorlutik Oqartussat qarasaasiatigut atortorissaarutaannik isumaginnissinnaasumik supporterimik pissarsiorpugut

Pisortani qarasaasiatigut atortorissaarutinik suliarinnittarnermi ersarissunik suliaqaqataasinnaasumik attaveqaateqallaqqissumik aaqqissuussillaqqissumillu qarasaasiatigut atortorissaarutinut supporterimik pissarsiorpugut. Atortorissaarummi piginnittuunermik, isumaqatigiissutinut akisussaanermik, supporteritut siunnersuisarnermik aamma ataavartuunissamik isumaginnissinnaasumik qarasaasiatigut atortorissaarutinut supporteritut suleqatissarput illiusinnaavoq.

Illit pillutit
Naatsorsuutigaarput makku peqataaffigisinnaagitit:
Qarasaasiatigut atortorissaarutit atortorissaarutitigut piginnittuuffigineqarnerisa pisiortorfiillu isumaqatigiissutaasa isumaginnissinnaasoq
  • sullissinermik pilersaarusiornertalimmik misilittagaqartoq
  • niuernermi siunnersortitsialaasinnaasoq
  • periusissat, niuernerup teknologiillu ataqatigiisinnissaannut peqataasinnaasoq, aamma soqutigisaqaqatigiinnik pakkersimaarinninnissamik misilittagaqalerluarsinnaasoq
  • F2 ESDH-mik atortorissaarummik ilisimasaqartoq
 
Uagut pilluta     
Digitalimik Sullissinermut Aqutsisoqarfiup anguniarpaa inuiaqatigiit it-mik digitalinngorsaanermillu atuinerulernissaat siuarsassallugu, matumani pisortani allaffeqarfiup naammassiuminarsarnissaa ilanngullugu. Ukioq 2020-mi it-mik atortut aaqqissuussaanerillu ineriartortinnissaata siuarsarneqarnissaat anguniarparput, taakkulu naapertorlugit kalaallit inuiaqatigiinni aaqqissuusseqqinnermut angisuunut ikorfartuutaassapput.
Digitalimik Sullissinermut Aqutsisoqarfimmi 35-t sulisorineqarput.
Neqeroorutigaarput
Atorfik tamatigoortoq, namminersorfiusoq unamminartulik sulisutut inuttullu ineriartornissamut periarfissalik neqeroorutigaarput. Sulisut pikkorissut kajumissuseqarluartullu suleqatigalugit suliffimmi qeratanartuunngitsumi suleqataassaatit.
Pingaartipparput Digitalimik Sullissinermut Aqutsisoqarfimmi sulisut suliamik ilisimaarinninneq misilittakkallu aqqutigalugit imminnut ikorfartoqatigiissinnaanissaat, immikkulli pingaartipparput aqutsisoqarfiup tunaartaanik anguniagaanillu suliaqartarnerni maligassiuisuunissat aammalu Digitalimik Sullissinermut Aqutsisoqarfiup naleqartitaasa malinneqarnissaat: Angusaqarusussuseq, Suleqatigiinneq, Akisussaaffeqarneq Ilisimasanillu paarlaasseqatigiinneq.

Paasissutissat allat
Atorfik pillugu paasissutissat allat Immikkoortortaqarfimmi aqutsisumut, Tony Ditlevsdalimut, oqarasuaatikkut 555812-imut sianerluni pissarsiarineqarsinnaapput. Qinnuteqaatit ataavartumik suliarineqassapput, kisianni kingusinnerpaamik 10. august 2020-mi kingusinnerpaamik tigoreersimassavagut.

Akissarsiat atorfinitsitaanerlu
Akissarsianut atorfinitsitaanermullu tunngasut Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit ingerlanneqassapput. Suliffiit uaniissaaq Digitalimik Sullissinermut Aqutsisoqarfik, Imaneq 4, 3900 Nuuk.

Ineqarneq
Atorfininnermi inissamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulinermut atatillugu ineqareeruni inigisaq najugariinnarneqarsinnaavoq. Sulinermut atatillugu inigisaq atorfininnermut attuumassuteqarpoq, taamaammat soraarnermi qimanneqassaaq.

Qinnuteqarnissamut killigititaavoq 10. august 2020.

Digitalimik Sullissinermut Aqutsisoqarfimmi kissaatigaarput sulisunik katiterinissaq, inuiaqatigiit avatangiisigineqartut ersersillugit, aamma uagut qinnuteqartut piginnaasaat pisinnaasaallu tunngavigalugit nalilersussavagut.

Digitalimik Sullissinermut Aqutsisoqarfik aaqqissuussaanikkut Ilinniartitaanermut, Kultureqarnermut Ilageeqarnermullu Naalakkersuisoqarfimmiippoq. Paaissutissat allat uani atuarneqarsinnaapput www.digitalimik.gl

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia