sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genopslag: Skolesocialrådgiver - Kullorsuup Atuarfissua

Avannaata Kommunia

Upernavik
Ikkunneqarpoq: 13-04-2021
Piffissaq atuuffissaa naassaaq: 07-05-2021
Suliffissamut ID normut: LJA-81954110
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut

Atuartut annerusumik tapersersorneqanissamik aamma siunnersorneqarnissamik allaanerusumik sullinneqarnissaannut peqataarusukkuit sullissallugit pilerigiviuk? “illit assut atorfissaqartip-patsigit/ illit ikiuisinnaanerit”. Kullorsuup Atuarfissuani nutaatut Inunnik Isumaginninnernut Siunnersortissarput.

Atorfik nutaajuvoq aallarnisarneqaleruttorlunilu, taamaattumik isumaqarpoq illit suleqatigiit akimorlugit suleqatigisassatillu nukittoqatigiittut suleqatigiissagassi aammma illit inuttut tamaani Kullorsuarmi qanoq Atuarfimmi Inunnik Isumaginninnermut Siunnersortip suleriusissaa ilusilersueqataaffigissagakku.

Atuarfimmi Inunnik Isumaginninnermut Siunnersortip patajaallisartussaassavaa nakussassallugu atuartut ernumanartumik ineriartornikkut atugaqartunut siusinaartumik aamma pinaveersaartitsinermik suliniaqataaffigissammagu.

Atuarfimmi Inunnik Isumaginninnermut Siunnersorteq tassaasussaavoq Ilaqutareeqarnermut Ingerlatsiveqarfimmut atassuteqaataasussaq taava aamma atuarfik suleqatigalugu atuartunut inuttut imaluunniit pissusilersornikkut ajornartorsiuteqartunut tapersersuinermik pisariaqartinneqartumik neqeroorfigineqarnissaannik qularnaarinnittussaalluni.

Kullorsuup Atuarfissua tassaavoq meeqqat atuafiat 81-nik atuartoqartoq, 1.- 10. Klassenut agguataarsimasunik kiisalu immikkut atuartitsivik klassi ataaseq. Atuarfimmi ilinniartitsisut 14-iupput, atuarfiup pisortaanut tullersorti ataaseq kiisalu atuarfiip pisortaa ataaseq.

Atorfinitsitsineq pissaaq piaartumik imaluunniit immikkut isumaqatigiinnikkut isumaqatigiissuteqarnerluunniit naapertorlugu sulilertussamik.

 

Naatsorsuutigaarput illit:

  • Inunnik isumaginninnermut siunnersortitut ilinniagaqarsimasutit imaluunniit inunnik isumaginninnermik suliaqarnermi siunnersuisartuusutit imaluunniit inunnik isumaginninnermik suliaqarnerup iluani ingerlaqqiffiusumik pisariaqartumik ilinniagaqarsimasutit/pikkorissarsimasutit.
  • Inunnik isumaginninnermi siunnersortitut suliaqartutut aamma sulianik suliarinnittartut suliaannik atuuffiannillu misilittagaqarluartutit. Ataasimut isigalugu, meeqqat tapersersorneqarnissaat pillugu Inatsisartut inatsisaannik, atuarfeqarnerup ingerlanneqarneranik ilisimasaqartutit aamma/imaluunniit allatut inunnik isumaginninnermik suliaqartutut misilittaqartutit.
  • Suleqatigiinni sulisinnaasutit, suleqatiginninnissamut piginnaasaqarluartutit, allanillu akuutitsisinnaasutit aamma atuartunik suleqateqarsinnaasoq/angajoqqaanik/ilinniartitisusunik/MISI-Avannaa/Ilaqutareeqarnermut Ingerlatsivimmi sulisunik kiisalu aamma Peqqinnissaqarfik il.il..
  • Attaveqarnissamut ilitsersuussinissamullu pikkorissuusutit aamma oqaloqateqarsinnaanermik assigiinngitsitaartunik misilittagaqareersimasutit.
  • Meeqqanut inuusuttunullu attaveqarnermik pitsaasumik pilersitsisinnaassuseqartutit.
  • Namminersorlutit sulinnaasutit, suliassat aaqqissuunnissaannut, ataqatigiissaarnissaannut, pilersaarusiornissaannut malitseqartinneqarnissaannullu pikkorissuusutit.
  • Tapersersuisoq aamma naammagittartoq ukununnga tunngatillugu ungasinnerusumut ineriartortitsisinnaanermut pilersitsisinnaanermut, kisianni tamanna ullormi siullermiit aallartinneqartussaassaaq
  • Arlalinnik oqaasilik qinnuteqartoq salliutinneqassaaq (Kalaallisut/Qallunaatut)

Akissarsiat aamma atorfininnermi atugassarititaasut

Akissarsiat aamma atorfininnermi atugassarititaasut, Kalaallit Nunaanni Namminersorlutik Oqartussat imaluunniit kattuffiup allap isumaqatiginninniarsinnaasup akornanni isumaqatigiissutaasut malillugit pissapput.

Inissaq

Sulisunut inissamik nutaarluinnarmik sanaamik innersuussisoqassaaq, tassunga attartortut akiliinerit, qularnaveeqqusiineq il.ill.. maleruagassat atuuttut malillugit akiliisoqartassaaq.

Meeqqanik pinerlussimannginnermut uppernarsaat

Una inuttassarsiugaq tunngavigalugu piumasaqaataavoq inatsit malillugu meeqqanik pinerlussimannginnermut uppernarsaammik aallertoqarnissaa. Taamaattumik eqqumaffigineqassaaq, atorfinitsinneqarsinnaanermik isumaqatigiissut aatsaat pisinnaassaaq kommuni Naalagaaffimmit meeqqanik pinerliisimannginnermut naammaginartumik uppernarsaammik tigusaqarpat.

Pinerluuteqarsimannginnermut uppernarsaat

Una inuttassarsiugaq tunngavigalugu piumasaqaataavoq inatsit malillugu pinerliisimannginnermut uppernarsaammik aallertoqarnissaa. Inatsit malillugu atorfinitsinneqarneq pisinnaassaaq, kommuni Politiinit pinerliisimannginnermut naammaginartumik uppernarsaammik tigusaqarpat.

Saaffissaq

Annertunerusumik paasisaqarusukkuit atorfimmut tunngatillugu Atuarfiup pisortaanut Josef Karlsen, saaffigisinnaavat +299 968933 mail: skolen.kullorsuaq@attat.gl

Kingusinnerpaamik qinnuteqarfissaq

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaaqartoq, soraarummeernermi pappiaqqat nuutinneqarneranik il. ill. ilaqartillugu, pissaaq "Atorfik una qinnuteqarfigiuk" toorneratigut

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia