sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Fysioterapeut søges til Terapeutteam i Qaqortoq

Kommune Kujalleq

Qaqortoq
Ikkunneqarpoq: 06-12-2023
Piffissaq atuuffissaa naassaaq: 15-01-2024
Suliffissamut ID normut: LJA-85155321
Atorfeqarnermi atugassarititaasut: Tamakkiisoq
Suliassaqarfik: Allat, Isumaginnittoqarfik, Peqqinnissaq

Qaqortumi Pillorissaaasoqatigiit timikkut sungiusaasussarsiorput

Avatangiisit suliassallu pikkunartut allanngorartullu nutaat soqutiginartullu ujartorpigit? Pinngortitami misigisassat tupinnartut uumasorpassuillu? Taava atorfik ilinnut naleqquttuuvoq!
Ulloq
01.02.2024 aallarnerfigalugu isumaqatigiissuteqarnikkulluunniit timimik sungiusaasunik/pillorissaasunik marlunnik sapaatit akunneranut akunnerni 40-ni sulisartussanik pissarsiorpugut.


Qaqortumi Pillorissaasoqatigiinni maannakkut atorfeqartut tassaapput timikkut sungiusaasut marluk,pillorissaasut ataaseq taavalu ullup affaa sulisartoq kiisalu ikiorti ataaseq, matumanilu timikkut sungiusaasup aappaa Pillorissaasoqatigiit aqutsisoraat. Qaqortoq aallaavigalugu sulisalissaatit, tassani najugaqassallutit ulluinnarnilu suliffeqassallutit. Kommunimi illoqarfinnut nunaqarfinnullu allanut angalasoqartassaaq.


Kommune Kujallermi Pillorissaasoqatigiinni pillorissaasutut piginnaanngorsaanermut tunngatillugu innuttaasunik suliniuteqarnermi, piginnaasanik allanngutsaaliilluni sungiusaanermi, meeqqanut atortorissaarutinullu tunngatillugu suliamik qitiutitsinerup suliallu pitsanngorsarnissaannut peqataassaatit. Pillorissaasut timimik sungiusaasarfianni, innuttaasut angerlarsimafiini sumiiffinnilu allani innuttaasup ikiortaa/tapersersortaa peqatigalugu suliat tikillugit sullissisarsinnaassaatit. Piginnaanngorsaaqqiinermut aamma sungiusarnissamut periarfissat kiisalu atortorissaarutit ulluinnarni innuttaasumut ikiorsiissutaalluarsinnaanerannik nalilersueqataasassaatit.


Timimik sungiusaasup suliassai:

  • Misissuinerit, naliliinerit kiisalu innuttaasut assigiinngitsunit tunuliaqutalinnit piginnaasatigut allanngutsaaliisumik / piginnaanngrsaaqqiiviusumik sungiusarneqarnerat.
  • Ataavartitsisussamik sungiusarneq, ataasiakkaarinikkut eqimattakkaartumillu.
  • Qinnuteqaatinik suliaqarneq iluaqusersuutissanik aamma inigisami allannguutit.
  • Iluaqusersuutinik pisiniarnerit, tunniussineq kiisalu ikiuutinik sungiusaaneq/ilitsersuineq.
  • Allaffissornikkut suliassat:
  • Innuttaasunik, ilaqutaasunik aammalu assigiinngitsunit tunuliaqutalinnit ataatsimeeqateqartarneq.
  • Innuttaasut ilaqutaasullu namminneq sungiusarnissaannut siunnersuineq.
  • Oqimaatsunik nuutsisarnerit, nappaatit, kingusissukkut qaratsakkut innarlersimanerit allalu pillugit innuttaasunik, tapersersortinik, inulerisunik, perorsaasunik ilinniartitsineq.

Pingaartipparput illit:

  • Meeqqanut utoqqarnullu tunngasunik suliassaqarfimmut, innarluutillinnut piginnaanngorsaaqqiinernullu soqutigisaqarluartutit aammalu immaqa misilittagaqarluartutit. 
  • Timimik sungiusaanermi suliassaqarfimmi siammasissumik suliaqarneq nuannarigit.
  • Namminersorlutit suliaqarsinnaasutit, suliffissannillu ilusilersuisinnaallutit pilersaarusiorsinnaassasutit.
  • Tunniusimasuusutit, iliuuseqarusussuseqartoq suliatigullu inissilluarsimasutit.
  • Kulturini assigiinngitsuniissinnaasutit.
  • Suleqatigiinnermik pingaartitsisuusutit, ilakkuminartutit ammasuullutillu
  • Innarluutilinnik nuussinermi ilitsersuuusiorsinnaaneq kiisalu nuusseriaatsinik ilinniartitsisinnaaneq.


Neqeroorutigaavut:

  • Suliassaqarfik meeqqanik aalaatsimikkut maluginiutimikkullu sungiusagassaniit inersimasunut/utoqqarnut timikkut, tarnikkut maluginiutitigut aamma/imalt. paasinittaatsikkut ataavartumik piginnaasakillisimasut pisariaqartitaat najoqqutaralugit allanngutsaaliinerlu siunertaralugu piginnaanngorsarlugit sungiusarnissaat.
  • Sungiusartarfik, allaffik aamma iluaqusersuutaasivik. Sungiusartarfik atortunik sungiusaatinik assigiinngitsunik pilersorneqarsimasoq, aamma sungiusarnermut atortussanik allanik pissarsinissamut kissaatit akuerineqarnissaannut periarfissaqartoq.
  • Kommunip iluani pillorissaaneq siuarsarniarlugu inerisarniarlugulu pillorissaasoqatigiit inerisaarusuttut ujartuerusuttullu.
  • Kommunimi tamarmi assigiinngitsunik ilinniagalinik suleqateqarneq, kiisalu napparsimavimmi pillorissaasunik, kiisalu immikkut ilisimasalinnik tikittoqartillugu siunnersortinit pulaarneqarnissamut periarfissaqartitaaneq, soorlu isigiarsuttut pillugit siunnersortimit, meeralerisumit, avataasalerisunit allanillu.
  • Peqqinnissaqarfimmi kommunimilu kiisalu namminersorlutik oqartussani timimik sungiusaasut pillorissaasullu tamarmik ataatsimiittassasut.
  • Suleqatit pitsaasut suleqatissaminnik nutaamik naapitsinissaminnut qilanaartut.
  • Kujataani pinngortitaq alianaatsorsuuvoq, kulturikkut oqaluttuassartai pissanganartuullutik inuilu qamannga pisumik inussiarnersuullutik tikikkuminartuullutillu.


Suliffimmut atasumik inissaqartitsisoqarsinnaavoq

Atorfimmut atatillugu inissaqartitsisoqarsinnaavoq, ineqarnermut akiliutit qularnaveeqqusiinerillu il.il.pillugit malittarisassat sukkulluunniit atuutsinneqartut naapertorlugit pissaaq. Atorfininnermi erniinnaartumik ataavartumik inissaqatitsisoqassanngippat inatsisit atuuttut najoqqutaralugit utaqqiisigalugu inissamik neqerooruteqartoqassaaq.

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq, minnerpaamillu ukiut pingasut atorfeqareernermi inatsit atuuttut malillugit soraarnermi angalanissamutpisattallu nassiunneqarnerannut akiliunneqarneq.


Pinerluuteqarsimannginnermut kiisalu meeqqanut pinerluuteqarsimannginnermut uppernarsaat:

Atorfik una pinerluuteqarsimannginnermut uppernarsaammik pissarsinissamik inatsisitigut pisussaaffiuvoq. Inatsit naapertorlugu kommunip pinerlussimannginnermik allagartamik tigusinerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Akissarsiatigut atorfeqarnermilu atugassarititaasut:

Timimik sungiusaasoq Kalaallit Nunaanni Naalakkersuisunilu isumaqatigiissutit atuuttut naapertorlugit akissarsiaqarput.


Atorfik pillugu paasisaqarnerorusukkuit timimik sungiusaasut aqutsisuanut saaffiginnissinnaavutit Susanne Buch Sporsheim e-mail subu@kujalleq.gl, imaluunniit oqarasuaat. +299 64 13 50 / mobil nr. +299 52 08 26.


Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik januaarip ulluisa 15-anni 2024.


MALUGIUK: Qinnuteqaatit pappilianngorlugit e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput.


”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”



Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia