HR-imi nutaaliorumasumik ineriartortitsinissamillu isigisumik suleqatissarsiorpugut / Vi søger en innovativ og udviklingsorienteret kollega til HR-afdelingen

Kalaallit Nunaanni Brugseni

Nuuk

Ikkunneqarpoq: 04-12-2023

Piffissaq atuuffissaa naassaaq: 26-12-2023

Suliffissamut ID normut: 331584570

Atorfeqarnermi atugassarititaasut: Tamakkiisoq

Suliassaqarfik: Allaffik & allaffissorneq, Pisiniarfik & sullissineq

Atorfiup taaguutaa:

Ilinniagaq:

Misilittakkat - Annertunerusumik: Personaleadministration, , , ,

Oqaatsit:

Danskisut	Atuarneq/ oqalunneq/ allanneq
Tuluttut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Inuit pillugit, ineriartortitsinermik attaveqatigiinnermillu suliaqarneq nuannariviuk? HR-imilu nutaanik soqutiginartunillu suliniuteqarnermi siuttoorusuppit? Taava immaqa HR-imi illit suleqatigilissavatsigit.

Suleqatissarsiorpugut HR-imi suliffeqarfiup iluani inuk qitiutillugu ineriartortitsiuarnitsinnik tapersersuisinnaasumik periusissiamillu naleqartitat allaavigalugit suliniarnitsinni ilapertuutaalluarsinnaasumik, tassuunakkut suliffeqarfiup iluani aqutsisunut tapersersuutaasumik isummersoqataalluarsinnaalluta. Ataatsimoorluta suliassarissavarput sulisut aqutsisullu inerisartuarnissaat taamaalilluta suleqatitta pikkorissut suliffimminnik iluarisimaarinninnerannik suliumaannarnissaannillu pitsanngorsaajuarnissaq.

Ulluinnarni HR-imi suleqatigiinni sulisunik 2-nik pisortamillu inuttaaffigineqartumi ilaalissaatit, aammalu qanimut suleqatigalugillu isummersoqatigisartassallugit aqutsisut akisussaaffinni assigiinngiiaartuni inissisimasut.

Taamaattumik ujartorparput suleqatissaq nutaaliornermik ineriartornermillu eqqarsartuulluni HR-imi suliumasumik. Suliassavit pingaarnerit tassaassaput ineriartortitsinermi suliat, pikkorissarnissanut pilersaarusiornerniit allaffissornernut, soorlu ilinniartut pillugit suliassat, atorfinitsitsinissamut, meerartaartussaanermi sulinngiffeqarnissami suliassat il.il.

Kalaallit Nunaanni Brugseni suliffeqarfiuvoq ineriartupiloortoq. 2018-imili ”Great Place to Work-imik” uppernarsaaserneqartarpugut, taassuunalu qulakkeerniarneqartarluni sulinermi avatangiisinik sulisut suliaminnik piginnaasaqarnissaanik ineriartortuarnissaanillu ingerlatsilluarnerput. Aammalu suliffeqarfiuvugut Kalaallit Nunaanni ulluinaarni nioqqutissaarniarfinni annerpaanut ilaalluta, ingerlatsivugut 650-it missaanni sulisoqarluta pisiniarfinni 17-nini illoqarfinnilu arfineq pingasuni.

Kiffartuussiveqarfimmi Nuummiittumi sulisassaatit. Taamaattumik aamma pisiniarfinnut ornigulluni, ilinniartunut saqqummiussiffinnut, pikkorissarnernut/-tisinernut atasunik  angalallattaartarnissat naatsorsuutigisariaqassallugu.

HR-ip saniatigut kiffartuussiffimmi ilaapput aningaasaqarnermut akissarsialerinermullu immikkoortortaq, neqeroorusianik nioqqutissaateqarnermullu immikkoortortaq, ussassaarinermut attaveqatigiinnermullu immikkoortortaq. Katilluta suleqatigiit 22-iuvugut immikkoortortani pisiniarfinnut allaffissornermik sullissisut. Taamaattumik atorfinnut tamanut piumasaqaataavoq akuersaartumik sullisserusussusermillu pissuseqarnissaq.

Taakkartorneqartut soqutiginartikkukkit, taava qilanaaraarput qinnuteqaativit takunissaanut.

Suliassavit pingaarnerit ilagaat makku

·         HR-ip periusaanik ineriartortitsineq

·         Suliffeqarfiup iluani ilinniarnernik pikkorissarnernillu ingerlatsillunilu malittareqqinninneq

·         Piukkunaatilinnik ineriartortitsineq

·         Suliffeqariup iluaniit avataaniillu sulisussarsiornerni inuttassarsiornerit

·         Suliffiup avatangiisiinik sulinermilu naammagisimaarinninnernik misissuinerit

·         Allaffisoornermi suliassat assigiinngitsut

Naatsorsuutigaarput illit

·         HR-imik suliaqarnermik takussustissalimmik misilittagaqartutit imaluunniit suliffeqarfinnik ineriartortitsinermik misilittagaqarnissat

·         Ammasuusutit inuillu pillugit suliaqarneq nuannarigit

·         Nutaanik isumassarsiullaqqissuusutit, ataatsikkullu arlalinnik suliaqarsinnaasutit

·         Alapernaatsuusutit apeqqusiillaqqissuusutillu

·         Sullissiumatusutit

·         Kalaallisut qallunaatullu oqalussinnaassuutit, aammalu tuluttoorsinnaaguit ajunngilaq

Ilinnut neqeroorutigaavut

·         Suleqatigiinni ikioqatigiiffiusuni namminersorlutit sulisinnaaneq

·         Suliffinni avatangiisit ineriartornartut

·         Sulisutsinnik suliffeqarfitsinnillu ineriartortitsinissamut periarfissaqarneq

·         Suleqatit pikkorissut akornanni suliffimmi avatangiisigissaarneq

·         Piginnaasat naapertorlugit akissarsiaqarneq

Paasissutissat suli allat

Qinnuteqarnissamut killigititaq: decembarip 26-at 2023. Ingerlaavartumik oqaloqateqartoqartassaaq. Atorfininneq februaarip aallaqqaataani isumaqatigiissutigisarluunniit naapertorlugu.

Qinnuteqaatit nassiunneqartassapput nittartakkatsigut www.brugseni.gl/gl/job (e-mailikkuunngitsoq).

Atorfik pillugu apeqqutissaqartilluni

HR-imi pisortaq John Thorsen, tlf.nr.: +299 36 35 01 imlt. mobil nr.: +299 48 35 87, e-mail: john.thorsen@knb.gl

Nittartagaq: www.brugseni.gl

Facebook & LinkedIn: Kalaallit Nunaanni Brugseni