sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilinniartitsinermik Ilisimatusarfimmi Adjunktimik/Lektorimik pædagogikkip iluani fagini ilinniartitsisussamik tullersortutullu atorfik

Namminersorlutik Oqartussat

Upernavik
Ikkunneqarpoq: 14-02-2020
Piffissaq atuuffissaa naassaaq: 13-03-2020
Suliffissamut ID normut: LJA-79349494
Atorfeqarnermi atugassarititaasut: Tamakkiisoq
Suliassaqarfik: Aqutsineq

ALLAGARSIUTEQQITAQ

Ilinniartitsinermik Ilisimatusarfimmi adjunktimik/lektorimik pædagogikkip iluani fagini ilinniartitsisussamik tullersortitullu 15. marts 2020 imaluunniit isumaqatigiissuteqarneq naapertorlugu atorfinittussamik inuttarsarsiuussineq.

Ilinniartitaaneq ineriartortoq siuttuuffigerusukkukku ilinniartitsinermullu tunngasunik aqutsinermik misilittagaqaruit immaqa tassaasimassaatit ilinniartitsisortaarput immikkoortortatsinnilu pisortassarput!

Ilinniarfissuarmi ilinniartitsisunngorniarluni ilinniartitaaneq inuussutissarsiutigalugu suliffittaarnissamut bacheloritut ilinniarneruvoq, Ilisimatusarfiup  ataani Ilinniartitsinermik Ilisimatusarfimmi  ingerlanneqarluni.  Ilinniartitsisut 25-it missaanniittut  suleqatigissavatit.

Ilinniarfissuaq 170-it missiliorlugit ilinniartoqarpoq, tassani ingerlanneqarlutik ilinniartitsisunngorniarneq aamma najugaq qimannagu ilinniartitsisunngorniarneq, ungasianiit qarasaasiaq atorlugu ilinniartitsinermik malinnaanikkut, kiisalu katersuulluni pikkorissarnikkut ingerlanneqartartoq. Tamatuma saniatigut meeqqat atuarfianni ilinniartitsisunik pikkorissaaqqinnerit ilinniartitseqqiinerillu ingerlanneqartarput.

Ilinniartitsinermik Ilisimatusarfimmi ilisimatuutut misissuinerit  tunngavigalugit ilisimatusartoqartarpoq, ilinniartitsisullu fagini ilisimatusarnissaminnut inerisaanissaminnullu perifissanik atorluaassasut naatsorsuuteqarfigineqarput. Sulisut ph.d.-nngorniarnissamut piffissamik immikkut aaqqiiffigineqartarput.

Ilinniartitsisumik, ilinniartuutitta siunissami Kalaallit Nunaanni meeqqat atuarfianni ilinniartitsisunngornissaannut patajaallisarnissaannut, kiisalu ilinniartitsisooreersunut piginnaasaatigut qaffasinnissaanik piumaffigineqarnerup naammassinissaanut pikkorissaaqqinnerit - ilinniartitseqqiinerillu suliamut attuumassuteqarlutillu naapertuutut neqeroorutiginerisigut nukittorsaanissami sulerusussusilimmik pissarsiorpugut.

Afdelingsleder-imik pissarsiorpugut ilinniartitaanermut aaqqissuussamut peqataaffigilluinnagassaanut ilinniartitsisunut ilinniartitanullu tunngatilluinnarlugu.
Suliassat

  • Ilinniartitsisunngornianik pædagogikkip fagitut iluani atuartitsinissamik pilersaarusiorneq ilinniartitsinerlu
  • Ilinniarnerup aqunnera Ilisimatusarfik pillugu Inatsisartut inatsisaat nr. 12, 12. juni 2019-imeersoq aallavigalugu
  • Ilinniarfimmiillutik sumiiffimminniiginnarlutilluunniit ilinniartut attaveqarfigisarnissaat
  • Ilisimatusarnikkut attuumassutilinnik sulianik aamma/imaluunniit ilisimatusarnissamut suliniutinik kisimiilluni imaluunniit suleqatit peqatigalugit kiisalu meeqqat atuarfiat suleqatigalugu ineriartortitsineq
  • Ilinniartitsisunngorniarluni ilinniartitaanerup ineriartortinneranut ilinniartitseqqiinermilu suliniutinut it atorlugu atuartitsinissamik peqataaneq
Neqeroorutigaavut
  • Sulinermi avatangiisit ineriartortuartut, suliassat naammassiniarneranni nammineersinnaassutsimik ataatsimoorlunilu suleqatigiinnermik oqimaaqatigiissitsiniarfiusut
  • Ilinniartitsinermi avatangiisit pikialaarfiusut, soqutiginnillunilu kajumissuseqarluarluni suleqatigiiffigiusoq
  • Ilisimatusarluni avatangiisit aallussilluarfiusut, suliamut pædagogikkimullu ineriartorfissaqarluartut
  • Pisortatut ilinniaqqinnissannut neqeroorutit aqqutigalugit ineriartoqqinnissannut periarfissagissaarputit, ilisimatusarnikkullu suleqatigiissutissatit atorlugit ilisimasatit annertusarsinnaavatit.
Ilinniakkatigut piukkunnaatit
  • Minnerpaamik Kandidatitut (assingusumilluunniit) ilinniagaqassasutit suliassamut tulluartumik, imaluunnit ph.d-tut naammassisimallutit.
  • Ilinniartitsinermik ilisimatusarnermillu misilittagaqassasutit
  • Ilinniartitsinerup iluani aqutsinermik ilinniartitsissutissanillu aaqqissuussinermik ilinniartitsinermillu ilinniartitsisunngorniartarnerup iluani assingumiluunniit misilittagaqassasutit
  • Instituttip ilinniartitsinikkut ilisimatusarnikkullu suliaani pingaarnerusut nunami namminermut nunanullu allanut attuumassutillit ilisimaqqissaarnissaat






 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Kommune Kujalleq
Qaqortoq
Avannaata Kommunia
Namminersorlutik Oqartussat
Nuuk
Namminersorlutik Oqartussat
Nuuk
Namminersorlutik Oqartussat
Ilulissat