Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Igaffimmi tullersorti
Ikkunneqarpoq: 16-05-2024
Piffissaq atuuffissaa naassaaq: 30-05-2024
Suliffissamut ID normut: LJA-85487150
Atorfeqarnermi atugassarititaasut: Tamakkiisoq
Suliassaqarfik: Akunnittarfik & neriniartarfik
Nerisassanik piareersarluakkanik sassaalliuteqarnissat ataqqinaatigisarpiuk, aamma iganermik nuannarisaqarpit? Taava imaassinnaavoq Akunnittarfimmi Narsarsuup igaffiani pisortap tulliattut atorfik ilinnut tulluaqqissaartoq. Suleqatissatsinnik akisussaaffilimmik nutarterillaqqissumik, suliffimminullu tunniusimalluartumik pimoorussivittumillu ujarlerpugut, sukkanerpaamik imaluunniit isumaqatigiissuteqarnikkut atorfinissinnaasumik
Suliassatut sammisaq
Suliffiginiakkat tassaavoq Akunnittarfik Narsarsuaq, ukiumoortumik pulaartunik 8000-nik sullissisartoq. Igaffimmi sulisut 8-10-iupput, igaffimmi pisortaq ataaseq, taanna qanimut suleqatigilissavat, ullormut neriffissat tunisassiarineqarnerat suleqatigiissutigalugit kiisalu igaffimmi sulisut sinnerisa inerisarnissaat aamma sulissutigalugit. Illit suliassatit makkuuniarput:
Nerisassat allattorsimaffianniittut tunisassiarineqarnissaat aamma katerisimaartut nerisassatut allattorfianiittut tunisassiarnineqarnissaat.
Nerisassanik tunisassiornerup piareernissaa
Toqqorsivimmi uninngasuutit nakkutigineqarnissaat
Igasunngornianik ilinniartitsineq suleqatiginninnerlu
Imminut nakkutiginninneq
Sassaalliutissanik nutaanik inerisaaneq igaffimmi pisortaq suleqatigalugu
Igaffimmi pisortap peqannginnerani igaffiup akisussaaffiginissaa
Suliassanik takkussuuttunik tigusillattaarneq
Piginnaasaqarfiit
Igasutut ilinniarsimanissaq imaluunniit cafetaria´miit, igaffimmiit, kantinamiit imaluunniit catering´imiit aamma sullissinermiit misilittagaqarneq minnerpaamik ukiunik 3-5.
Inuussutissalerinermi minnerpaamik ukiunik marlunni misilittagaqarneq kiisalu inuussutissalerinermi eqqiluisaarnikkut uppernarsaateqarneq.
Nuannersumik isummersimanissaq, nutarterillaqqinneq, torersaallaqqinneq ilaannikkullu avatangiisinilu ulapaarfiusuni sulinermik nuannarisaqarneq.
Sulinermi namminersullaqqissaaq, kiisalu suleqatiginnillaqqissuusariaqarluni.
Suliassaasunik aqutsillaqqillunillu agguataarinnillaqqissoq. Minnerpaaffiatut piumasarineqarpoq tuluttut oqalussinnaasoq. Qallunaatut kalaallisullu piginnaasaqarneq pitsaaqutaassaaq.
Neqeroorutigaarput
Atorfimmik pitsaasumik unamminartorpassualillu, pissanganartumik namminersortumillu tunngaveqarluni, periarfissarissaarumaarputillu inuttut suliamillu ilinniarsimassutsikkut inerisarnissannut. Neriniartarfimmi siatassaanerusunik ukkatarinnipput nioqqutissallu nunatsinneerlutillu nunarsuarmioqatigiinneersuupput. Suliffeqarfiup piffissamik eqqorluaanissaq qaffasittumik piumasaqaatigaa, eqqiluisaarnissamik, torersaallaqqissusermik inuussutissalerinermillu eqqiluisaarnissamik paasinninneq. Atorfik igaffimmi pisortap ataaniitinneqarpoq.
Narsarsuup eqqaani pinngortitarsuarmi aamma pisuttuarfissarpassuaqarpoq, orpippassuaqarluni kangerlummilu takusassaqqittunik peqarluarluni.
Atorfininnissamik piumasaqaatit
Atorfininnissaq immikkut ittumik isumaqatigiissuteqarluni qaammammusialittut ingerlanneqassaaq, ilaatigullu makkuninnga ilaqarput.
Malittarisassat atuuttut naapertorlugit inissaqartitaavoq.
Malittarisassat atuuttut naapertorlugit sulilernermi akeqanngitsumik angalatitaaneq.
Malittarisassat atuuttut naapertorlugit qaammatini aqqaneq marlunni atorfeqareernermi, ukiumoortumik akilikkamik angalasinnaatitaaneq
Piffissaq suliffigisassaq sapaatip akunneranut 40 timiuvoq
Isumaqatigiissuteqarnikkut sulilersinnaavutit
Isumannaallisaanikkut akuerisaaneq:
Atorfimmut akuerisaassaguit isumannaallisaanikkut politiiniit akuerisaasariaqarputit. Ilinnut tunngasutut pinerluttulerinermut nalunaarsuiffimmit naqitaq ilanngullugu nassiutissavat. Taanna najugarisami politeeqarfimmi pissarsiarisinnaavat.
Paasisaqarnerorusuppit
Atorfimmut apeqqutissaqaruit, tikilluaqquneqarputit igaffimmi pisortaq Kunuk Storch Grønvold mobil´imi attavigisinnaallugu uunga: +299 580154 imaluunniit mail`ikkut uunga allassinnaavutit: kusg@mit.gl
Apeqqutit naliginnaanerusut HR-imi immikkoortortamut saaffiginnissutigisinnaavatit mail`ikkut uunga: HR@mit.gl.
Qinnuteqaat
Atorfimmut akuerisaassaguit qinnuteqaatit, CV, aamma ilinniartitaanermut upernarsaatitit toqqaannartumik www.mit.gl -mut nassiunneqassapput kingusinnerpaamik 30-05-2024.
Mailitigut qinnuteqaatinik tigusinnittannginnitsinnik ilisimatissavatsigit.