sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genopslag -INUA Aasiaat HR-Konsulent søges til Kommune Qeqertalik

Kommune Qeqertalik

Aasiaat
Ikkunneqarpoq: 19-11-2021
Piffissaq atuuffissaa naassaaq: 10-12-2021
Suliffissamut ID normut: LJA-82978370
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Kommune Qeqertalik INUA Aasiaat Sulisoqarnermut Siunnersortimik atorfik ulloq 15.December 2021 isumaqatigiissuteqarnikkulluunniit atorfinittussamik sulisussarsiorpoq.

Sulisoqarnermut immikkoortortaqarfik inissisimaffimmi INUA-mi inissimavoq, Aasianni.

INUA (Atuuffia) tassaavoq:

Allattoqarfik/Ineriartortitsivik – Ataatsimut aningaasartuutit, allaffik. Akileraarutitigut tapiissutit aamma nalimmassaanerit. Erniat (Aningaasaqarneq pillugu periusissat). Eqaannerusumik oqimaaqatigiisitsinerit (aningaasaatit aamma akiitsut). Aningaasaqarneq (aqutsineq aamma aaqqissuussaaneq). Sulisoqarnermut immikkoortortaqarfik (aqutsineq aamma aaqqissuussaaneq). IT (akuulersitsineq aamma ingerlatsineq). Illuutit. Pisiniartarneq

Kommune Qeqertalik Sulisoqarnermut immikkoortortaqarfimmi piginnaasaqarluartumik soqutiginnittumillu ataatsimik sulisussarsiorpoq, taassuma kommunimi aqutsisorpassuit sulisorpassuillu inerisarneqarnissaat siuttuuffigisinnaassavai ilutigalugulu suliffeqarfiup ineriartornerani, allaffissornermik suliallit kiisalu naalakkersuinermik suliallit sullinneqarnerini patajaatsumik suleqataaffigissavai.

Sulisoqarnermut immikkoortortaqarfimmi sulisoq suleqatigiit sisamaasut ilaanniilluni sulissaaq aamma sulisoqarnermut immikkoortortaqarfimmi pisortaq qaninnertut pisortarissavaa. Atorfik INUA-nut ilaavoq Aasiannilu allaffeqartitsilluni.

Sulisoqarnermut immikkoortortaqarfiup pingaartillugit ukua pingaarnersiorpai:

  • Sulisut periusissioriarlugit suliniarfigineri
  • Sulisut malittarisassaanik ineriartortitsilluni suliaqarnerit
  • Ataatsimoorussamik pikkorissaasarnerit ineriartortinneri
  • Suliffimmi avatangiisit aamma ilorrisimaarneq
  • Immikkut ittumik inatsisinik tunngaveqarluni sullissineq
  • Sulisut allaffissorluni sullinneri (atorfinitsitsinerit soraarsitsinerit)
  • Ilinniartut misiliillutik sulisut ataqatigiissaarnerat


Neqeroorutigaavut:

  • Atorfik namminersorfiusoq suliatigut inuttullu ineriartornissamut periarfissaqarluartoq
  • Suliassaqarfiup ineriartortinneqarnissaanut kommunimi qitiusumik inissisimaffik aallaavigalugu sunniuteqarnerpaanissaq
  • Immikkoortortaqarfik ingerlalluartoq
  • Tatigeqatigiiffiusumik pitsaasunik atugaqarluni suleqatigiinneq.
  • Soqutiginartuni pikkorissaqataaneq ineriartornissamullu periarfissat pitsaasut


Naatsorsuutigaarput:

  • Sulisoqarnermut tunngasunik ilinniarluarsimasuusutit, aamma/imaluunniit misilittagaqartutit
  • Naalakkersuinermik suliallit aqutaanni suliffeqarfimmi suliaqarnermik misilittagaqartutit
  • Suliffeqarfimmi pisariusumi inuit suleqatigiinneri soqutigisaqarfigalugillu paasisaqarfigissagitit
  • Takorluuisinnaasutit angusaqarniartuusutillu
  • Ajunngitsumik inunnut isiginnittuusutit, ilinnullu tatiginnilersitsisinnaassuseqartutit

Akissarsiatigut atorfininnermilu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat AK-llu

isumaqatigiissutaat Imaluunniit allamik naleqquttoq atuuttuusoq Kalaallit Nunaannilu kattuffiup

isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Inissaq

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Pinerluuteqarsimasinnaanermut uppernarsaat:

Atorfik taanna pinerluuteqarsimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq.

Taamaattumik malugeqqussavarput Politiniit pinerluuteqarsimasinnaanermut uppernarsaat pissarsereerpat atorfinitsitineq aatsaat pisinnaavoq pinerluuteqarsimasinnaanermut allagartat naammaginartutut isigineqarpat.

Atorfik pillugu paasissutissat sukumiinerusut Sulisoqarnermut pisortamut Lene Marie Petersen-imut saaffiginninnikkut pissarsiarineqarsinnaapput uunga oqarasuaat 387003 imaluunniit e-mailimut: lepe@qeqertalik.gl.

Qinnuteqaatit ugguuna www.qeqertalik.gl nassiuguk, CV ilinniarsimanermut – pikkorissarsimanermut uppernarsaatit, kiisalu oqaaseqaatit assigisaallu “Qinnuteqaatit nassiuguk” toorlugu ikkunneqarsinnaapput.

Qinnuteqaatit nassiunneri ajornartorsiuteqaruit hr@qeqertalik.gl attavingiuk

Qinnuteqaatinik mail-ikkut allakkatigulluunniit tigusineq ajorpugut.


Kommune Qeqertalik pillugu:

Kommune Qeqertalik tassaavoq Qeqertarsuup Tunuata kujasinnerusortaani kommuni nutaaq pilersinneqaqqammisoq. Kommunerput sisamanik illoqarfeqarpoq arfineq-pingasunillu nunaqarfeqarluni aamma kommunip suliai suni tamani ersittuunissaat anguniagaraarput. Sulisutta pitsaasumik kiffartuussinertik takutissavaat aamma kommunimi sulineq kalaallit naleqartitaannut kulturikkullu tunuliaqutaannut nalimmassassallugu kissaatigaarput. Aaqqissuussaanerput nutaaq pillugu uani itinerusumik atuarit: http://qeqertalik.gl/


Aasiaat Qeqertarsuup Tunuata kujasinnerusortaani qeqertamiippoq. Qeqertaq qeqertarpassuit iluatungaaniippoq aamma imaq qeqertap qanittuaniittoq qajartorfissaqqilluartutut ilisimaneqarpoq kiisalu Kalaallit Nunaanni arfernit imartarput nuannarineqarluartartoq aamma ilisimaneqaatigaarput. Illoqarfik Kalaallit Nunaanni illoqarfiit annersaasa tallimaraat 3.100-t missaanni najugaqarfigineqartoq aamma kommuni katillugit 6.500-t missaanni najugaqarfigineqarpoq. (qilalukkat qimmillu qimuttut minillugit)

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia