sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Familiecenteret Sisimiut søger 1 miljøarbejder

Qeqqata Kommunika

Sisimiut
Ikkunneqarpoq: 12-08-2022
Piffissaq atuuffissaa naassaaq: 02-09-2022
Suliffissamut ID normut: LJA-83925800
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Isumaginnittoqarfik

Ilaqutariinnik Sullissivik:

Ilaqutariinnik Sullissivik Qeqqata Kommuniani Atugarisaarnermut immikkoortortap ataani aaqqiissuussaanikkut inissisimavoq. Sullissivimmi neqeroorutigut assigiinngitsut atorlugit meeqqanik, inuusuttunik ilaqutariinnilllu tamanik isiginnittumik suliaqarpugut. Ilaatigut tapersersuinermik, siunnersuinermik, angerlarsimaffinnut pulaarnermik aamma suliniutinik pinaveersaataasunik neqerooruteqartarpugut. Piffissami matumani sullitat tikillugit sullissisunut marlunnut, perorsaasut ilinniarsimasunik marlunnik, angerlarsimaffinnut pulaartartuik marlunnik, isumaginninnermi siunnersortinik marlunnik, tarnit pissusiinik ilisimasalinnik marlunnik pisortamillu sulisoqarpugut.

Suliassat akisussaaffiillu

Meeqqat inuusuttullu atugaannik pissutsinik nakkutiginninneq.

Meeqqanik perorsaaneq isumaginninnerlu eqqarsaatigalugu angajoqqaanik tapersersuineq siunnersuinerlu.

Meeqqat inuusuttullu avatangiisianiinneq namminerlu suliniuteqarnikkut sammisassanik attaveqaatinillu atuarnermik / ilinniarnermik, peroriartornermi atukkanik ajortunik, atornerluinermik il.il. amigaataasunut pinaveersaataasunik pilersitsineq.

Atuarfiit ilinniartoqarfiillu silataanni meeqqat inuusuttullu sumiiffigisartagaanni atorneqarsinnaallutit meeqqanut inuusuttunullu illersuisutut imminut malunnarsaassaatit.

Ajornartorsiutinik pilersoqarnissaa ajortartorsiutilluunniit pioreersut ajorseriannginnissaat pinngitsoornissaanut pisariaqartutut isigineqarpat, angajoqqaanut attaveqarnissamut suliniuteqassaatit.

Meeqqanut inuusuttuaqqanullu najortitut atuunneq, soorlu politiit apersuineranni.

Atuarfinnut, sunngiffimmi peqatigiiffinnut, inuussutissarsiuteqartunut, politiinut, napparsimavimmut allanullu, meeqqat inuusuttullu ajornartorsiutaannut atuilluartumik aaqqiissutissanik aallartitsinissamut peqataasinnaasunut attaveqaatinik sanarfiliussaatit.

Meeqqat inuusuttullu ulluinnaanni tigussaasunik ajornartorsiutaasunik soorlu atuarfimmi /suliffimmi takkunnissamik, inuttut eqqiluisaarnermik nerisanik naammattunik inuussutissartalinnillu, atornerluisuunermik ajornartorsiutinik il.il. ikiussavatit.

Piginnaasassat

  • Perorsaanermik ilinniakkamilluunniit attuumassutilimmik ilinniagaqartutit
  • Meeqanik inuusuttunillu sullitaqarnermik misilittagaqartutit
  • Meeqqanut inuusuttunullu ilinniartoqarfimmi isumaginninnermiluunniit periuutsinut ikiuunnissamut periarfissat pillugit ilisimasaqartutit
  • Suleqatigiinni sullarissuusutit attaveqaatinillu pilersitsinissamut pikkorissuusutit
  • Marluinnik oqaaseqartuusutit, kalaallisut qallunaatullu, tamannali piumasaqataanngilaq

Pisariaqartitsineq malillugu unnukkut sapaatillu akunnerisa naanerini sulisoqarsinnaassaaq.

Akissarsisat atorfinitsitaanermilu atugassarititaasut

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit inissinneqassapput.

Isumaginninnikkut perorsaanermik ilinniagalimmik qinnuteqartumut inissaqartitsisoqarsinnaavoq, ineqarnermut akiliutaasartumik akilerneqartussaasumik.

Isumaqatigiissuteqarnikkulluunniit atorfinitsitsisoqassaaq.

Atorfinissagaanni, meeqqanik pinerliisimannginnermut uppernarsaat piniarneqassapput.

Atorfik pillugu paasissutissat sukumiinerusut Ilaqutariinnik Sullissivimmi pisortaagallartoq Mathilde Worsøe-Petersen, oqarasuaat (+299) 86 60 77, email: mawp@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat soraarummeersimanermik uppernarsaatinik, imminut ilisaritinnermik, oqaaseqaatinik attavigineqarsinnaasunik pineqaatissinneqarsimannginnermut uppernarsaammik ilaqartinneqartoq nassiunneqassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia