Igaffimmi inuussutissalerinermi ikiortimik Utoqqaat Illuanut Nuummi / Ernæringsassistent til Utoqqaat Illuat Nuuk

Kommuneqarfik Sermersooq

Ikkunneqarpoq: 07-06-2023

Piffissaq atuuffissaa naassaaq: 28-06-2023

Suliffissamut ID normut: 331570970

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa:

Ilinniagaq: Kok

Misilittakkat - Annertunerusumik: Køkkenassistance

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kommuneqarfik Sermersuumi Suliffeqarnermut Isumaginninnermullu Ingerlatsivimmi Igaffimmi Inuussutissalerinermi ikiortitut ilinniagalik pikkorissoq kajumissuseqartorlu Utoqqaat illuannut piaartumik atorfinittussamik pissarsiorpoq.

Utoqqaat Illuat katillugit 46-inik najugaqartuuteqarpoq tamakkiisumik nerisaqartitaasunik. Aammattaaq tunniussisarpoq illoqarfimmi utoqqalinersialinnut innersuussisartunut innersuuneqartut. Igaffik 125-it missaanni amerlassuseqartunik ullormut igaanik nerisassiortarpoq.

Utoqqaat Illuat 70-it missannik sulisoqarpoq, taakkunani qulaaluat igaffimmiipput. Sulineq igaffissuarmi nutaaliaasumi pisarpoq, assigiinngitsunik igafimmi atortorissaaruteqarluni, isumassarsianik misilittarusutanut periarfissaqarluni igaffimmi sulianut.

Suliatta inuussutissaqarluartunik illinnasaakkanillu sullitagut nerisaqarnissaat pingaartitaraarput.

Piffissaq suliffiusoq nalinginnaasumik 7-15 atorpoq, naatsorsuutigineqassaarlu sapaatip akunnerisa naaneri allortarlugit ullullu persuarsiorfiusut, sapaassuit ilaanni sulisarnissaq ukiullu ingerlanerani nalliuttuni.

Pisoqarfiusumi utoqqarnut aamma innarluutilinnut suliassaqarfimmi ineriartornermut suleqataanissannut peqataarusuppit? Suliatigut piumassuseqarpit suleqatiginnilluarsinnaallutillu?

Atorfiup imarisaa:

Inuussutissanik ikiortimik – misilittagaqarluarsinnaasumik –ulluinnarnilu sulinermik aamma suliassanik arlalinnik uku ataanni suliaqartussamik pissarsiorpugut:

• Diætistinit nerisassiorneq/Immikkut ittunik nerisassiorneq
• Nalinginnaasunik nerisassiorneq
• Nerisassianik innuttaasunukaassineq
• Iffiorneq qallersugaliornerlu
• Ullorsiorfinnut piareersarnermi suleqataaneq

Suliassat suliarineqassapput Igaffimmi sulisut allat kiisalu suleqatit susassallit peqatigalugit.

Qinnuteqartunut naatsorsuutigisat:

• Inuussutissalerinermik ikiortitut ilinniagaqarneq assigisaanilluunniit
• Diætistinit nerisassiornermik misilittagaqarneq 
• Suleqatikkuminartoq
• Takkuttuaannartoq nammineersinnaasorlu
• Tamatigoortoq
• Isumagissaarneq

Pingaartipparputtaaq:

• Inuttut piginnaasanut naatsorsuutit nalunaarutigissagitit. Siunnersuutit/assersuutit kissaatit pisariaqartitallu malillugit toqqagassat/assersuutit allassimapput
• Aalajaatsuussasoq, pitsaassutsimik ilisimasaqarluartoq immikkuualuttunillu maluginiaasinnaasoq
• Takunnissinnaaneq attatiinnarlugu ataatsikkut arlalinnik suliaqarsinnaasoq
• Allakkatigut oqaluunnermilu ersarissumik paatsuugassaanngitsumillu attaveqarsinnaasoq
• Nammineerluni sulisinnaasoq, akisussaassuseqartoq sullissiumatoorlu
• Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
• Ulloq ulapaarfiugaluarpalluunniit ukkatarinnilluni aaqqissuussamillu suliaqarsinnaasoq
• Tatitooq, pilersitsiniaallaqqissoq, inissaqartitsiuartoq piumassuseqarluartorlu
• Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
• Kisitsisilerillaqqissuussaaq
• Siammasissumik suleqateqallaqqissuusutit
• Marluinnik kalaallisut qallunaatullu oqaaseqartuuguit iluaqutaassaq, piumasaqaataanngilarli

Neqeroorutigaarput:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpagut.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Igaffimmi pisortaq Vera Noahsen Utoqqaat Illuat oqarasuaat: +299 36 61 50, mail: veno@sermersooq.gl 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 479/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.