sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

GENOPSLAG - Aasiaat søger Ledende psykolog til MISI

Kommune Qeqertalik

Ikkunneqarpoq: 03-03-2021
Piffissaq atuuffissaa naassaaq: 30-03-2021
Suliffissamut ID normut: LJA-81783728
Atorfeqarnermi atugassarititaasut: Tamakkiisoq
Suliassaqarfik: Allat

ALLAGARSIUTEQQITAQ - INUA, Aasianni tarnip pissusaanik immikkut ilisimasalik MISI-mut aqutsisussarsiorpoq

 

Meeqqat inuusuttuaqqallu ajornartorsiutaannik suliaqarneq nuannaraajuk? Kommune Qeqertalimmi perorsaanermik, tarnip pissusaanik siunnersuisarfimmi,

ineriartupiloortumi, tarnip pissussaanik immikkut ilisimasalik aqutsisutut sulisussaq ataaseq ujartorparput.

 

Meeqqanik inuusuttunilu siunnersuisarfik (MISI) suliaqarfiup INUIT ilaaniippoq, tassanngaanniit kommunimi suliaqarfiit assigiinngitsut pisarialimmik

suleqatigiinnissaat qulakkeerneqartarpoq. Meeqqanik inuusuttuaqqanillu suliaqarnermi tamakkiisumik paasissutissanik siuarsaanissaq kommunip

periusissiaani MISI pingaarutilittut inissisimavoq.

 

MISI-mi oqaloqatiginninneq atorlugu misissuisarpugut aaqqissuulluakkamillu tunngaveqartumik sulisarluta. Inersimasut meeqqanut akisussaasuusut,

meeqqat ilikkagaqarnissaannik, iluarisimaarnissaannik ineriartornissaannillu qulakkeerinninnissamut paasisanik sakkussanillu pissarsinissaat

suliassaraarput pingaarnerpaaq. Taamaattumik sulinitsinni pingaarnertut suliassarput tassaavoq, perorsaanikkut tarnillu pissusiinik ilisimasalittut

angajoqqaanut aammalu meeqqanik inuusuttuaqqanillu ukioqanngitsuniit 18-it angullugit ukiulinnik sullissisunut siunnersuineq.

Tarnip pissusaanik ilisimasalittut suliaqarfinnit assigiinngitsuneersut peqatigalugit perorsaanikkut tarnillu pissusaatigut siunnersuineq suliarissavat.

Taakkua saniatigut namminersorlutit MISI-mi ajornartorsiutinik misissuinerit inuttut, suleqatigiikkaatut aaqqissuussaanikkullu suliarisassavatit.

Immikkoortortami sulianik ilinniakkamut tunngasunik, suleqatigiinnermik pitsaasumillu kiffartuussinermik pingaartitsisumi suleqataalissaatit.

MISI ineriartortinneqarpoq pinaveersaartitsilluni suliniutit samminerullugit, taamaattumik illit isummatit pitsaasut tassunga ilanngutissallugit

periarfissaqangaatsiassaatit.

Siunnersuisarfik Aasianni inissisimavoq, taamaattorli kommuni tamakkerlugu, illoqarfinnik marlunnik nunaqarfittaanillu ilalik, sullissisarpugut.

Taamaattumik sulinermut atasumik angalasarneq atorfimmut uunga ilaavoq.

Akisussaaffiit:

 

• Perorsaasutut aamma tarnip pissusiinik ilisimasalittut siunnersuisarneq.

• Atuarfeqarfiit ulluuneranilu paaqqinnittarfiit qanimut suleqatigineqassapput.

• Angajoqqaat, ilinniartitsisut perorsaasullu siunnersorneqarneri ilitsersorneqarnerilu

• Meeqqap ilagisartagai suleqatigalugit meeqqap ineriartornissaa, atugarissaarnissaa

ilinniarnissaalu siuarsarniarlugit MISI misissuisarpoq nalilersuisarlunilu kiisalu suliniutit

piviusorsiortut atorlugit ujartortarlugit

• Tarnip pissusaanik nalunaarusiorneq.

• MISI-mi atorfillit allat peqatigalugit ilinniagaq aallaavigalugu inerisaaneq

aaqqissuussaanikkullu ineriartortitseqataaneq.

• Pisortaq qaninneq isumaqatigalugu allanik suliaqarneq.

 

Ataani allassimasut amerlanersaat ilinnit naammassineqarsimassasut naatsorsuutigaarput:

 

• Tarnip pissusiinik ilisimasalittut ilinniarsimasuusutit, akuersissuteqarlutillu,

piumasaqaataanngilarli

• PPR-imi sulinermik ilisimasaqartutit, ajornanngippallu misilittagaqartutit.

• Ilinniartitsisut, perorsaasut angajoqqaallu siunnersorlugillu aqqutissiuutissallugit

sulinissarnut piareersimasutit.

• Ilinniagaq aallaavigalugu suliallit piginnaasaasa pitsanngorsarneqarnissaannik

piareersimasutit, ilaatigut oqalugiarluni saqqummiineq, atuartitsineq qanimullu

sullissinerit siunnersuusiorfigisarnissaannik piareersimassaatit.

• Inuit assigiinngitsorpassuit oqaloqatiginissaannut inissisimaffiinilu naapinnissaannut

piumassuseqarputit piginnaaneqarlutillu

• Namminersorlutit sulisinnaassutit

• Aaqqissuussaanermi ineriartortuartumi sulerusussuseqartutit aamma nalillit pillugit

ilisimasaqarnissat sulissutigisorujussuussagit

• Tarnip pissusaanik immikkut ilisimasallit suliaannik aqutsinerit oqimaaqatigiittumik

suliarisinnaagit.

• Kalaallit Nunaanni inuiaqatigiinni pissutsinik ilisimasalik aamma kalaallisut

oqalussinnaaneq iluaqutaassaqaaq.

 

Neqeroorutigisinnaavagut:

 

• Suliffik soqutiginartoq unammillernartorpassualik.

• Suleqatigiit suliffiullu pilersikkiartornerani peqataangaatsiar

  • Ilinniagaq aallaavigalugu inuttullu ineriartornissamut periarfissat pitsaasut.
  • Namminersorluni sulisinnaaneq suleqatigiinnilu suleqataasinnaaneq
  •  01. Maj 2021 atorfininnissaq imaluunniit isumaqatigiinnikkut.

 

Piffissaq suliffiusartussaq tassaavoq sap.ak. akunnerit 40-t.

 

Meeqqanik pinerliisimannginnermut uppernarsaat:


Atorfik una meeqqanik pinerliisimannginnermut uppernarsaammik pisussaatitaaneq pillugu inatsimmut ilaatinneqarpoq.

Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat

atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik

naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq

.

Akissaatit atorfinitsitaanermilu atugassarititaasut:

 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu

assartorneqarnissaanut pisinnaatitaaffiit ilanngullugit, Namminersorlutik Oqartussat Kalaallit Nunaannilu meeqqat atuarfiini

ilinniartitsisut kattuffigisap IMAK-illu akornanni isumaqatigiissutit atuuttut naapertorlugit pissapput.

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani

Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut

akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfimmut atatillugu

inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat,

sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput.

 

Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

Piffissap qinnuteqarfiusup kinguninngua isumaqatigiissuteqarnikkulluunniit atorfik inuttalerneqarusuppoq.

 

Paasissutissat sukumiinerusut

 

Tarnip pissusaanik immikkut ilisimasallit aqutsisorigallagaat Amalie Stjerne Ketels oqarasuaat (+299) 38 73 19

maili: amsk@qeqertalik.gl, aamma Sulisoqarnermut pisortaq Lene Marie E. Petersen lepe@qeqertalik.gl imaluunniit

nittartagarput www.qeqertalik.gl aqqutigalugit pissarsiarisinnaavatit

 

Qinnuteqaat

 

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik

qinnuteqarfiup naannginnerani tigoreersimassavarput.

Tamatuma kinguninngua atorfinitsitsiniarluni oqaloqateqartoqassasoq ilimasuttoqassaaq.

 

Kommune Qeqertalik tassaavoq Qeqertarsuup Tunuata kujasinnerusortaani kommuni nutaaq pilersinneqaqqammisoq. Kommunerput sisamanik illoqarfeqarpoq arfineq-pingasunillu nunaqarfeqarluni aamma kommunip suliai suni tamani ersittuunissaat anguniagaraarput. Sulisutta pitsaasumik kiffartuussinertik takutissavaat aamma kommunimi sulineq kalaallit naleqartitaannut kulturikkullu tunuliaqutaannut nalimmassassallugu kissaatigaarput. Aaqqissuussaanerput nutaaq pillugu uani itinerusumik atuarit:

Aasiaat Qeqertarsuup Tunuata kujasinnerusortaani qeqertamiippoq. Qeqertaq qeqertarpassuit iluatungaaniippoq aamma imaq qeqertap qanittuaniittoq qajartorfissaqqilluartutut ilisimaneqarpoq kiisalu Kalaallit Nunaanni arfernit imartarput nuannarineqarluartartoq aamma ilisimaneqaatigaarput. Illoqarfik Kalaallit Nunaanni illoqarfiit annersaasa tallimaraat 3.100-t missaanni najugaqarfigineqartoq aamma kommuni katillugit 6.500-t missaanni najugaqarfigineqarpoq. (qilalukkat qimmillu qimuttut minillugit).

 

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia