sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Igaffimmi aqutsisoq

Kommune Kujalleq

Qaqortoq
Ikkunneqarpoq: 10-08-2022
Piffissaq atuuffissaa naassaaq: 31-08-2022
Suliffissamut ID normut: LJA-83917575
Atorfeqarnermi atugassarititaasut: Tamakkiisoq
Suliassaqarfik: Allat

Kommune Kujalleq Qaqortoq Meeqqerivimmi “Inneriilat”-ni igaffimmi aqutsisussarsiorpoq.

Meeqqerivik “Inneriilat” Igaffimmi aqutsisussarsiorpoq september ulluisa aallaqqaataa 2022 imaluunniit isumaqatigiissuteqarnikkut atorfinittussamik pissarsiorpoq.


Meeqqerivik “Inneriilat” meeqqanut 76-inut 0-6 ukiulinnut naatsorsuussaavoq. Sulisut katillugit 19-iupput, taakkua iluanni pisortaq ilaalluni.

Naatsorsuutigaarput:

  • Inuussutissarsiornermi ilinniagaqarsimanissat.
  • Sapigalinnut ilisimasaqarneq aammalu immikkut nerisassiorsinnaanissat.
  • Suleqatikkuminartuunissat.
  • Atuisut qanimut naligalugit suleqatigisinnaassagitit.
  • Kommunimut, pisortaqarfimmut, suleqatinullu unneqqarittuunissat.
  • Isumataarfinnut tigusisinnaanermut takutitsisinnaanissat/nutaaliorsinnaanissat.

Akisussaaffiit:

  • Meeraaqqanut/meeqqanut 76-inut tulluartunik inuussutissaqarluartunik nerisassiorneq.
  • Igaffiup eqqiluitsuunissaa isumagalugu.
  • Qerititsiviit nillataartitsiviit iganermullu atortut eqqiluitsinnissai.
  • Qaammammut nerinermut pilersaarusiorneq.
  • Pisortaq peqatigalugu nerisassanik akiminnut tulluartunik piniarneq.
  • Kommune Kujalliup meeqqeriviutai Kommunip sulisoqarnermut malittarisassai malinneqarnissaat.
  • Meeqqeriviup malittarisassai malinneqassapput.
  • Tunaartanut perorsaariaatsinullu aalajangikkanut malinnaaneq.
  • Meeqqanut , angajoqqaanut nutaanut tikilluaqqusineq.
  • Meeqqanut inerisaaqataalluni meeqqat peqatigalugit nerisassiorneq.
  • Niuerniarneq.
  • Nerisassiornermut aningaasaqarnerup pisortaq peqatigalugu ingerlannissaa.
  • Nerisassanut avataaniit piniarneq.
  • Neqaarnianut qaammammut isumaqatiginninnissaq.
  • Kalaallit nerisassiaanik sassaallersinnaaneq meeqqanut tulluartunik.


Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Akissarsiat atorfinitsitaanermilu atugassarititaasut:

Naalakkersuisut, Finansministeriap aammalu Sulinermik Inuussutissarsiuteqartut Kattuffiata inuussutissalerinermi ilinniagaqarsimasut pillugit isumaqatigiissutaat naapertorlugit akissarsiaqartitsisoqarlunilu atorfeqartitsisoqassaaq.

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

Annertunerusumik paasisaqarusukkuit unga saaffiginnissinnaavutit Bebiane Josvassen inneriilat@kujalleq.gl Imaluunniit sianerlutit: 64 29 74

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik kommunimit tiguneqareersimassapput Aggusti 31-at 2022 nittartagarput www.kujalleq.gl aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia