Greenland Airports Narsarsuup sulliviani atortunut assakaasulinnut Mekaniker´issarsiorpoq

Mittarfeqarfiit

Narsaq

Ikkunneqarpoq: 16-05-2024

Piffissaq atuuffissaa naassaaq: 29-05-2024

Suliffissamut ID normut: LJA-85487257

Atorfeqarnermi atugassarititaasut: Tamakkiisoq

Suliassaqarfik: Assassorluni sulineq & sanaartorneq

Atorfik inuttalersorneqarusuppoq suleqatissamik pikkorilluinnartumik, nunaqarfimmi inoorusuttumik, kisianni sullivimmi atortorissaarluinnartumi sulinikkullu atugarisat ajunngitsut aaqqissugaalluartullu suliffigisussaallugit. Sullissineq ajunngitsoq, pitsaassuseq qaffasissoq aamma suliffimmut sakkortuumik tunniussimaneq sullivimmi pingaarnerpaattut inissinneqartarput aamma illit sulininni taamatut pingaartitaqaruit, taava entreprenør´itut automekanike-itullu atorfik inuttaqanngikkallartoq immaqa ilinnoorpoq.

Suliaqarfiit:

Mekaniker`itut suliffimmi suleqatitit ilagisassavatit mittarfiup atortui assakaasullit aserfallatsaalinissaat isumagissallugit.

Atortorineqartut tassaapput Mercedes lastbil´it, bilit qatserussuit, mittarfimmi saliisartut,

Cat. aamma Hitachi gummihjulslæsser´it, Toyota qamutit sullisit, angallatit immami annanniutaasut kiisalu atortut mittarfittaanut teknikkeqarfiup immikkoortortaanut tunngasut.

Ilaannikkooriarluni pisariaqartassaaq suliffiup naliginnaasumik ammasarfiisa avataatigut sulisariaqartassalluni, mittarfiup atortui pingaaruteqarluinnarmata mittarfeqarfiup timmisartunut aqqutaa ammatinneqartuartussaammat.

Suliassat ilaatigut aamma ukuupput:

·Kukkunersiuineq

• Pinaveersaataasumik aserfallattaaliineq
• Iluarsaassinerit
• Teknik´eqarfimmi suliassat takkussuuttut

Piginnaasaqarfissatit:

Entreprenørmekaniker´itut ilinniarsimassaatit aamma minnerpaamik ukiumik ataatsimik atortunut assakaasulinnut misilittagaqassaatit.

Tamakkua saniatigut pitsaaqutaassaaq ataaniittut angersinnaagukkit:

• Bilernermut allagartaqarputit naliginnaasumik

·Kørekort angineq tigusimagukku pigalugulu.

• Suliaminik peqqissaarussisartoq, ilakkuminartuuvoq aamma suleqatigiinni suleqateqarnissamik sungiussisimavoq.
• Suliassaq ukkatarilluinnarlugu sulisinnaasoq.
• Pinerluuteqarsimasunik nalunaarsuivimmit nalunaartut immerneqarnikuunngitsoq.
• Saviminermik suliassanik aamma saffiuutut suliaqarnissamik ilisimaqarnissaq pitsaaqutaasinnaavoq.

Mittarfeqarfiit neqeroorutigivaat:

Suliffeqarfik pissanganartoq ineriartortorlu, sulisuminnut ajunngitsunik atugassarititaasut pingaartikkaa aamma suleqatigiittut ajunngitsumik ataqatigiinnissaq pingaartillugu. Sullivik pingasunik sulisoqarpoq, tamarmillu namminersorlutik sulisinnaassasut naatsorsuutigineqarluni, kisianni suleqatigisaminit aamma naatsorsuutigisinnaallugu ikorfartuisoqassasoq.

Ullup ilaannaani qatserisartutut sulinissaq periarfissaavoq.

Isumannaallisaanermi akuerineqarneq:

Atorfeqalersinnaanermut isumannaallisaanermi akuerineqarnissaq piumasaqaataavoq. Taamaammat pinerluuteqarsimasunik nalunaarsuivimmit nalunaarut ilanngullugu nassiuguk. Taanna najukkami politiinit pissarsiarineqarsinnaavoq.

Atorfininnissamik piumasaqaataasut:

Akissarsianut atorfininnissamullu tunngasut sulinermik kattuffiusoq naleqquttoq naapertorlugu ingerlanneqartarput.

·Malittarisassat atuuttut naapertorlugit sulilernermi soraarnermilu akeqanngitsumik angalatitaaneq 

·Malittarisassat atuuttut malillugit qaammatini 12-ni sulereernermi sulinngiffeqanermi akeqanngitsumik angalasinnaatitaaneq

·Malittarisassat atuuttut naapertorlugit inissaqartinneqarneq

• Sapaatip akuneranut suliffigisassaq tassaavoq akunnerit 40`ut
• Piaarnerpaamik sulilertoqarsinnaavoq isumaqatigiissuteqarnikkulluunniit.

Paasisaqarnerorusukkuit

Atorfigiligassatut periarfissaasumut paasisaqarnerorusukkuit imaluunniit apeqqutissaqaruit taava tikilluaqquneqarputit attaveqarfigissallugu mittarfeqarfimmi pisortaq Finn Thomsen e-mail-ikkut: fth@mit.gl imaluunniit oqarasuaatikkut 497701. Apeqqutit naliginnaanerusut HR-ip immikkoortortaqarfianut mail-mut: hr@mit.gl

Mittarfeqarfiit pillugu paasissutissanik amerlanerusunik pissarsisinnaavutit nittartakkatsinni www.mit.gl

Qinnuteqaat

Atorfimmut atorfininnissannut naatsorsuutigineqassaguit, qinnuteqaatit, cv aamma ilinniarsimaninnut uppernarsaatitit toqqaannartumik nittartakkakkut uunga link-mut nassiunneqassapput kingusinnerpaamik ulloq 29. maj 2024.

Atorfik pillugu ingerlaavartumik oqaloqatiginnittoqassaaq.

Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 450-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.