sullissivik.gl
Atorfimmut ussassaarummut oqaatsinut allanut nuunniarlutit tooruk
Air Greenland

GENOPSLAG Kampagnemanager / ALLAGARSIUTEQQITAQ Pilerisaarinermi Manageri

Air Greenland

Nuuk
Ikkunneqarpoq: 07-06-2024
Piffissaq atuuffissaa naassaaq: 01-06-2025
Suliffissamut ID normut: LJA-85533770
Atorfeqarnermi atugassarititaasut: Tamakkiisoq
Suliassaqarfik: Allat
Attaveqarfissamut paasissutissat

Air Greenland

 
Oqarasuaat +299 701212

Pilerisaarinermi Manageri

Air Greenland ineriartupiloorpoq, aammalu piffissaq mittarfinnik alliliiffiusoq angalasullu amerliffissaat pissanganartoq ornippaa. Periarfissat nutaat, tamatumalu peqatigisaanik unammillerneqarnerup annertusinissaanut angusaqarnissarput piareersimaffigissavagut.

Pilerisaarinermi manageritut ineriartornermi aammalu pilerisaarutinik atuutsitsilertarnermi, saqqummertarnitsinnik siuarsaaffiulluartumi, aammalu atuisartunik amerlititsiartorfiusumi qitiusumik inissisimassaatit. Pilerisaarutinik, Kalaallit Nunaanni nunanilu tamalaani angorusutatsinnut sammitinneqartunik suliaqartarnermi pilerisaarinermi tuniniaasarnermilu sulisugut suleqatigiit qanittumik suleqatigissavatit. Tamatuma saniatigut niuernermik tunngaveqarluni aningaasaliisarnermut isumaqatigiissutinik suliaqartarneq akisussaaffigissavat, aammalu ilaatigut piujuartitsinermik tunngaveqartumik takornariaqarnermi suleqatissanik attuumassutilinnik nutaanik ujartuisarnermi siuttuussallutit.

Air Greenland Marketing qullersarissavat, aammalu sulisut arfinillit ilinniartullu pingasut suleqatigilissallugit.

Akisussaaffeqarfiit:

  • Pilerisaarutinik isumaliutigilluakkanik pitsaasunillu, suliffeqarfimmi tuniniaanermut saqqummertarnermullu anguniakkanut tapersiiffiusunik ineriartortitsineq atuutsitsilernerlu.
  • Pilerisaarutit iluatsinnissaat qulakkeerniarlugu suliffeqarfiup iluani suleqatigiinnik avataaniillu suleqataasunik suleqateqarneq.
  • Siunissami pilersisaarinermi periusissat pitsanngorsarniarlugit niuerfimmi paasissutissanik pilerisaarutillu inernerinik misissueqqissaarneq.
  • Pilerisaarusiornermut missingersuutinik aqutsineq aamma ROI-t tamakkiinissaannik qulakkeerisarneq.
  • Annertusaanissamut nutaaliornissamullu periarfissat paasiniarniarlugit niuerfiit ineriartornerinik sullitanullu tunngavissanik misissuisarneq.
  • Pilerisaarinermi suliniutinik aningaasaliisarnermilu suleqatigiinnernut attuumassutilinnik ataqqinniffiusunillu qulakkeeriniarluni najukkani inuiaqatigiinnut aammalu Kalaallit Nunaanni suliniaqatigiiffinnut attaveqarnernik nukittuunik ineriartortitsineq.

Suliatigut piginnaasaqarfiit piumasaqaatillu:

  • Pilerisaarinermi, tuniniaanermi, attaveqaqatigiinnermi suliassaqarfimmiluunniit attuumassutilimmi bachelor-itut naammassisaqarsimaneq.
  • Sivikinnerpaamik ukiuni pingasuniit tallimanut pilerisaarisarnermik misilittagaqarneq, ajornanngippat angalatitsinermi, takornariaqarnermi imaluunniit silaannakkut angallassinermi.
  • Misissueqqissaarnermut piginnaasaqarluarneq aamma paasissutissanik misissueqqissaarnermik misilittagaqarneq.
  • Attaveqaqatigiinnermut saqqummiisarnermullu piginnaaneqarluarneq, allakkatigut oqaluinnarnikkullu.
  • Atortut digitaliusut atorlugit pilerisaarusiornermik misilittagaqarneq, taakkununngalu SEO/SEM, e-mailikkut pilerisaarineq, inuit attaveqaqatigiittarfii online-kkullu pilerisaarusiortarneq ilaatinneqarput.
  • Isumassarsianik nutaanik pilersitsissutaasinnaasunik eqqarsartarneq aamma ajornartorsiutinik pitsaasumik aaqqiisarneq.
  • Suliassanik aqutsisinnaassuseqarluarneq aamma sukannersumik piffissaliussat atorlugit suliassanik arlalinnik ataatsikkut isumaginnissinnaaneq.
  • Angalanissamut piumassuseqarneq, piffissanillu suliffiusunik aaqqiinissamut eqaassuseqarneq.

Inuttut piginnaaneqarfiit piumasaqaatillu:

  • Aaqqissuussamik sulisinnaaneq nutaaliortuunerlu
  • Sulianik siunnerfeqarluni sulinissamik angusaqarnissamillu nuannarinninneq
  • Angusassanik siunnerfeqarneq, ajornanngippat allat suleqatigalugit
  • Attaveqaqatigiinnermut piginnaaneqarneq
  • Kalaallisut, danskisut tuluttullu oqaatsinik ilisimasaqarluarneq

Pinerlussimannginnermut uppernarsaat: Piumasaqaatigut naapertorlugit uagutsinnut oqaloqatiginninnissamut aggersarneqarninni minnerpaamik pinerlussimannginnermut uppernarsaatip atuuttup assilineranik nassataqassaatit.

Neqeroorutigaavut

Ulluinnarni pissanganartuni ilaanneeriarlunilu ulappuffiusuni atorfik pilerinartoq unammillernartorlu.

Atorfimmi inunnut ataasiakkaanut piumasaqaatit naapertorlugit akissarsiaqartitsinissaq neqeroorutigaarput. Tassunga ilaqutariit ilivitsut ukiumoortumik sulinngiffeqarnermi angalanerinut akiliussisarneq, soraarnerussutisiassat, kiisalu sillimmasiissutit pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut napparsimmavissuarmiinnermullu sillimmasiissutinik ilaqartut ilaatinneqarput.

Annertunerusumik paasisaqarusukkuit Marketingchef Katja Vahl - Telefon +299 34 34 51 - mobil +299 58 92 59-imut imaluunniit e-mail kvh@airgreenland.gl aqqutigalugu attaveqarfigisinnaavat.


Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia