sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Forebyggelseskonsulent

Kommune Kujalleq

Qaqortoq
Ikkunneqarpoq: 16-09-2020
Piffissaq atuuffissaa naassaaq: 24-09-2020
Suliffissamut ID normut: LJA-81100088
Atorfeqarnermi atugassarititaasut: Tamakkiisoq
Suliassaqarfik: Allat, Meeqqat & inuusuttut, Eqqumiitsuliorneq, kulturi & timersorneq, Peqqinnissaq, Atuartitsineq & Meeqqerineq

Kommune Kujalleq Qaqortumi Pitsaaliuinermik siunnersortimik pissarsiorpoq:

 

Oktobarip ulluisa aallaqqaataat 2020 imaluunniit isumaqatigiissuteqarnikkut atorfinittussamik.

 

Kommune Kujalleq Qaqortumi Pitsaaliuinermik siunnersortissarsiorpoq. Aaqqissuusaanikkut Pitsaaliuinermik siunnersorti Kulturimut, sunngiffimmut pitsaaliuinermik ingerlatsiviup ataaniissaaq. Qaninnertut qullersaralugu illoqarfimmi Kulturimut- sunngiffimmullu aqutsisoq.

 

Makkuninnga suliassaqassalluni:

  • Qaqortumi atorfeqarfiusumi nunaqafiinilu, pinaveersaartitsinermik peqqinnerulersitsiniarnermillu suliat tamalaat ataqatigiissaarisuuffigissallugit.
  • Kommunip pinaveersaartitsinermut politikkianik timitaliinissamut malitseqartitsinissamullu  akisussaassalluni
  • Inuiaqatigiit nunaqqatigiillu ineriartornerannut malinnaassalluni sapinngisamillu piaarnerpaamik pinaveersaartitsiniutinik aallarniisassalluni.
  • Kommunimi pinaveersaartitsiniutaasunik sammisaqartitsinerup pilersaarusiornissaanut akisusssaassalluni.
  • Suleqatit nukingi pioreersut ataqatigiissaassallugit
  • Pinaveersaartitsiniutinik timitalinnik aallarniissalluni – najugaqarfinni iliuusissanik pilersaarusiussalluni.
  • Atuarfiit, sullissiviit – innuttaasut suleqatigalugit tigussaasunik paasititsiniaassalluni.
  • Sammisat pinaveersaartitsiniutaasut peqqinnerulersitsiniarfiusullu pillugit peqatigiiffinnut suleqateqassalluni.
  • Najukkami suliniutit naliliiffigineqartarnerannut malitseqartinneqartarnerannullu akisussaasalluni – aamma Inuuneritta II eqqarsaatigalugu
  • Pinaveersaartitsinermut tunngasut missingersuusiorfigissallugit.
  • Peqqinnerulernissamut perorsaaneq peqataaffigilluassallugu ataqatigiissaarisuuffigissallugulu.
  • Pinaveersaartitsinermut siunnersortit akornanni peqataalluassalluni misilittakkanillu paarlaaseqatiginnittassalluni kiisalu najugaqarfinnut suliartorallartarnissamut periarfissaqassalluni – tassa eqaatsumik sulissalluni.
  • Najukkani ataatsimiititaliani allattaassalluni siunnersortaassallunilu.
  • Nunaqarfinni suleqatigiinnermut ataatsimiititalianut ikiuutissalluni  taakkulu pilersinneqarnerinut akisussaassalluni kiisalu ingerlaavarnissaat qularnaassallugu.
  • Illoqarfiit / najugaqarfiit akornanni suliamut ilisimasaqarnikkut eqqaatsumik ingerlatsisoqarnissaanut ikiuutissalluni.

 

Piginnaasat:

  • Pinaveersaartitsinermik peqqinnerulersitsiniarnermillu soqutigisalik
  • Kommunimi pinaveersaartitsiniarnermut ineriartortitseqataanissamut piumassusilik
  • Marluinnik oqaasilik (kalaallisut danskisullu).
  • Ammasoq
  • Isummersuillaqqissoq.
  • Paatsiveerutiaatsoq.
  • Suleqateqallaqqissoq
  • Illoqarfinni nunaqarfinnilu sulianik ataqatigiissaarisinnaassusilik.
  • Eqaatsumik suleriarsinnaassusilik.
  • Microsoft office piginnaaneqarluarfiginissaa
  • Kissaataavoq suliniutinut (projekt), aammalu pitsaaliuinermut suliaqarnernut misilittagaqarnissaq.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.

 

Isumaginninnermut, peqqissaanermut, ilinniartitsisutut allatullunniit meeqqanik inuusuttuaqqanillu sullissinermut ilinniarsimasuunissaq piumasarineqarpoq.

 

Atorfeqarnermi akissarsiatigullu atugassarititaasut AK isumaqatigiissutai naapertorlugit pissapput.

 

Atorfinitsinneqanermut atatillugu inissaqartitsisoqanngilaq.

 

Atorfik pillugu paasissutissat sukumiinerusut pitsaaliuinermut pisortaq Helga Nielsen-imut e-mail heni@kujalleq.gl imaluunniit oqarasuaat 645367 atorlugu saaffiginnilluni pissarsiarineqarsinnaapput.

 

Qinnuteqaat pinerluuteqarsimannginnermut uppernarsaammik, soraarummeernermi uppernarsaatinik, siusinnerusukkut suliffigisimasanik, oqaaseqaatinillu ilallugu Kommune Kujallermi kingusinnerpaamik septembarip ulluisa 24-at 2020 tiguneqareersimassaaq, uungalu nassiullugu:

 

Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Avannaata Kommunia
Avannaata Kommunia
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Suliffeqarfimmit ataatsimit suliffissat allat