sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genopslag - Leder til Elevhjem i Maniitsoq

Qeqqata Kommunika

Maniitsoq
Ikkunneqarpoq: 08-01-2021
Piffissaq atuuffissaa naassaaq: 26-01-2021
Suliffissamut ID normut: LJA-81560845
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut

Qeqqata Kommuniata atuartunut angerlarsimaffiani ukiumi atuarfiusumi 2020/21-mi atuariartortut najugaqartippagut 12-it, 13-niniit 16-t tikillugit ukiullit. Taakkua Atuarfik Kilaaseeqqami 9. aamma 10. klassemi atuartuupput. Najugaqartut nunaqarfinniit ukunaneersuupput: Sarfannguit, Itilleq, Napasoq aamma Atammik. Atuartut angerlarsimaffiat ulloq unnuarlu sulisoqartuuvoq, sulisut tassaallutik pisortaq ataaseq, tullersorti ataaseq, perorsaasut/ikiortit pingasut igaffimmilu aqutsisoq ataaseq kiisalu unnuarsiortut 1½, sapaatit akunneranut 40 tiimi paarlakaallutik suliffeqartut.

 

Suliassat akisussaaffiillu

  • Atuartut angerlarsimaffianni aqutsineq, sulisunullu 6½-nut akisussaaneq.
  • Qulakkiissallugu atuartut angerlarsimaffianni atugarisat nuannersuunissaat.
  • Angajoqqaat, atuarfiit, allaffissorneq, MISI, ilaqutariinnut sullissivik allallu suleqatigalugillu attaveqarfigilluartarnissaat.
  • Atuartunut angerlarsimaffiup missingersuutaannut aningaasanik aqutsineq
  • Illuutinik nakkutilliineq
  • Sulisunik ineriartortitsijuarneq suleriaatsinillu suleqatigeeriaatsinillu ineriartortitsineq

 

Piginnaasassat

  • Inuusuttuaqqanik 13-16-nillu akornanni ukiulinnik perorsaanikkut ineriartortitsinermik misilittagaqarputit
  • Inuusuttuaqqanik perorsaanikkullu inuusuttuaqqanut iliuuseqartitsinissanik aaqqissuussinissanik nuannarisaqarputit
  • Sulisunik, angajoqqaanik, atuarfinnik, ilaqutariinni sullissivimmik, allaffissornermillu suleqateqallaqqipputit.
  • Aalajaatsuuvutit akisussaassuseqartuullutillu, namminersorlutillu sulisinnaallutit

 

Qinnuteqartumut piumasaqaatit

  • Sulisunut meeqqanullu ineriartortitsinermik pikkoriffeqartuuvutit.
  • Perorsaanikkut kaammattuutaasunik sammisaqartitsinernik neqeroornissamut piginnaassaqarputit.
  • Angallassisinnaassaatit

 

Tunniussinnaasagut

Suliffimmi ineriartortumi akisussaaqataallutit peqataagit taamaalillutillu ineriartoqataallutit, aamma superviserertittarneq neqeroorutaalluni.

Maniitsoq ukiuni kingullerni arlalippassuarni aalisarnikkut ingerlalluartuuvoq, tassani kommuni illoqarfimmik takujuminarsaanermik, inissianik sanaartornissanik suliaqartarsimalluni aammalu nutaamik eqqarsarnikkut meeqqeriveqarnikkut sunngiffimmilu sammisassatigut neqeroorutinik suliaqarluni.   Maniitsumi makkunuunatigut periarfissaqarluarpoq:

  • meeqqerivinni inissat akitigut appasissut
  • sunngiffimmi susassaqartitsinermut tunngasut
  • sunngiffimmi timersorneq, tassunga ilanngullugit ujakkaarluni sangusaarlunilu sisorarfissaqqissut
  • pinngortitamut pisuttuarneq angallammillu angalaarluni periarfissat pitsaasut

 

Akissarsiat atorfininnermilu atugassarititaasut 

Tikinnissami aallalernermilu angalanermi nuunnermilu pequtanik assartuussisoqarsinnaavoq, malittarisassat aamma isumaqatigiissutit atuuttut naapertorlugit.

 

Inissaqartitsisoqarsinnaavoq, malittarisassat atuuttut malillugit akilersorneqartussamik.

 

Meeqqanik pinerliisimannginnermut uppernarsaat

Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput. Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Meeqqanik pinerliisimannginnermut pineqaatissinneqarsimannginnermullu uppernarsaat Qeqqata Kommunianiit pissarsiarineqartussaq tunngavigalugu atorfinitsitsisoqassaaq.

 

Atorfininneq pissaaq 1. marts 2021 imaluunniit isumaqatigiinnikkut.

Atorfinnut paasissutissat annertunerusut Ilinniartitaanermut pisortamut Anna Heilmann-imut oqarasuaat 81 78 67-mut, email annah@qeqqata.gl attaveqarnikkut pissarsiarineqarsinnaapput.

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia