sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

HR-koordinatori

Namminersorlutik Oqartussat

Nuuk
Ikkunneqarpoq: 06-01-2020
Piffissaq atuuffissaa naassaaq: 28-01-2020
Suliffissamut ID normut: LJA-78722264
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

Niuernermik Ilinniarfik HR-koordinator-imik pissarsiorpoq

Niuernermik Ilinniarfik ilinniarfiuvoq ingerlalluartoq, assigiinngitsorpassuarnik inuussutissarsiuteqarnerup tungaatigut ilinniakkanik neqerooruteqartoq.. Siunissaq pissanganartoq ornipparput, suliniuterpassuarnik ulikkaartoq. Taamaattumik massakkut HR-koordinator-imik pissarsiorpugut.

Allaffissornikkut nukittuumik suleriaaseqarpit? aqutsisut, sulisut aammalu avataaniik suleqatigut pitsaasumik eqqortumik saaffigiuminartumik sullissinnaavigit? Taamaappat  illit ujarpatsigit

Illit suliassatit…
HR-koordinator-itut suliassatit assingiingiiaarput, taamaattumik pisariaqarpoq sullissisinnaassasutit, suleqatillu allat akimorlugit suleqatigiinnissaq. Ulluinnarni aqutsisut, allaffimmi sulisut aammalu suleqatit avataaneersut suleqatigisussaavatit.

Makkua sulinerup imarai

  • Atorfinititsinermi suliassat
  • Atorfimmik nittarsaassinermi suliassat
  • Qinnuteqarnermi suliassat
  • Atorfinititsinermi pilersaarusiorneq il.il.
  • Aqutsisut-/suleqatit sakkussaannik ineriartortitsineq (soorlu sulisunut maleruagassiorneq)
  • Sulinermi malitassanik aammalu malittarisassanik ineriartortitsineq
  • MUS suliarineri, suliffigissaanermi misissuinerit il.il.
  • Sullissineq- aammalu sanaartornermi allaffissornermi suliassartaasa suliarineri, uanilu avataaniik sullinneqarnerup ingerlaneri, pisiniarneq, illumut tunngasunik suliassat aammalu allaffissorneq il.il.
  • Pisussanik nakkutilliineq aammalu eqeersimaarfiginissai, ukiumut pilersaarusiorneq il.il.
  • Ilummut avammullu paasissutissiinerit, (nittartagaq il.il.)
  • Suliassat tamalaat takkuttartussat, ilinniatitaanermut tunngasut.

Taamatut sulinerup pisariaqartippaa, immikkoortortaqarfinni akimut suleqateqarneq, taamalu suliassanik immikkuullarissunik sukumiisumik iseqarnissaq. Uanimi immikkoortortaqarfimmi assigiingeqisunik suliaqaratta, taamaattumik pisariaqartipparput inuk assigiinngiaartunik suliaqarsinnaasoq aammalu ikiuisinnaasoq atorfissaqartitsilernermi.
Pisortap tullersortaanut attaveqassaatit.

Kissaatigaarput…
Inuussutissarsiutigalugu- aammalu qaffasinnerusumik allaffissornikkut ilinniagaqarsimassasutit imaluunniit assigisaanik. Naatsorsuutigaarput, nammineersinnaassuseqassasutit, ilusilersuisinnaallutit, pisunullu assigiinngitsunut takunissinnaassuseqassallutit. IT-ip tungaatigut piginnaaneqassasutit aammalu naliginnaasumiki Office-pakki atorsinnaassagit. Taakkua saniatigut suleqatikuminartuunissat saaffigiuminartuunissallu aammalu kalaallisut qallunaatullu piginnaaneqassasutit, Pisuni tamani pingaaruteqarpoq, illit suleqatinnut ilinniartunullu, suleqataalluarnissat, sutigut tamatigut.

Neqeroorutigaarput…
Piffissaq tamakkerlugu atorfik, ilinniartoqarfimmi ineriartorfiusumi ulapaarfiusumilu. Inuttut ineriartornissamik pikkorissanissamut, ilinniaqqinnissamullu periarfissalik. Suliassat unamminartut pissanganartullu, suleqatit tunniusimasut, ineriartortitserusuttut pikkorissullu suleqatigalugit, qiimaneq ulluinnarsiutigalugu.

Akissarsianut atorfeqarnermullu tunngasut
Akissarsianut atorfeqarnermullu atuuttut Kalaallit Nunaanni Namminersorlutik Oqartussat atorfinittussallu kattuffiata akornanni isumaqatigiissutit naapertorlugit atorfinitsitsisoqassaaq.

Sapaatip akunneranut nal. ak. 40 tiimit suliffiuvoq. 1. marts 2020 aallarnerfigalugu atorfinititsisoqassaaq, imaluunniit isumaqatigiissuteqarnikkut.  

Ineqarneq
Atorfeqarnermut atatillugu inissamik innersuussisinnaanngilagut. Qinnuteqartorli  atorfeqarnerminut atatillugu Namminersorlutik Oqartussat inissiaataannik ineqarsimaguni inigisani tigummiinnarsinnaavaa. atorfeqarunnaarnermili inigisaq qimanneqassaaq.

Annertunerusumik paasisaqarusukkaanni
Atorfik ilinnut tulluartuusorigukku paasisaqarnerorusukkuillu uunga saaffiginnissinnaavutit: Atuarfiup pisortaata tullersortaanut Ole Østergaard Poulsen oqarasuaat 342557 imaluunniit e-mail atorlugu: olpo@ninuuk.gl.

Aamma Niuernermik Ilinniarfik pillugu paasiniaasinnaavutit nittartakkamut uunga iserlutit: www.ninuuk.gl
Qinnuteqarneq
Qinnuteqarfissaq kingulleq 27. januar 2020.

Qilanaarpugut tusarfiginissannut!

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia