sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Air Greenland

Fragtassistent i Kangerlussuaq / Kangerlussuarmi nassiussalerisoq

Air Greenland

Ikkunneqarpoq: 24-05-2024
Piffissaq atuuffissaa naassaaq: 10-06-2024
Suliffissamut ID normut: LJA-85499966
Atorfeqarnermi atugassarititaasut: Tamakkiisoq
Suliassaqarfik: Allat

Kangerlussuarmi nassiussalerisussamik pissarsiorpugut, 1. juli imaluunniit isumaqatigiinnikkut sulilersinnaasumik.

Kangerlussuarmi Cargo assistant manager qullersarissavat, immikkoortortaqarfimmi sulisoqarnermi aalajangiisartuusoq, aammalu sulisut sulinissamut skemaliuunneqartarnerinut akisussaasuusoq. Allakkat poortukkallu timmisartukkut nassiussat ingerlatitseqatigiiffimmi maleruagassat atuuttut malillugit ingerlanneqarnissaat isumannaassavat, aammalu nassiussat isumannaatsumik poortorneqarnissaat, nassiussallu nukingiuttarialinnik angallavinnik angallavinnut pilersaarusiortarnissat qulakkeertassavat.

Suliassatit pingaarnerit tassaassapput:

  • Sullitanik kiffartuussinerit (nassiussinermut allagartat, nassiussanik tikittunik innersuussisarnerit tunniussisarnerillu)
  • Allakkanik tikittunik immikkoortiterisarnerit tunniussisarnerillu
  • Nassiussanik aallartussanik piareersaanerit tikittunillu immikkoortiterisarnerit
  • Paracraft – immersuussilluni naqiterisarnerit
  • Mittarfinni allani sulisunut Paracraft pillugu ikiuuttarnerit
  • DGR-ikkut misissuisarnermi allattuiffik
  • Kiisalu atorfimmut nassuiaat naapertorlugu akisussaaffeqarfiit suliassallu pingaannginnerusut allat


Ukununnga piginnaaneqarfeqassasutit eqqarsaatigaarput:

  • EDB-mik atuisinnaanermik ilisimasaqarputit
  • Kalaallisut danskisullu oqalussinnaavutit aammalu tuluttut oqaatsinut piginnaaneqarluarlutit
  • Silaannakkut angallassinermi misilittagaqarputit, aammalu nassiussalerinermi suliassanik ilisimasaqarputit, ajornanngippat tamanna nassiussalerinermik inuussutissarsiuteqarfimmiit piginnaavoq
  • Peqqilluartuuvutit

Namminersorsinnaanissat, inerisimasuunissat, tunniusimasuunissat kiffartuusserusussuseqarnissallu pingaartipparput. Kiisalu suleqateqarnissamut kajumissuseqarnissat, aammalu piffissani ulapaarfiusuni eqqissisimasinnaaneq paasisimaarinninnerlu piginnaaneqarfigissagitit pingaartipparput.

Neqeroorutigaavut:
HK Service Hovedstaden-ip aamma Air Greenland AS-ip akornanni isumaqatigiissut atuuttoq naapertorlugu akissarsiat atorfeqarnermilu atugassarititaasut. Taakkununnga ilanngullugu ukiumoortumik sulinngiffeqarnermut atatillugu angalanermut akiliunneqartarnissaq, ataatsimut inuunermut sillimmasiissutit aamma piffissaq tamakkerlugu ajutoorsinnaanermut sillimmasiissut.

Pinerlussimannginnermut uppernarsaateqarnissaq aamma ukiut tallimat uterlugit CV-mik peqarnissaq piumasarineqarpoq.

Pinerlussimannginnermut uppernarsaat: Piumasaqaatit naapertorlugit oqaloqateqarnissamut aggersaanitsinni minnerpaamik pinerlussimannginnermut uppernarsaatip atuuttup assilinera qinnutigissavarput.

Cargo operation manager Gert Juul-Christiansen telefon 343434-mut attaveqarfigalugu paasissutissanik amerlanerusunik pissarsisinnaavutit.



Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia