sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Fuldmægtigit Unammilleqatigiinnermut Aqutsisoqarfimmut

Namminersorlutik Oqartussat

Nuuk
Ikkunneqarpoq: 24-09-2020
Piffissaq atuuffissaa naassaaq: 22-10-2020
Suliffissamut ID normut: LJA-81171867
Atorfeqarnermi atugassarititaasut: Tamakkiisoq
Suliassaqarfik: Politi, illersornnissaq & eqqartuussiveqarneq

Atuisartoqarnermut Unammilleqatigiinnermullu Aqutsisoqarfimmi suleqatitaarissavatsigit?

Uagut pilluta
Uagut tassaavugut aqutsisoqarfiaraq 15-inik sulisulik ilinniarsimassuseq najoqqutaralugu immikkoortortanut sisamanut agguarnikuulluta: Unammilleqatigiinnermut Aqutsisoqarfik, Atuisartoqarnermut Aqutsisoqarfik, Maalaartarfiit Aqutsisoqarfiat aammalu allattoqarfik. Suleqatitta ataasiakkaat immikkoortanut arlalinnut sullissisutut attavilersugaapput.

Aqutsivipput tamaat ataatsimut isigalugu ilinniarsimassutsikkut tunulequtarput najoqqutaralugu avissimavugut affai/affai inatsisilerituujullutik aammalu inatsisilerituujunatik. Unamilleqatigiinnermut Aqutsivimmi inatsisilerituut marluuvugut – maannammuugallartoq. Suleqatissarpullu allatigut ilinniarsimanissaa ammaffigaarput.

Atorfik pillugu
Unammilleqatigiinnermut Aqutsivimmi unammilleqatigiinnermut tunngasutigut tamalaanik sammisaqassaatit. Unammilleqatigiinnermut tunngasutigut sammisani naliginnaasuni suliaraagut s.a. unammilleqatigiinneq millisiniarlugu suleqatigiit, suliffeqarfiit kattunneri, pissaanilittut atorfimminnik atornerluinersut inerteqqutaasumillu pisortatigut tapiiffigitittut, kisianni unammilleqatigiinnerup iluani aamma allanik immikkoortortoqarpoq suliassavullu nutaat: neqeroortitsisarnermut tunngasut aamma inunnik isumaginnikkut suliffeqarfiit iluanaarnissamik siunertaqartut (RSV= Register for Socialøkonomiske Virksomheder).

Suliat imatut aaqqissuunneqartarput sulisoq kinaluunniit suliassamut tunniunneqartumut akisussaasunngorluni. Ilanngullugu naatsorsuutigineqarpoq ikiortikkumalluni aperisoqarsinnaasoq – aamma ikiuisinnaasoq – atorfissaqartitsineq naapertorlugu sanilerisaq ikiorsinnaasarlugu.

Pingaarnerusumik suliassatit makkuupput:

  • Tigussaasumik suliassamik isumaginninneq, saaffiginnittunillu akissuteqartarneq
  • Siunnersiuineq aqutsisut suleqatillu peqatigalugit
  • Ilitsersuinermik atugassatut naqitatut suliat illup iluani avataanilu atugassat
  • Allattoqarfiup Unammilleqatigiinnermut Aalajangiisartunut, Pisortat Pisiortortarneranni Neqerooruteqartitsinermi Maalaaruteqartarfimmullu aamma sullissivoq tassanilu Aalajangiisartoqatigiit tamarmik ukiumut ataaseriarlutik marloriarlutilluunniit ataatsimiittarput.
Annikinnerusumik aamma:
  • Naalakkersuisoqarfimmut attavitsinnut atortussianik sanatitsineq, tamatumuuna ilanngullugit allatat tunulequtaasut aamma Naalakkersuisunut Inatsisartunullu
  • Inatsisissanik piareersaanermi suliaqarneq aammalu nalunaarutissanik suliaqarneq
  • Nunani Avannarlerni suleqatigiinnermut peqataalluni ataqatigiissaarineq

Ilinniarsimanerit soqutigisatillu najoqqutaralugit Aqutsiveqarfiup iluani suliassanik allanik aamma isumaqatigiissusiortoqarsinnaavoq: Inunnik isumaginninnermi eqqartuussisarnermi tunngaviusut, inissianik attartuisarnermi eqqartuussisarnermi tunngaviusut, kiisalu avatangiisinut pinngortitamullu maalaartarnermut tunngasut

Illit pillutit naatsorsuutigivarput:
Naatsorsuutigivarput illit:
  • Naleqquttumik qaffasissumik ilinniarsimanissat, soorlu inatsisilerituutut, aningaasaqarnermut assigisaannulluunniit.
  • Tigussaasumik suliassamik isumaginninnermik misilittagaliusutit
  • Oqaatsisigut pitsaasumik tunulequtaqarnissat soorlu oqalunnikkut allannikkullu, sulinermilu oqaatsut atornerusavut arlaat pingasuusuni: kalaallisut, qallunaatut aamma (annikkinnerusumik) tuluttut
  • Ilinniarsimassutsikkut atugassanik ingerlatitseqqiillaqqissuseq – aamma ilinniarsimasuunngitsunut
  • Namminersorluni sullarissoq aamma suleqatitit peqatigalugit
  • Aaqqissuillaqqissoq pitsaassutsimillu nalunngisaqartutit
Tamakkua saniatigut aamma pitsaaqutaassaaq:
  • Aqutsiviup ilinniarsimassutsikkut ingerlataatigut misilittagaqaruit, tamatumuuna ilanngullugu unammilleqatigiinnermi, neqeroortitsisarnermi aamma pisortat allaffissornerini
  • Kalaallit oqaasiinik, kulturiannik inuiaqatigiinnullu ilisimaqarneq
Qinnuteqartoq piukkussaq immikkut piginnaanilimmut, pissutsit naapertorlugit immikkut ittumik tapimik aamma siunnersortit pisortaattut tapimik tunniussisoqarsinnaavoq.

Qinnuteqartumut naleqquttumut, nuunnermut angalanissamut pisattallu nuunnissaannut akiliutsittoqassaaq.

Paasissutissat allat
Atorfiit pillugit suli paasisaqarnerorusukkuit ukua attaveqarfigisinnaavatit: immikkoortortaqarfimmi pisortaq Rannvá Clementsen, +299 34 58 40, racl@nanoq.gl

Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl. aamma Namminersorlutik Oqartussat pillugit uani alakkaasinnaavutit: www.naalakkersuisut.gl

Qinnuteqarfissaq
Qinnuteqarfissaq killeqarpoq  22. oktober 2020.
Atorfinninniarnermut tunngatillugu oqaloqatiginninnissat ingerlaavartumik ingerlanneqassapput.

Atorfininnissaq pissaaq
Atorfik inuttalerneqarusuppoq  1. november 2020,  taamaattoq sulisussaq eqqortoq aamma utaqqisinnaallutigu.
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Vvs Firmaet A/S
Tuning Incoming Agency Greenland
Tasiilaq
Tuning Incoming Agency Greenland
Tasiilaq
RS Entreprenør ApS
Nanortalik
Nuuk wellness & bodycare