sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilinniartitaanermut siunnersortimut qitornartaarluni sulinngiffeqartumut paarlatsissarsiorneq

Namminersorlutik Oqartussat

Nuuk
Ikkunneqarpoq: 09-02-2021
Piffissaq atuuffissaa naassaaq: 05-03-2021
Suliffissamut ID normut: LJA-81690671
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Ilinniartitaanermut, Kultureqarnermut Ilageeqarnermullu Naalakkersuisoqarfik Ilinniagaqarnersiuteqartitsivimmut ilinniartitaanermut siunnersortimut qitornartaarluni sulinngiffeqartumut paarlatsissarsiorpoq
 
Ilinniagaqarnersiuteqartitsivimmi nutaamik suleqatissarsiorpugut. Ilinniagaqarnersiuteqarnermut ingerlatsivimmi suleqatigiit tallimaapput. Taanna Ilinniartitaanermut, Kultureqarnermut Ilageeqarnermullu Naalakkersuisoqarfimmi aningaasaqarnermut, sulisoqarnermut ilinniartunillu kiffartuussinermut Immikkoortortaqarfiup ilagaa.
 
 
Atorfimmut anguniakkat nalinginnaasut:
Ilinniagaqarnersiuteqartitsivimmi anguniakkat nalinginnaasut suliassallu aaqqiiviginissaannut peqataassaatit, matumani.

  • Nunatsinni, nunattalu avataani Ilinniagaqarusuttunik sullissineq, matumani IT-systemip iluani assigiinngitsunik suliaqarneq, soorlu ilinniartunik nalunaarsuinerit IRIS-ilu.
  • Ilinniagaqarnersiutinik aningaasaliisarnermut qinnuteqaatinik tapiissutillu suli ingerlaannarnissaannut qinnuteqaatinik sullissisarneq, matumani:
  • Ilinniagaqarnersiutit pillugit maleruagassanut tunngatillugu Kalaallit Illuutaannit, ilinniarfinnit allanit il.il. oqarasuaatitigut allakkatigullu saaffiginnissutinik akissuteqarneq.
     
    Piffissaq ungasinnerusoq eqqarsaatigalugu ilinniagaqarnersiutinut ilinniartunullu tunngatillugu apeqqutinik tamanik Kalaallit Nunaanni Danmarkimilu ilinniartunut siunnersuisarnermut atatillugu supervisioni, siunnersuineq ilitsersuinerlu isumagisalissavatit.
     
    Naatsorsuutigaarput illit:
  • naleqquttumik suliamut attuumassutilimmik ilinniagaqarsimassasutit, soorlu allaffimmiutut assigisaanilluunniit,
  • suleqatigiikkuutaani suleqateqarnissamut pikkoriffeqartutit,
  • IT-mi atortunut nutaanut paasinnillaqqissuusutit,
  • aaqqissuussaasumik sulisinnaasutit annikitsualuttortaalu aallussinnaagitit aamma
  • naatsorsuutinik sulianillu ingerlatsinermik paasinnissinnaassuseqartutit.
     
    Marlunnik oqaaseqaruit Kalaallisut / Danskisullu iluaqutaassaaq piumasaqaataanngilarli.
     
    Atorfimmi suliassanut tunngasutigut ulluinnarni Ilinniagaqarnersiuteqartitsivimmi aqutsisumut attaveqartassaatit. Atorfinitsinneqarnermullu tunngatillugu immikkoortortaqarfimmi pisortamut attaveqartassallutit.
     
    Atorfinitsitsigallarneq 1. april 2021-miit december 2021 tungaanut pissaaq.
     
    Atorfinitsitsinermi pissutsit:
    Akissarsiat atorfinitsitaanermullu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersornerullutik Oqartussat kattuffiullu isumaqatiginninniarsinnaatitaasup atorfininnerup nalaani atuuttut naapertorlugit ingerlanneqassapput.
     
    Ineqarneq
    Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
     
    Atorfimmut qinnuteqarnissamut killiliunneqarpoq 5. marts 2021. Atorfik pillugu sukumiinerusumik paasisaqarusukkuit immikkoortortaqarfimmi aqutsisoq Guluk Chemnitz attavigisinnaavat, guch@nanoq.gl oqarasuaat 346905


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen
Styrelsen for Sundhed og Forebyggelsen - Personaleadministrationen