Fagchefi Sammisassaqartitsinermut Kulturimullu Immikkoortortaqarfimmut / Fagchef for Fritid og Kultur

Kommuneqarfik Sermersooq

Nuuk

Ikkunneqarpoq: 27-11-2023

Piffissaq atuuffissaa naassaaq: 18-12-2023

Suliffissamut ID normut: 331583783

Atorfeqarnermi atugassarititaasut: Tamakkiisoq

Suliassaqarfik: Meeqqat & inuusuttut

Atorfiup taaguutaa: Chef

Misilittakkat - Annertunerusumik: Samarbejde,

Oqaatsit:

Danskisut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Meeqqanut Atuarfeqarnermut Ingerlatsivimmi Sammisassaqartitsinermut Kulturimullu susassaqarfimmut sungiussisimalluartumik ilisimasalimmik, misilittagalimmik soqutiginnittumillu aqutsisussarsiorpoq.

Meeqqanut Atuarfeqarnermullu Ingerlatsivimmit anguniakkat ersarissut aamma meeqqanut isiginnittariaaseq aalajangersimasoq tunngavigalugit suliniutigineqartarpoq, taamatuttaaq suliffinnut avatangiisit pingaartinneqarput, matumani qungujunnartunik nuannarisaqarnermik, siunersiueqatigiinneq, suliatigut ineriartorneq suleqatigiillu ataqatigiilluartut inissaqartinneqarput.

Taamaattumiinnissat takorloorukku misilittakkatillu sulinermullu tunngasut inissaminiippata immaqa illit taava pissarsiarerusussinnaavatsigit.

Suliffik

Sammisassaqartitsinermut Kulturimullu Immikkoortortaqarfimmi fagchefitut tunngaviusumik sammisassaqartitsinermut kulturimullu suliassaqarfimmi immikkoortortaqarfiup suliassanut akisussaasuussaatit. Tassunga ilanngullugit kommunimi tamarmiusumi immikkoortortaqarfiup ataaniittunik suliffeqarfinni immikkoortortaqarfinnilu aqutsisunik aqutsisuuneq ineriartortitsinerlu. Suliassaqarfimmi ilaatigut sunngiffimmi atuartitsineq, peqatigiiffinnut tapiissutit, klubbit, eqqumiitsuliortut, kulturimut isumassarsiorfik, Nunat Avannarliit Nuummi kulturisioqatigiinnerat allallu innuttaasunut aaqqissuussat suliarineqartarput. Tamatuma saniatigut kommunimi tamarmiusumi immikkoortortaqarfiup ataaniittunik suliffeqarfeqarpoq, soorlu naluttarfik, nipilersornermik ilinniarfiit, timersortarfiit, katersortarfiit, katersugaasiviit, ammeriviit allarpassuillu. Taamaattumik siammasissunik inissaqartitsisinnaassaatit suliassaqarfiillu assigiinngitsut akornanni suleqatigiinnikkut periarfissanik takunnissinnaallutit.

Immikkoortortaqarfik, ingerlatsinerup saniatigut, arlalinnik soqutiginarluinnartunik ineriartortitsinermut tunngasunik suliassaqarpoq. Tassunga ilanngullugit kulturimut sammisassaqartitsinermullu, nutaamik inuusuttut kulturikkut illussaat pillugit periusissiornermik suliaqarneq, klubbinut immikkoortunut pilersaarut, Ineriartortitsinermut Immikkoortortaqarfik immikkoortunullu ataaniittunik qanimut suleqateqarnikkut suliarineqartartut.

Fagchefi sammisassaqartitsinermut kulturimullu suliassaqarfimmi pingaarnertut aqutsisutut akisussaasuuvoq. Fagchefitut ingerlatsivimmi aqutsisooqatigiinnut ilaassaatit, tassani pisortap saniatigut ilaapput Stabschefi, Ineriartortitsinermut pisortaq kiisalu Atuarfeqarnermut, Ulluunerani neqeroorutinut, Sunngiffimmut Kulturimullu immikkoortortaqarfinni kiisalu MISI-mi fagchefit. Aqutsisooqatigiinni matumani suliatigut aqutsinikkullu siunersiueqatigiinnermik pitsaasumik atorluarneqarsinnaasunillu tunniussaqarnissat naatsorsuutigineqarpoq.

Akisussaaffeqarfiit

·Immikkoortortaqarfimmi sulisunut suliffeqarfinnilu ataaniittunut aqutsisunut aqutsisuuneq, tassunga ilanngullugu piginnaanngorsaanermik suliffimmilu avatangiisit pingaartinneqarneri.

·Immikkoortortaqarfimmi suliassanut, tassunga ilanngullugit ingerlatsinermut ineriartortitsinermullu suliassanut pingaarnertut akisussaasuuneq.

·Aningaasaqarnermik pilersaarusiorneq malitseqartitsinerlu

·Immikkoortortaqarfimmi suleriaatsinik paasinninneq naammassiuminarsaanerlu aamma pitsanngorsaaneq.

·Suliassaqarfimmi qinikkanik sullissineq

·Ingerlatsivimmi immikkoortortaqarfiit sinnerinik suleqateqarneq, suliffeqarfimmi assigiinngitsut akornanni kiisalu avataaneersunik suleqatinik

Inuttut piginnaasat

Qinnuteqartoq piukkunnarnerpaaq pisortani atorfimmi assigisaani patajaatsumik misilittagaqarpoq attuumassuteqartumillu ilinniarsimasuulluni. Taamatuttaaq suliat tungaatigut pikkorissuunissat, aningaasaqarnermik aqutsinermik misilittagaqarnissat ataatsimullu isigalugu periusissat tunngavigalugit eqqarsaatersorsinnaanissat, ineriartortitsinissamik soqutiginnittuunissat, suliniutit naammassilluarsinnaassagitit kiisalu inuttut piginnaasaqarluartuunissat naatsorsuutigaarput.

Kulturimut sunngiffimmullu neqeroorutinut tunngatillugu nutaalianik isumassarsianillu nutaanik aaqqiissutissanik siuarsaasinnaaguit, kulturimut sunngiffimmillu sammisassaqartitsinermi inuiaqatigiit assigiinngitsut peqataanissaat pillugu aallussilluarlutit suliniuteqarsinnaaguit, tassunga ilanngullugu pingaartumik meeqqanut inuusuttunullu, arlalinnillu oqaatsinik atuisinnaaguit, pingaartumik kalaallisut, qallunaatut tuluttullu, iluaqutaassaaq.

Fagchefitut atorfimmut piukkunnaateqaruit atorfik pilerinarluinnartoq suliatigut inuttullu unamminartulik neqeroorutigaarput, suliassaqarfigisanni annertuumik ineriartortitsinermut sunniuteqaqataaffigisinnaasannik.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaq Lone Nukaaraq Møller, oqarasuaat +299 36 73 01 imaluunniit e-mail: lmn@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq. Qinnuteqartoq kommunimi atorfeqarnerminut atatillugu sulisutut ineqareersimaguni, qinnuteqartorlu inissiaq minnerpaamik ukiuni pingasuni najugarisimappagu, sulisunut inissiamik innersuussut attatiinnassavaa.

Qinnuteqaat:

Qinnuteqaat qulequtserlugu Atorfiup ilisarnaataa 1086-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 18.-at, 2023