Atorfiniffissaq: 1. november 2022 isumaqatigiissuteqarnikkulluunniit. Ingerlaavartumik suliffissarsiortunik oqaloqateqarnerit ingerlanneqassapput.

Ilinniartitaanermut, Kultureqarnermut,Timersornermut Ilageeqarnermullu Naalakkersuisoqarfiup, Ilisimatusarnermut immikkoortortaqarfia marlunnik AC fuldmægtigissarsiorpoq. Ilisimatusarnermut immikkoortortaqarfik pitsanngorsarneqassaaq tassungalu atatillugu Ilisimatusarnermut ataqatigiissaarisoqassalluni marlunnillu sullissisoqassalluni immikkut ilaatigullu ataatsimut akisussaaffeqartussanik suliassaqarfeqartussanillu.

Immikkoortortaqarfiup qitiusumik ilisimatusarnermi immikkoortortami oqartussaasutut ineriartortitsinermilu suliassat suliarai. Politikkikkut anguniagassanik piviusunngortitseqataanissamut ataatsimoortumik paasissutissiinikkut aaqqiissutissanik pilersitsinissamut akisussaaqataalissaatit.

Ilisimatusarnermi ingerlatsiviup suleqatigisartagai assigiinngitsuummata sullissisutut ilisimatusarnermi suliassaqarfiit tamaasa, piginnaanngorsaanermut inuussutissarsiornermilu ineriartortitsinermut tunngasut suliassaqarfigissavatit. Minnerunngitsumillu Nunatsinni Nunattalu avataani suleqatissarsiornissaq pioreersunillu ineriartortitsinissaq suliassaqarfinnilu attuumassuteqarsinnaasuni peqataasarnissaq naatsorsuutigineqassaaq. Ilisimatusarnermi immikkoortortaqarfiuttaaq, nunaqavissut ilisimasaat tunngaveqartullu inuiaqatigiit piujuartumik ineriartornissaanut qulakkeerinninnissaa peqataaffivigissavaa.
                                                                                              
Naalakkersuisoqarfinni suliassaqarfiit assigiinngitsut iluanni suleqatigiinnerit suliassaqarfinnut akisussaaffigineqartunut anguniakkanut pingaarnernut matussusiisarput taamaasillunilu inuiaqatigiit ineriartornissaanut pissutsinik pitsaanernik pilersitsisarluni, Naalakkersuisullu pitsaanerpaamik kiffartuunniaraanni ilaannikkut suliassaqarfiit akimorlugit suleqatigiinnerit pisariaqartarlutik.

Akisussaaffiit suliassallu
AC-fuldmægtigitut issittumi ilisimatusarnermi Nunatsinni Nunattalu avataani suleqatigiinnik sullississaatit, ilaatigut Kalaallit Nunaanni Ilisimatusarnermi siunnersuisooqatigiit, International Arktisk Hub, ilisimatusarfiit, Nunani Avannarlerni Europamilu ilisimatusarnermi misissuiviit, kiisalu susassaqartut allat, attaveqaqatigineqartartullu il.il.

Sulianut tunngasutigut piginnaasat
Ingerlaqqiffiusumik ilinniagaqarsimasuuvutit, pisortaqarfimmi suliffeqarfimmiluunniit namminersortumi atorfeqarsimanikkut allaffissornikkut misilittagaqartuullutit. Naalakkersuisoqarfiup sulisut naalakkersuisoqarfiup politikkikkut inissisimavia eqqarsaatigalugu, ilimagineqartutut sulinermi aaqqiissutissanik nassaarsinnaanissaat pingaartippaa.

Suliffimmi politikkikkut aqunneqartumi sulissutini assigiinngitsuni suliaqarnermi aaqqiissutissaqarsinnaanermik aalajaatsuusinnaanissaq pisariaqarpoq. Taamaammat pingaaruteqarpoq, piffissat annikitsoq atorlugu suliap annertussusaa suliassartaatalu piumasaqaataanut malinnittumik naammassinnilluarsinnaanissamut ingerlariartitsisinnaanissaq anguniarlugu atorsinnaassagit.

Inuttut piginnaasat
Suleqatikkuminarlutillu assigiinngitsunik sulialinnik suleqateqarsinnaanissat kissaatigaarput.

Saaffigiuminartuusutit siunnerfeqarsinnaallutillu. Naalakkersuisoqarfimmi aqutsisut nukittunermik aammalu suliffimmik ajunngitsumik ingerlatsinissaq pingaartitaraat. Suliffimmi avatangiisinik ajunngitsunik siuariartortunillu suliaqarnissannut isumagissaartumik ingerlatsisinnaassuseqassaatit. Isumassarsiortitsisinnaallutillu, piumassuseqalersitsisinnaallutillu aaqqitassaasinnaasunik utertitsiviginnissinnaassuseqartariaqarputit.

Kalaallit Nunaanni, Nunani Avannarlerni Nunanilu Avannarlerni Killerni Europamilu pissutsinut ilisimasaqarnissat, kiisalu kalaallisut, danskisut tuluttullu oqaaseqartuunissaq iluaqutaasaaq.

Neqeroorutigaavut:
 

• Akisussaaffik annertooq tassungalu atatillugu ajunngitsumik allanngueqataasinnaaneq.
• Suliffik pissanganartoq suliamilu ineriartorfiulluartoq.
• Immikkoortortaq suliamut tunngatillugu ilisimasakkaaq, piginnaasaqarluartoq aammalu sulinermi ajunngitsumik suleriaasilik.
• Suliffik piukkunnartoq pisortatigoorpalaanngitsumik nuannersumik ataqqeqatigiinnermik tatiginninnermillu imaqartumik oqaasilik.
• Suliffik pissanganartumik siammasissumik inissisimasoq, nunagisami annertuumik aammalu nunarsuarmiit isiginiarneqartoq.

Akissarsiat atorfinitsitaanermilu atugassarititaasut
Akissarsiatigut atorfinitsitaanikkullu atugassarititaasut, tassunga ilanngullugit atorfinikkiartorluni atorfeqarunnaarnermilu angalasinnaatitaaneq kiisalu pisattat nuunneqarnerat Kalaallit Nunaanni Namminersorlutik Oqartussat pineqartullu kattuffiata isumaqatiginninniarsinnaatitaasup akornanni isumaqatigiissutit atorfininnerup nalaani atuuttut malinneqassapput.
Qinnuteqartoq eqqortumik piukkunnassuseqartoq immikkut siunnersortimut atugassarititaasut tunngavigalugit atorfinitsinneqarsinnaassaaq

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini attartorneqartoq atorfeqarnerup unitsinnerani qimanneqassaaq.

Sukumiinerusumik paasisaqarusuppit?
Atorfik pillugu paasissutissat sukumiinerusunik pissarserusukkuit immikkoortortaqarfimmi pisortaq Dorthe Bidstrup attaviginerani piniarneqarsinnaapput ugguuna dbip@nanoq.gl oqarasuaat 345723

Ulloq qinnuteqarfissaq kingulleq
Qinnuteqaat CV-imik aamma soraarummeersimanermut uppernarsaatit assilinerinik ilanngussalik link ataaniittoq aqqutigalugu kingusinnerpaamik 21.10.2022 nassiunneqassaaq. Oqaloqatiginninnerit ingerlaavassapput, piukkunnartumillu nassaartoqarnerani sulilersitsisoqassaaq. E-mailikkut qinnuteqaatit tiguneq ajorpavut.