sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Plejehjemmet QUPANUK i Sisimiut søger en afdelingsleder for demens

Qeqqata Kommunika

Sisimiut
Ikkunneqarpoq: 15-04-2021
Piffissaq atuuffissaa naassaaq: 03-05-2021
Suliffissamut ID normut: LJA-81964627
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik, Peqqinnissaq

Sulininni suliassatit pingaarnertut makkuussapput:

  • Sulinissamut sulinngiffeqarnissamullu pilersaarusiorneq
  • Sulisunut akisussaaneq kiisalu missingersuusiornermut akisussaaqataaneq
  • Paaqqutarinninnermut peqataaneq, siunertat, anguniakkat malittarisassallu naapertorlugit paaqqutarinninnerup ingerlaneranik qulakkeereqataaneq, matumani najugaqartut pisinnaasaannik nukittorsaanikkut piginnaanngortitseqqittumik suleriaaseqarneq ilanngullugit
  • Utoqqaat angerlarsimaffiata qanigisaasullu akornanni ataqatigiinneq
  • Sulisunik ilinniartunillu nutaanik ilisarititsineq

 

Puigortunngortunut immikkoortortaq 24-nik sulisoqarpoq, immikkoortortami aqutsisoq ilanngullugu, ilinniarsimasut aqqaniliullutik ilinniarsimanngitsullu 13-iullutik. Maannakkut sulisut ilinniarsimanngitsut marluk ilinniagaqanngitsut piginnaasaqarluartutut nalilerneqarsimasut Peqqinnissamut ikiortitut ilinniarput. Sapaatip akunneranut suleqatigiinni aqutsisut ataatsimiittarput, aqutsisooqatigiinnilu nalinginnaasumik qanimut suleqatigiittoqarpoq. Sulinermi kalaallisut qallunaatullu oqaatsit atorneqarput.

 

Atorfinitsikkusutaq.

Naatsorsuutigaarput, peqqissaanermut ikiortitut ilinniarsimassasutit aqutsinermillu misilittagaqartuusutit. Patajaattuunissat aqutsisutullu ersarisuullutit siuttuunissat aammalu suleqativit malinnaasinnaanerannik nakutiginnissinnaanissat pingaaruteqarpoq. Suleqatinut, suleqatigisanut, najugaqartunut ilaqutaanullu tunngatillugu ammasuusutit, akuusutit akuersaartumillu periuseqartutit, aammalu inuit assigiinngissutaanik inissaqartitsisuusutit. Suliffissanut pilersaarusiornermut allaffissornermullu misilittagaqartuusutit, taakkuuppummi atorfimmi akisussaaffiit 70 procentii, aammalu Microsoft Office pakken-imik ilisimasaqarluartuusutit. Paaqqutareqataanissannut isummersuisinnaasutit aammalu immikkoortortami suliat qaffasissusaata annertusartuarnissaanut pingaartitsisutit.

 

Suleqatinut, najugaqartunut ilaqutaasunullu attaveqarluarsinnaasutit naatsorsuutigaarput. Oqaloqatiginninnerit qanoq ikkaluaraangata - aamma oqimaassinnaasut - ingerlassinnaassagitit. Aaqqiissuteqarnissamik suliniartartutit, akuersaartoq, immikkoortortamilu tamanut pitsaasumik avatangiiseqartitsinissamik suliniuteqartuusoq.

 

Utoqqaat Angerlarsimaffiat QUPANUK

Utoqqaat angerlarsimaffiat immikkoortortanut marlunnut aggulugaavoq: Paaqqutarinniffik kiisalu puigortunngortunut immikkoortortaq, immikkoortortallu tamarmik immikkoortortami aqutsisoqarlutik:

  • Paaqqutarinniffik najugaqartunut 20-nut inissaqartitsivoq ataaserlu qasuersaarfiulluni.
  • Puigortunngortunut immikkoortortaq 22-nut inissaqartitsivoq, immikkoortortaq immikkoortumut illersugaasumut kiisalu puigortunngortunut immikkoortortamut ammasumut aggulugaalluni

Suliamut ilisimasat annertusarneqarnissaat utoqqaat angerlarsimaffiani ukkatarineqangaatsiarpoq, 2021--milu sulisut ilinniarsimanngitsut sisamat ilinniagaqanngitsut piginnaasaqarluartutut nalilerneqarsimasut Peqqinnissamut ikiortitut ilinniarnissaannut nalunaarutigineqarlutik. Kommunip pillorissaasuanik kiisalu utoqqaat angerlarsimaffiani peqqissaasumit illup iluani sungiusarnerit ingerlanneqallattaasarput.

Puigortunngortuuneq pillugu annertunerusumik pikkorissartuarpugut, ilaatigut najugaqartut tunngavigalugit isumaqarluartunik sammisaqartitsinernik tapersersuisarluta, suleriusissatsitullu atorsinnaasatsinnik ujartuisussanngussaagut - tassani puigortunngortuni immikkoortortami aqutsisutut sammivissamut sunniuteqaqataasinnaallutit.

Utoqqaat angerlarsimaffiani peqqissaasumik suliatigut siunnersiueqatigiittoqartarpoq, paaqqutarinninnerullu pitsaassusaanik qulakkeerinninnermut tunngatillugu suleqatigiittoqarluni. Najugaqartunut ataasiakkaaraluni iliuusissatut pilersaarusiortoqartarpoq aammalu ineriartuutaasunik pissanganartunik arlaqartunik suliniutinik ingerlatsisoqartarluni, matumani utoqqaat angerlarsimaffiani pillorissaasup suleqatigineratigut.

Utoqqaat angerlarsimaffiat QUPANUK pillugu annertunerusumik https://www.qeqqata.gl/emner/borger/familie_pleje_omsorg/aeldre/plejehjem_qupanuk?sc_lang=da-ikkut atuaruk.

 

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

 

Akissarsiat sulinermilu atugassarititaasut:

Akissarsiat sulinermilu atugassarititaasut Kalaallit Nunaanni Namminersornerullutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit aaqqinneqassapput.

 

Qaammatini pingasuni misiligummik atorfinitsitsisoqassaaq.

 

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

 

Atorfik pillugu paasissutissat annertunerit Utoqqaat angerlarsimaffiani pisortamut Peter Mattaaq oqa.: (+299) 86 73 50 imaluunniit mailikkut: pema@qeqqata.gl -ikkut saaffiginninnikkut pissarsiarineqarsinnaapput

 

Qinnuteqaat ilinniarsimanermut uppernarsaatinik, imminut ilisaritinnermik oqaaseqaatinnillu ilaligaq nassiunneqassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia