Igasoq, Eqi / Kok, Eqi

World of Greenland

Ilulissat

Ikkunneqarpoq: 21-02-2025

Piffissaq atuuffissaa naassaaq: 17-03-2025

Suliffissamut ID normut: 331601439

Atorfeqarnermi atugassarititaasut: Tamakkiisoq

Suliassaqarfik: Akunnittarfik & neriniartarfik

Atorfiup taaguutaa: Kok, Køkkenassistent, Kokkeelev

Misilittakkat - Annertunerusumik: Mad

Oqaatsit:

Danskisut	Atuarneq/ oqalunneq
Tuluttut	Atuarneq/ oqalunneq

Asimi inuilaarsuarmi illuaraqarfimmi Glacier Lodge Eqi-mi igasunngorit. Tassani Kalaallit pisarititai atorlugit pitsaasunik qaarsillarnartunik nerisassiortarpugut – sermeq iigartartoq isikkiviliullugu!

World of Greenland 2025-mi juunip aallaqqaataaniit septembarip qeqqata tungaanut igasussarsiorpoq/køkkenassistentissarsiorpoq.

Eqimi aasaq immikkuullarissoq misigisaqarfiusarpoq. Taakani sineriak allamik soqanngilaq taamaallaat uagut inuilaarsuarmi illuaraqarfipput Glacier Lodge Eqi – neriniartarfik, illuaqqat 23-it toqqillu ilorrisimaarnartut arfinillit, Ilulissat avannaanni 80 km-inik ungasissusilimmi Eqimi sermeq iigartartoq sermersuarlu angeqisoq sanileralugit inissisimasut.

Taamaammat Eqi atugartuussutsimit ungasissumiippoq. Tassani nammineq imermut saliiveqarpugut, innaallagiaq seqernup qinngornerinik katersivinneerlunilu sillimmataasumi sarfaliuummeersuuvoq. Immakkut angallammut qulimiguulimmilluunniit ilaalluni aatsaat maanga pisoqarsinnaavoq, oqarasuaatit attaviinut Wi-Fi-mullu ungaseqaluni.

Ullut sulinngiffiit Eqimi Ilulissanilu, nunatsinni illoqarfiit annersaasa pingajuanni, atorneqartarput.

Glacier Lodge Eqi-mi igasutut/køkkenassistentitut nerisanut tunngatillugu misigisat tamarmik qaffasissumik pitsaassuseqqarnissaat akisussaaffiuvoq. Taamaalilluni tikeraat annertuunik misigisaqarlutik Eqi-mit aallartarnissaannut pingaarutilittut inissisimavutit. Igasutut; igaffimmi suleqatit, saqisut, angallassisartut illuaraqarfimmillu aqutsisoq ilanngullugit, suleqatigiit inuusukaat aqqaneq marluk 14-illu akornanniittut akuuffigilissavatit.

Tikeraat nerisussat 70-iusinnaapput, tamarmik ullaakkorsiutinik (angallassisartunit sassaalliutigineqartussat), ullup qeqqani iffiaq qaqortumik patitsitamik illinnartumik (sandwich) (tikeraat amerlanersaat ullup qeqqani angalaartarmata) unnukkullu nerisassanik siuleqqiuteqarlutillu kinguleqqiutitalinnik sassaallerfigisinnaasassat.

Igasutut ukkassassavit pingaarnersaat tassaapput ullup qeqqasiutissanik sandwichiliorneq unnukkorsiutissanillu nerisassiorneq, aammali aqagumut ullaakkorsiutissanik piareersaaneq.

Igaffimmi suliat nalinginnaasumik qaffasissumik pitsaassuseqartarput, suleqatigiilli akornanni persuarsiorfiunani igaffillu tamakkiinngikkaluamik ammasoq tikeraanik oqaloqateqallattaarfiusarluni. Nerisassiani qitiusoq tassaavoq nerisassiassat nunatsinneersut qaffasissumik pitsaassusillit, soorlu tuttut, umimmaat, kalaallit savaaraat qalerallillu.

Piginnaasatit:

• Igasutut/køkkenassistentitut ilinniarsimassaatit Nunanilu Avannarlerni nerisassiornermik misilittagaqarlutit.
• Pitsaasumik isiginnittariaaseqarputit piumassuseqarluarlutillu – ulapaarfinnissaaq.
• Akisussaassuseqarputit, nerisassiavillu qaffasissumik pitsaassuseqarnissaat soqutigisaralugu.
• Ilinniakkat soqutigilluinnagaraat ilinniartitsinissallu nuannaralugu
• Qiimasuuvutit, suleqatigiinnerup pingaassusaa paasisimavat, suleqatit peqatigalugit pitsaasumik ataatsimooqatigiinnissamik pilersitseqataanissaq kissaatigalugu.
• Oqarasuaammut attaveqanngitsumi atugartuussuserlu qimallugu piffissamik annertuumik atuinissaq siooraginngilat.
• Ilimaginngisamik pisoqariataarsinnaanera siooraginngilat ajornartorsiummillu takkuttoqariataassappat aaqqiissutissanik isumassarsiullaqqissuullutit.
  
  

Neqeroorutigaagut:

• Suliffimmi inuusuppaluttumi suliffik kajungernartoq, imminullu paareqatingiinneq.

• Isumaqatigiissutaasumik akissarsiaqarneq.
• Akikitsumik ineqarneq.

 

• Københavnimiit imal. nunatsinni mittarfiit arlaanniit Ilulissanut, atorfeqarnerlu naappat uterlugu akeqanngitsumik timmisartukkut angalanissamut bilitsimik pissarsineq
• Akisussaaffik annertooq ilinniarnissamut namminerlu piginnaasitigut inerisarnissamut periarfissaq.
• Sulinerup nalaani misigisassat pissanganartut suliffillu tamatigoortoq.
  
  

Soqutiginnippit?

Qinnuteqaat tunngavilersugaq, CV ilinniarsimanermullu uppernarsaat uunga nassiutikkit:

JOB@WOG.GL

Qinnuteqarfissaq kingulleq: 17.03.2025

Qinnuteqaatit tiguneqaraangamik naliliivigineqartassapput

Qinnuteqartunik Ilulissaninngaanneersunik 17.03.2025 kingorna naapillugit oqaloqateqarnerit ataavartumik ingerlanneqassapput. 

Qinnuteqartunut Kalaallit Nunaaneersunut (Ilulissat saniatingut) oqarasuaatikkut oqaloqatigiinneq 16.03.2025 kingorna ataavartumik ingerlanneqassapput.

Qinnuteqartunut Danmark-iminngaanneersunut Københavnimi 08.03.2025 naapeqatingiittoqassaaq.

Qinnuteqaatit tamaasa 17. Marts nalilersussuagut, tamannalu kingorna akissutissamik nassiussissaagut oqaloqatigerusunnerlutit.

Atorfik pillugu paasissutissat annertunerusut ingerlatsinermi pisortaq Astrid oqarasuaatikkut +299 546821 attavigalugu pissarsiarineqarsinnaapput.