sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilinniartitaanermut Aqutsisoqarfik atuarfinnut siunnersortissarsiorpoq

Namminersorlutik Oqartussat

Nuuk
Ikkunneqarpoq: 12-08-2022
Piffissaq atuuffissaa naassaaq: 10-09-2022
Suliffissamut ID normut: LJA-83925835
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

Ilinniartitaanermut Aqutsisoqarfimmi atuarfimmi kisitseqqissaarnermi, alloriarfinni inaarutaasumillu nalilersuinermi atuarfinnut siunnersortimik oktoberip aallaqqaataani imaluunniit immikkut isumaqatigiinnikkut atorfinittussamik atorfimmik allagarsiussivoq.
Atorfik allaffissornikkut ingerlatsinermut, nakkutilliinermut politikkimullu immikkoortortaqarfimmiippoq, immikkoortortaqarfimmilu pisortap ataani inissisimasuulluni.

Atuarfinnut siunnersortip suleqataaffigisassai:

  • Ataqatigiissaarineq, allaffissornikkut ingerlatsineq aammalu Aqutsisoqarfiup atuarfimmi alloriarfinni inaarutaasumillu nalilersuinermi suliassaanik isumaginninneq
  • Atuarfimmi nukarlerni akullernilu alloriarfinni misilitsinnermi allaffissornikkut ingerlatsineq
  • Alloriarfimmi inaarutaasumillu misiligutit digitaliserernerini suleqataaneq
  • Ilinniartaanermut periusissamik suliaqarnermi suleqataaneq
  • Ilinniusiornermi pikkorissaanermilu periusissiamik suliaqarnermi suleqataaneq

Atuarfinnut siunnersortip ilaatigut makkua suliarisassavai:
  • Alloriarfinni inaarutaasumillu misilitsinnerit aaqqissuunnerini naammassinninnermilu pitsaassusermik qulakkeerinninneq
  • Atuarfimmi misilitsinnernik ineriartortitsineq, misileraaneq aammattaaq siunnersuineq, pingaartumik oqaluttariarsornermi allattariarsornermilu misilitsinnerit
  • Ilinniartitsisunut, atuarfinnut kommuninullu siunnersuineq
  • Nalunaarusiorneq, akissuteqaasiorneq, isumaliutissiissusiorneq il. il.
  • Isumasioqatigiissitsinerit pikkorissaanerillu
  • Akimuisumik suliniutini sulianilu peqataaneq – atuarfinnut siunnersortit allat, immikkoortortaqarfiit suleqatigisallu avataaneersut suleqatigalugit
Illit pillutit
Qinnuteqaateqartoq piukkunnaateqarluartoq tassaassaaq:
  • Ilinniartitsisutut ilinniarsimasoq aamma/imaluunniit inuaqatigiilerinermut tunngasumik ilinniagaqarsimasoq imaluunniit assigusumik ilinniagaqarsimasoq
  • Nunatsinni atuarfimmik, kulturimik inuiaqatigiinnillu ilisimaarinnilluartoq
  • Perorsaanerup, naliginnaasumik atuartitsinerup immikkullu atuartitsinerup iluanni nutaaliornerit assigiinngitsut pillugit malinnaalluartoq
  • Aaqqissuussamik, akisussaasumik aaqqiissutissanillu ujartuilluni sulisinnaasoq
  • Kisitseqqissaarnermi atortunik atuinermi misilittagalik
  • Atuarfimmi allaffissornikkut programminik ilisimasalik
  • Kalaallisut, danskisut immaqalu tuluttut allattariarsornikkut oqaluttariarsornikkullu piginnaasaqarluartoq
  • Nammineerluni sulisinnaasoq, suleqatigiilluarnermi piginnaasalik aammalu piffissami ulapaarfiusumi sullarissoq
Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut ingerlatsiveqarfiusoq, naalakkersuisoqarfimmik politikkerinillu sullissisoq kiisalu inerisaanermik saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik suliaqarfiulluta, aqutsinerit atuutereersut saniatigut ilaatigut aamma saqqummersitsiveqaraluta, naqiteriveqarluta paasititsiniaanermik atorniartarfimmillu katersugaateqarfeqarluta. Aqutsisoqarfiup meeqqat atuarfiat, efterskolit friskolillu annerusumik sammisarpai. Suleqatigiit 45-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisuulluta.
Akissarsiat atorfeqarnermilu atukkat
Isumaqatigiissutaasut aallaavigalugit atorfinitsitsisoqassaaq. Qinnuteqaateqartoq Kalaallit Nunaanni suliffeqarfiit iluanni tjenestemanditut tjenestemandit inatsisaat aallaavigalugu atorfeqarsimappat, tjenestemanditut atorfinitsinneqarsinnaavoq.
Akissarsiat atorfeqarnermilu atukkat, taassuma iluani atorfininnermi soraarnermilu angalasinnaanermut pigisallu nuunnissaannut piginnaatitaanerit, atorfininnerup nalaani Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut naapertorlugu aalajangerneqassapput.

Ineqarneq
Atorfimmut tunngatillugu inissaqartitsisoqanngilaq. Qinnuteqaateqartorli maannamut atorfigisimasaminut tunngatillugu Namminersorlutik Oqartussanit ineqartinneqareersimappat, atorfeqarnermi inissaqartitaanera atuutiinnassaaq. Atorfeqarnermi inigisaq atorfimmut pituttorsimavoq, atorfeqarnerullu naanerani qimanneqassalluni.
Qinnuteqaat
Qinnuteqaat, CV-mik nutartikkamik ilassutaasunillu naapertuuttunik ilaqartillugu, linki kinguliani taaneqartoq aqqutigalugu nassiunneqassaaq. Ulloq qinnuteqarfissaq kingulleq tassaavoq 9. Septembari 2022.
Annertunerusumik paasisaqarusukkuit uunga saaffiginnissuteqarsinnaavutit: Immikkoortortami pisortaagallartoq Salik Schmidt, sach@nanoq.gl, +299 346477. Kalaallit Nunaat Namminersorlutillu Oqartussat pillugit annertunerusumik paasisaqarusukkuit Atorfiit - Naalakkersuisut iserfigalugu paasisaqarsinnaavutit.

Ilinniartitaanermut Aqutsisoqarfik mail-ikkut qinnuteqaatinik tigusineq ajorpoq.
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia