sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Fagchef for familieområdet

Avannaata Kommunia

Ikkunneqarpoq: 30-10-2020
Piffissaq atuuffissaa naassaaq: 25-11-2020
Suliffissamut ID normut: LJA-81328798
Atorfeqarnermi atugassarititaasut: Tamakkiisoq
Suliassaqarfik: Allat

Ilaqutariinnermut sulianut aqutsisutut atorfik Ilulissani inissisimavoq. Ilaqutariinnermut sulianut aqutsisoq Ilaqutareeqarnermut Ingerlatsivimmi pisortamut toqqaannartumik attaveqartussaavoq.

 

Suliassat aamma akisussaaffiit:

  • Sulianut tunngatillugu siunnersuinermi isumaginninneq aamma ilaqutariit pillugit immikkoortortanut ilitsersuinerit, pingaartumik naatsorsuutit, missingersuutit allallu apeqqutit ilaqutareeqarnermut suliassaqarfimmi aningaasaqarnermut tunngasut, sulianik suliarinnittarnerit aamma inunnik isumaginninnermi suliassat allat eqqarsaatigalugit.
  • Aqutsisutut nakkutilliinermik isumaginninneq, qitiusumik ilaqutariinnut ingerlatsivimmi aamma sumiiffinni ilaqutariinnut immikkoortortani sulinermik qularnaarissunnissaat, ilaatigut meeqqanik inuusuttunillu paaqqutarinninneq, innarluutilinnik paaqqutarinninneq, pisortanit ikiorsiissutit, utoqqalinermi pensionisiat aamma utoqqarnik paaqqutarinninneq inatsit naapertorlugu aamma Avannaata Kommuniani ilaqutariinnermut suliassaqarfimmi missingersuutitigoortumik atugassiinerit naapertorlugit aqutsineq.
  • Ilaqutariinnermut suliassaqarfimmi, ulluinnarni ingerlatsinermi aqutsinermilu ilaqutariinnermut immikkoortortanut ikiuuttarneq, innuttaasut kiffartuunneqarnerata qaffasissusaanik pitsaasutsianillu aalajaatsumik qulaarnaarineq.
  • Kommunip illoqarfiini sisamaasuni ilaqutariinnermut immikkoortortat ingerlaavartumik qanimut attaveqarfiginninneq.
  • Kommunip innuttaanik ikiorneqarnissamik pisariaqartitsisunik pitsaasumik sullissinissamik qulakkeerinninneq.
  • Inatsisit atuuttut maleruagassallu malillugit kommunimi ilaqutariinnermut suliassaqarfiup aqutsinissaanik qulakkeerineq.
  • Ilaqutariinnermut suliassaqarfimmut kommunip politikkiinik suliaqarnermi atuuttunngortinnerannilu akisussaaqataaneq.
  • Ilaqutariinnermut suliassaqarfimmi aningaasanik atuineq eqqarsaatigalugu, ilaqutariinnermut immikkoortortanut ingerlaavatumik siunnersuineq ilitsersuinerlu, matumani pingaartumik immikkoortortaniit qaammatikkaartumik nalunaarusiornernik pissarsiniartarneq aamma pisariaqartitsineq malilulgu missingersuutitigoortumik nuussinissamik imaluunniit ilassutitut aningaasaliinissamik qinnuteqaatit ilanngullugit.
  • Ilaqutariinnermut suliassaqarfimmut ukiumoortumik missingersuutinik suliaqarneq eqqarsaatigalugu siunnersuineq ilitsersuinerlu aamma ukiumoortumik missingersuutitp ingerlaavartumik nutarteriffigineqarneranik aningaasaliissutillu eqquutsinneqarnissaannik qulakkeerineq.
  • Naatsorsuutinut oqaaseqaatit suliarineqarnerannut atatillugu ataqatigissaarineq. Naatsorsuutinut aamma missingersuutinut oqaaseqaatit suliarineqarnerannut atatillugu immikkoortortanit isummat apuunneqartut, qitiusumik ilaqutariinnermut ingerlatsivimmi oqaluuserineqartarnissaannik politikkikkullu suliarineqarnissaannut inassuteqaasiornernik isumaginninneq.
  • Inunnik isumaginninnermi suliaqarnermi, ilaqutariinnermut immikkoortortaqarfinni suliat illersorneqarsinnaasumik ilusilersorneqartarnissaannut uppernarsaasersortarnissaannullu pingaarnertut akisussaaneq, matumani akisussaaffeqarnermik eqquutsitsinissamut suliallu naammaginartumik ingerlanneqarnissaannut paasissutissat pisariaqartut tamatigut immikkoortortani aqutsisunit pigineqartarnissaat ilanngullugu.
  • Isumaginninnermut suliassaqarfimmi aningaasaqarnermu tunngassuteqartut pillugit attaveqaqatigiit ataatsimiittarnerinut tamanut ataqatigiissaarisutut inissisimaneq.

 

Piginnaasat:

  • Inunnik isumaginninnermi siunnersuisartutut ilinniagaqartuuvutit – sapinngisamik aningaasaqarnermut aamma isumaginninnermi inatsisinut tunngasunut tunngasutigut pikkorissarsimasutit (imaluunniit pikkorissarnerit taama ittut ingerlannissaannut piumassuteqartutit).
  • Inunnik isumaginninnermi aamma ilaqutariinnik sullissinermi annertuunik ilisimasaqartutit, pingaartumik aningaasaqarnermut aamma inatsisitigoortumik nakkutilliinermut tunngasunut.
  • Kommunit ingerlatsiviini aningaasaqarnermut tunngassuteqartuni ukiorpassuarni aqutsisutut misilittagaqartutit.
  • Inunnik isumaginninnermi aamma ilaqutariinnik sullissinermi allaffissornikkut aqutsinermi ukiorpassuarni misilittagaqartutit.

 

Inuttut piginnaasat:

  • Suliassanut pitsaasumik ersittumillu malinnaasinnaaneq.
  • Akisussaassuseqarneq.
  • Pitsaasumik suleqatiginnissinnaaneq, matumani suliassaqarfiit assigiinngitsut ilanngullugit.
  • Suliani oqimaatsuni, pitsaasumik isummersuisinnaaneq, siunnersuisinnaaneq ilitsersuisinnaanerlu.
  • Pisuni ilungersunartuni pitsaasumik malinnaanissamik attassiinnarsinnaaneq.
  • Missingersuutit naatsorsuutillu suliarineqartarnerannut ilisimasaqarluarneq.
  • Inunnik isumaginninnermi inatsisinut ilisimasaqarluarneq.
  • Kalaallisut danskisullu allassinnaaneq oqalussinnaanerlu.
  • Tarnikkut nukittuujuneq.
  • Tulleriiaarillaqqinneq misissueqqissaallaqqinnerlu.
  • Isumaqatiginninninniallaqqinneq (pingaartumik ingerlatsinermut atatillugu).
  • Misiginneqataasinnaaneq.
  • Maligassiusinnaassuseqarneq pissusilersortarnermut tunngasutigut.
  • Pitsaasunik attaveqartarnermi piginnaasaqarneq.
  • Suliassanut tunngatillugu sunniuteqarluarsinnaaneq aamma pitsaasumik angusaqarusussuseqartumillu ingerlatseriaaseqarneq.
  • Tamakkiisuusumik isiginnittumik isummeriaaseqarneq.
  • Eqaatsumik suleriuseqarneq.

 

Akissarsiat aamma atorfininnermi atugassarititaasut:

Akissarsiat aamma atorfininnermi atugassaarititaasut, kommunip aamma isumaqatigiissutinut isumaqatigiissuteqarsinnaatitaasut kattuffiit akornanni isumaqatigiissutit naapertorlugit pissapput.

 

Inissaqartitsisoqarpoq.

 

Atorfininnermut atatillugu piumasaqaataavoq, pinerluuteqarsimanermut uppernarsaat aamma meeqqanik pinerliisimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.

 

Atorfik pillugu annertunerusumik paasissutissat pissarsiarineqarsinnaapput, Inunnik isumaginninnermut pisortamut Aviâja Madsen-imut, oqarasuaat 38 76 04 imaluunniit e-mail: avma@avannaata.gl aqqutigalugit

 

Qinnuteqaat ilinniarsimanermut uppernarsaatinik aamma siusinnerusukkut atorfiit pillugit, ilinniarsimanermut uppernartaatit pappiaqqat il.il. ilaqartut, qinnuteqaat nittartakkakkut qinnuteqarfissap toorneratigut nassiuteqquneqarpoq kingusinnerpaamik:

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia