Ilinniartitsisumik Atuarfik Hans Lynge pissarsiorpoq / Lærer søges til Atuarfik Hans Lynge

Kommuneqarfik Sermersooq

Nuuk

Ikkunneqarpoq: 09-12-2023

Piffissaq atuuffissaa naassaaq: 30-12-2023

Suliffissamut ID normut: 331585278

Atorfeqarnermi atugassarititaasut: Tamakkiisoq

Suliassaqarfik: Atuartitsineq & Meeqqerineq, Meeqqat & inuusuttut

Atorfiup taaguutaa: Lærer

Ilinniagaq: Prof. bach. folkeskolelærer

Misilittakkat - Annertunerusumik: Folkeskole, undervisning, Samarbejde

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Atuarfik Hans Lynge ataatsimik akullerni ilinniartitsisussarsiorpoq: Kalaallisut, qallunaatut, inuiaqatigiilerineq, upperisalerineq, matematik.

Atuarfik Hans Lynge Nuummi Qinngutsinni inissisimavoq. Atuarfik pinngortitamik nuannersumik avatangiiseqarpoq qaqqat, kuuit tatsillu qanitaralugit. Atuarfik nutaaliaavoq 2011-imi atulerneqartoq. Atuarfiup init atuartitsinermi atugassat atuartitsinermilu atortorissaarutit tamaasa pigai, soorlu smartboardit whiteboardillu.

Atuarfik atuartoqarpoq 1.-10.kl, ukioqatigiit atuaqatigiit marluk pingasullu ingerlanneqarput. Maannakkut 528-inik atuartoqarpoq 45-nillu ilinniartitsisoqarluni.

Suleqatigiit ikiuukkumatuut, angerlarsimaffiup atuarfiullu akornanni pitsaasumik oqaloqatigiinnikkullu attaveqarfiusumik suleqatigiinneq, aqutseriaaseq ersarissoq ulluinnarnilu angajoqqaanik pitsaasumik suleqateqarneq atuarfimmi atuupput.

Naatsorsuutigaarput:

·Ilinniarfissuarmi ilinniartitsisutut naammassisimasutit.

·Inimi atuartitsivimmik aqutsilluarsinnaassaatit tatituujullutit.

·Akuersaartuusutit, tunniusimasuusutit, akisussaassuseqartuullutillu aallarnisaasuusutit.

·Ammasuullutillu ilumoortuussutit attaveqatigiissitsillaqqissuusutillu attaveqallaqqittuussaatit atuartut piginnaasassatigut inoqqataanikkullu qaffasissumik aallullugit.

·Suleqatinik, aqutsisunik angajoqqaanillu pitsaasumik suleqateqarusussuseqartutit naligiissumik tamanut.

·Aporfiit salliutinnagit periarfissanilli salliutitsissaatit.

·Atuarfiup avatangiisaani tamatigoortuni ineriartornermullu sammisuni ilanngunnissannut kajumissuseqartutit.

·Atuarfimmi immikkoortukkuutaarlugit agguataagaasumi suleqatigiinnut ilanngussinnaasutit suleqatigiinnillu taakkuninnga ineriartortitseqataasinnaasutit.

·IPad atorlugu atuartitsinermi misilittagaqarnissaq ilisimasaqarnissarlu.

Neqeroorutigaavut:

·Atuarfiup avatangiisai ineriartornermut sammisut, inuttut suliatigullu ineriartornissamut periarfissallit.

·Kommunimi atuarfeqarfik politikikkut pingaartinneqarfiusumi atuarfeqarfimmi atorfik soqutiginartoq atuarfillu pillugu inatsimmi atuuttumi perorsaanikkut ineriartorneq pingaartinneqartoq.

·Atuarfimmi ilinniartitsisutut nutaatut tapersersorluarneqarneq.

·Suleqatigiinni isummanik pissarsiffiulluartumik suleqatit pitsaasut.

·Suliassanik sunniinissamut aaqqissuussinissamullu periarfissat pitsaasut.

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaa Tom Ostermann-Søholm oqarasuaat +299 36 64 51 imaluunniit e-mail: toos@sermersooq.glimaluunniit Atuarfiup pisortaata tullia Laila Vivian Petersen oqarasuaat +299 36 64 53 e-mail: lavp@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:
Qinnuteqaat qulequtserlugu Atorfiup ilisarnaataa 1116-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: decembarip 30.-at, 2023