sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilinniartitaanermut, Kultureqarnermut Ilageqarnermullu Nalakkersuisoqarfik meeqqanut suli atualinngitsunut aamma atuarfimmut sammisaqartussamik AC-fuldmægtigimik/Immikkut Siunnersortimik sulisussarsiorpoq

Namminersorlutik Oqartussat

Nuuk
Ikkunneqarpoq: 04-08-2020
Piffissaq atuuffissaa naassaaq: 27-08-2020
Suliffissamut ID normut: LJA-80791176
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Ilinniartitaanermik aamma inuiaqatigiinni ilinniartitaanikkut tamanut pitsaasumik periarfissiinissamik qulakkeerinninnissamik suliaqarusuppit? Meeqqanut suli atualinngitsunut atuarfeqarnermullu suliniutinik qulakkeerinneqataarusuppit? Ilinniartitaanermut immikkoortortaqarfitsinnut immaqa taava tulluartuusimassaatit. Ilinniartitaanermut, Kultureqarnermut Ilageeqarnermullu Naalakkersuisoqarfik pingaarnerutillugu meeqqanut suli atualinngitsunut aamma atuarfimmut sammisaqartussamik pikkorissumik sulisussarsiorpoq.
 
Tusarnaarluarsinnaassuseqarnissat suleqateqarluarsinnaassuseqarnissallu suliffeqarfimmilu naalakkersuinikkut aqunneqartumi sulinermik piginnaasaqarnissat pisariaqarpoq, immikkoortortaqarfimmilu piginnaasaqarfimmut ataatsimut amerlanerusunulluunniit piginnaasaqartuussaatit.
 
 
Ulloq atorfiniffiusinnaasoq 1. oktoberiuvoq imaluunniit immikkut isumaqatigiissuteqarnikkut.
 
Atorfik pillugu
 
Ilinniaritaanermut, Kultureqarnermut Ilageeqarnermullu Naalakkersuisoqarfimmi ilinniartitaanermut immikkoortortaqarfianiissaatit maannakkut 14-inik sulisoqartumi. Meeqqanut suli atualinngitsunut aamma atuarfimmut suliniutit pingaartinneqarmata atorfik nutaaq pilersinneqarpoq. Efterskolenik aamma højskolenik naalakkersuinikkut suliassiissutit atorfimmi isumagisassat ilagissavaat. Ilinniartitaanermut Aqutsisoqarfik aamma kommunit allallu meeqqanut suli atualinngitsunik atuarfinnillu sammisaqartut qanimut suleqatigalugit suliat ingerlanneqassapput. Suliassat allanngorartuussapput inerisaanerullutik, naliliinerullutik aamma suliassanik suliaqarnerullutik.
 
Suliassat pingaarnerit sammineqartussaat ilaat pingaarnerutinneqarput:
 

  • Ilinniartitaanermi suliniutinik ataqatigiissaarineq.
  • Naalakkersuisunik/Inatsisartunik sullissineq qulakkiissallugu naalakkersuinikkullu suliakkiissutinik tamanik sammisaqarneq.
  • Ilinniartitaanermut Aqutsisoqarfimmik, kommuninik, Naalakkersuisoqarfinnik pineqartunik, kattuffinnik aamma nunanik avannarlerni suleqatinik naalakkersuinerup tungaatigut suleqatiginninnerit qulakkeerneqarnissaat.
  • Ingerlaavartumik naliliinerit aamma ilinniartitaanernik suleriaatsinillu inerisaanerit qulakkeerneqarnissaat.
  • Immikkoortumi periusissanik aamma iliuusissanik pilersaarutinik qulakkeerinneqataanissaq.
  • Qitiusumik iliuusissanik aaqqissuusseqataanissaq ataqatigiissaareqataanissarlu.
  • Paasissutissanik pisariaqartinneqartunik aningaasanullu inatsimmik suliaqarnermi peqataaneq.
  • Immikkoortortaqarfimmi inerisaanermi suliniutinik aqutsineq qulakkiissallugu.
  • Ilinniartitaanermut tunngassuteqartunik suliassanik takkuttunik sammisaqarneq.
 
 
Kissaatigaarput:
  • naleqquttumik ilinniagaqarsimanissat, soorlu qaffasinnerusumik ilinniartitaanermik
  • meeqqanut suli atualinngitsunut aamma atuarfimmut immikkut ilisimasaqarnissat
  • nunatsinni inuiaqatigiit pillugit ilisimasaqarluartuunissat
  • nammineerlutit, peqqissaarlutit aaqqissuulluakkamillu sulisinnaanissat
  • suliassani annertuuni pingaarnernik aaliangiussisinnaanissat
  • oqaluttariarsornikkut allattariarsornikkullu kalaallit oqaasiinik aamma danskit oqaasiinik pitsaasumik atuisinnaaneq
  • Piffissanik killiliinernik eqqortitsisinnaaneq
  • Suleqatigiinnermik oqaloqatigiinnermillu pingaartitsisuuneq


Aningaasarsiatigut atorfinitsitaanermilu atugassarititaasut
Qinnuteqartoq uppernarsakkanik eqqortunik piginnaasaqartoq naliliineq tunngavigalugu immikkut siunnersortitut atorfinitsinneqassaaq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Paasissutissat sukumiinerusut
Atorfik pillugu paasisaqarnerorusukkuit immikkoortortaqarfimmi pisortaq Lotte Kjær, tlf. +299 345723, e-mail lokj@nanoq.gl attavigiuk.
 
Namminersorlutik Oqartussat pillugit annertunerusumik paasissutissat, www.nanoq.gl atorfiit ataani takujuk.
 
Qinnuteqaat
Qinnuteqarnissamut killigitinneqarpoq 26/8 - 2020
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia