Allangarsiuteqqitaq Qeqertarsuaq - Inuit inunnik isumaginnittoqarfimmi aqutsisussarsiorpoq

Kommune Qeqertalik Qeqertarsuaq Inunnik isumaginnittoqarfimmi aqutsisutut atorfik inuttassarsiuunneqarpoq 1. April 2024 atorfinittussamik allatulluunniit isumaqatigiissuteqarnikkut.

Atorfik allaffissornikkut Qeqertarsuup illoqarfiani inississimavoq tassanilu Qeqertarsuaq, Kangerluk Inunnik isumaginninneq akisussaaffigissallugit.
Inunnik isumaginnittoqarfimmi aqutsisutut Kommune Qeqertalik Qeqertarsuaq immikkoortortami INUIT aqutsisoq qaninnertut pisortarissavat.

Aqutsisup suliassai pingaarnerit ukuupput:

• Inunnik isumaginnittoqarfiup ulluinnarni ingerlanneqarnerata aqunneqarneratalu innuttaasunik sullissilluarnikkut pitsaassutsimigullu nukittorsartuarnerata qulakkeernissaa siuttuuffigalugit
• Isumaginnittoqarfimmi suliassat aqullugit agguataarlugillu makkuusut; meeqqanik inuusuttuaqqanillu isumaginninneq, pisortatigut ikiorsiissutit, siusinaartumik pensionit, utoqqarnik isumaginninneq innarluutilinnillu isumaginninneq
• Isumaginninnikkut siunnersuineq ilitsersuinerlu.
• Inunnik Isumaginnittoqarfiup ataaniittut immikkoortortat aqutsisuinut aqutsisuuneq

Suliassat akisussaaffiillu agguataarneri:

• Innuttaasut ikiorserneqarnissamik pisariaqartitsisut pitsaasumik sullinneqarnissaat
• Inatsisit malittarisassallu atuuttut malillugit isumaginnittoqarfik aqullugu
• Isumaginnittoqarfiup missingersuutaanik ukiumoortunik suliaqarneq ukiullu ingerlanerani suliassartaannik ingerlatsineq
• Periutsit sungiusimasat isumaginnittoqarfimmilu suleriaatsit aaqqissuuttuarlugit allanngutsaalillugillu
• Suliffeqarfiup iluani avataanilu suleqatinik suleqatigiilluarnissap qulakkeernissaa
• Inunnut ataasiakkaanut suliat eqqortumik aaqqissuunneqarneri uppernarsaasersornerilu qulakkiissallugit
• Isumaginnittoqarfiup iluani paasissutissanik aaqqissuussinerup qularnaarneqarnissaa suleqatigiit paasissutissanik nalunaarsuutinillu pissarsiuarnissaannik, suliat naammaginartumik suliarineqarnissaannut pisariaqartinneqartunik qulakkeerinnittumik.
• Suleqataasut atugarissaarnerat suliamikkullu ineriartornerat qulakkiissallugu ilitsersuineq aammalu suliffeqarfiup iluani ilinniaqqinnerit pikkorissarnerillu naapertuuttut aqqutigalugit.

Pisinnaasat:

• Socialrådgiveritut assingusumilluunniit ilinniagalik.
• Aqutsisoq ersarissoq.
• Akisussaassusilik.
• Suleqatikkuminartoq.
• Aalajangiisinnaasoq. 
• Suleqatinik kaammattuisinnaasoq. 
• Sulianut tunngasuni suliaqarfiit akimorlugit suleqataasinnaassusilik.
• Pisuni sakkortuuni eqqissisimasinnaaneq.
• Naatsorsuutit missingersuutillu aqutsinermut atorsinnaallugit.

Akissarsiat atorfininnermilu atugassarititat:

Akissarsiaqartitaaneq atorfininnermilu atugassarititaasut kattuffik isumaqatiginninniarsinnaatitaasumut isumaqatigiissutit atuuttut naapertorlugit atorfinitsitsineq pissaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Atorfik pillugu annertunerusumik paasisaqartoqarsinnaavoq INUIT aqutsisuusoq Ando Møller oqarasuaat 701900–mut imaluunniit mail aqqutigalugu ando@qeqertalik.gl saaffigineratigut.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.