sullissivik.gl
Atorfimmut ussassaarummut oqaatsinut allanut nuunniarlutit tooruk
Kommune Qeqertalik

Fagkoordinator Timi Tarnilu, Kommune Qeqertalik

Kommune Qeqertalik

Aasiaat
Ikkunneqarpoq: 09-08-2019
Piffissaq atuuffissaa naassaaq: 23-08-2019
Suliffissamut ID normut: 330070767
Atorfeqarnermi atugassarititaasut: Tamakkiisoq
Suliassaqarfik: Aqutsineq, Peqqinnissaq, Pisortani allaffissornikkut aqutsineq
Atorfiup taaguutaa: Fagkoordinator
Misilittakkat - Annertunerusumik: Projektkoordinering, Forandringsarbejde, ,
Oqaatsit:
Danskisut Atuarneq/ oqalunneq/ allanneq
Kallaallisut Atuarneq/ oqalunneq/ allanneq
Attaveqarfissamut paasissutissat

Kommune Qeqertalik

Inuaraq Gedionsen Steenholdt
Niels Egedes Plads 1
Oqarasuaat 701900

Peqatigiiffiit, suliffeqarfiit kommunemilu susassaqartut suleqatigilugit ineriartortitserusuppit? Kommune Qeqertalik nutaaliaasumik aaqqissuussaavoq tassanilu inuttut ineriartorfiulluarsinnaasumik atorfimmik neqeroorfigerusuppatsigit. Kommune Qeqertalik pikkorissumik fagkoordinator-issarsiorpoq immikkoortortaqarfimmi ”Timi Tarnilu”-mi aqutsisussamik. Atorfinitsitsinissaq qinnuteqarfissap qaangiunnerani piaartumik ingerlanneqassooq imaluunniit isumaqatigiissutit malillugit. Timi Tarnilu-mi Fagkoordinator-itut Kommunaldirektør qaninnertut attaveqaataassooq.
Kommune Qeqertalimmi Fagkoordinator Timi Tarnilu atorfinitsitserusuppoq 1. september 2019 isumaqatigiissuteqarnikkulluunnit atorfinittussamik pissarsiorpoq

 

Timi Tarnilu

Immikkoortortaqarfik Timi Tarnilu Kommune Qeqertaliup aaqqissuussaanerani nutaaliaasumi pilersinneqarnikuuvoq kultur, timersorneq, nipilersorneq eqqumiitsuliorneq sunngiffimmilu sammisassat aqqutigalugit innuttaasut peqqinnartumik inuuneqarnissaat anguniartuarumallugu. Kommune Qeqertaliup pingaartippaa Timi Tarnilu qitiutillugit innuttaasunik sullissineq ingerlanneqalissasoq. Taamaattumik uani atorfimmi pisariaqarpoq susassaqarfinnik assigiinngitsunik peqataatitsinissaq ataqatigiissaarinissarlu assigiissumik ingiaqatigiissumillu ineriartortitsinissaq anguniarlugu. Minnerunngittumillu uani atorfimmi pisariaqarpoq nutaaliorussuseq allannguerusussuserlu.

 

Atorfiup imaa akisussaaffiillu

  • Ineriartortitassanik takunnissinnaaneq
  • Pilersaarusiorneq ineriartuutaasussanillu periusissiorneq
  • Pisussanik pilersaarusiorneq
  • Qulaani pineqartut suleqatit peqatigalugit piviusunngortittarnissai
  • Periusissap pilersaarusiornera piviusunngortinnissaalu akisussaaffigalugit
  • Kommunemi Suliassanik ataqatigiissaarineq

 

Atorfik nutaajummat naattorsuutigineqarpoq atorfinittussap atorfimmik ineriartortitsinissaa, uanilu kommunaldirektør kiisalu fagkoordinator-it suleqatigalugit ingerlanneqassooq.

 

Qinnuteqartumit naatsorsuutigineqartut

  • Inuk ineriartortitserusuttoq
  • Piumassuseqarluni aalajaallunilu anguniakkanik angusaqartartoq
  • Namminersortoq, suliumassusisilik tatiginassutsimillu takutitsisinnaasoq
  • Akisussaaffimmik tigusisinnaasoq nammineq suliat suliassaqarfiillu eqqarsaatigalugit
  • Immikkoortortaqarfiit akimorlugit attaveqarsinnaasoq
  • Suliffeqarfiup iluani minnerunngittumillu avataani suleqateqallaqqissoq suleqatissarsiullaqqissorlu
  • Projekt-inik ingerlatsinermik misilittagalik
  • Marlunnik oqaaseqartoq (minnerpaamik kalaallisut qallunaatullu)

 

Atorfimmi suna pissarsiassaava?

Kommunalbestyrelsep anguniagaani pingaarnerit ilaattut siunniunneqarsimasoq innuttaasut timikkut tarnikkullu peqqinnerulernissaannik suliniuteqarnissaq qanimut malinnaaffigalugu uani atorfimmi sunniuteqarfigisinnaavat. Timersoqatigiiffiit suliniaqatigiiffiillu ineriartortinneqarnerannut atatillugu FN-ip isumaqatigiissutaasa ataanni suleriusissamik piorsaanermi sunniuteqaqataaffigineqarsinnaalluni. Naattumik oqaatigalugu atorfik nutaaq unammillernartorlu kommunemi nutaaliamik eqqarsartumi ilusilersueqataaffigineqassooq. Uani atorfimmi periarfissaavoq nammineq atorfik ineriartortissallugu allanngueqataanissarlu. Suliffeqarfitsinni pingaartipparput atorfiit immikkoortortaqarfiillu akimorlugit suleqatigiinnissaq ineriartoqatigiinnissarlu.

 

Akissarsiat atorfeqarnermilu atugassarititaasut

Aningaasarsiat kiisalu atorfinitsitaanermi atungassarititaasut atorfininnermi isumaqatigiissutit malillugit suliarineqassapput imaluunniit naalakkersuisut kattuffiullu isumaqatigiinniarsinnaatitaasup akornanni isumaqatigiissutit atuuttut aallaavigineqassapput.

Atorfimmut atatillugu inissaqartitsisoqarsinnaavoq, qularnaveeqqutinik/ineqarnermut akiliutinik ilaalu ilanngullugit maleruagassat atuuttut naapertorlugit akilerneqartartussamik. Malittarisassat atuuttut naapertorlugit atorfininnermi angalanissaq pisattallu nassiunnissaat isumagineqassapput.

 

Pineqaatissinneqarsimannginnermut kiisalu meeqqanik pinerliisimannginnermut uppernarsaat

Uunga atorfimmut qinnuteqarnissamut piumasaqaataavoq pineqaatissinneqarsimannerinnermut kiisalu meeqqanik pinerliisimannginnermut uppernarsaammik ilanngussinissaq. Pineqaatissinneqarsimannginnermut uppernasaat illoqarfigisami politeqarfik attavigalugu pineqarsinnaavoq. Meeqqanut pinerliisimannginnermut uppernarsaat kommunerisami allaffimmut aaneqassooq.

 

Atorfik pillugu annerusumik paasiniaasoqarsinnaavoq:

Uunga saaffiginninnikkut Sulisoqarnermut Pisortaqarfik Inuaraq Gedionsen Steenholdt e-mail: inug@qeqertalik.lg oqaruaat 70 19 00 nittartakkamilu www.qeqertalik.gl

 

Qinnuteqaammik nassitsigut

Atorfik periarfissaqartutut isigigukku aamma kommunitsinni inerisaanermut peqataasinnaaguit qinnuteqaammik nassiussigit ima ilisarnaasarlugu ”Fagkoordinator Timi Tarnilu”. Ilinniarnivit siornatigullu suliffigisimasavit naatsumik oqaluttuassartai paasissutissiissutigalugit (CV-eq), kiisalu ilinniakkap uppernarsaatai il.il. ilanngullugit nassiutikkit.

 

Qinnuteqarfissaq ulloq kingulleq: 23. august 2019

Qinnuteqaatit mailerutigisinnaavat uunga: hr@qeqertalik.gl

Imaluunniit allakkatigut uunga nassiussinnaavat:

Kommune Qeqertalik

Niels Egedes Plads 1,

Postboks 220

3950 Aasiaat


Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia