sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilisimatusarnermi teknikeri Pinngortitaleriffimmut

Namminersorlutik Oqartussat

Nuuk
Ikkunneqarpoq: 06-12-2019
Piffissaq atuuffissaa naassaaq: 21-01-2020
Suliffissamut ID normut: LJA-78039455
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq

PINNGORTITALERIFFIK
Ilisimatusarnermi teknikerimik
sulisussarsiorpoq
 
Pinngortitaleriffimmi Aalisakkanut Qalerualinnullu Immikkoortortaqarfik, sulianik assigiinngitsunik siammasissunik suliaqarsinnaasumik, ilisimatusarnermi teknikerissarsiorpoq. Laboratoriami, allamukarlunilu suliaqarnermi qarasaasialerinermilu sulianik naammassinnilluarsinnaanerit ujartorneqarpoq.

Akisussaaffiit suliassallu: Suliarisassat ataatsimut isigalugit tassaapput ataqatigiissaarinerit immikkullu pilersaarutinik aqutsinerit, inummik tunniusimasumik ammasumillu suleqatigiinnermik ataqatigiissaarinermillu pik­koriffeqartumik, nunallu tamalaaneersut akornanni sulerusuttumik ujartuivugut. Suliassat tamatigoortuupput nikerartuussallutillu, ilaatigullu makkuussallutik: a) laboratoriami suliaqarneq, b) Pinngortitaleriffiup ilisimatuussutsikkut misissuutaanni umiarsuarmi avataanilu sule­qataaneq c) aalisartunit aalisakkerivinniillu aalisakkanik qalerualinnillu misissugassanik katersineq d) Katersaniit paa­si­sanik pitsaassutsimik qulakkeerinninneq qarasaasiamullu ikkussuinerit e) teknikkikkut atortorissaarutinik iluarsaas­sinerit allarpassuillu.
Ilisimatusartunik, teknikerinik ilinniagaqartunillu qanimut suleqateqartussaassaatit. Kiffartuussisinnaassuseqasaatit, inus­siarnersuunissat pisariunngitsumillu naammassinnilluarsinnaanissat kissaatigineqarpoq. Illit misissuivimmi avataanilu sulinerni ataqatigiissaarisuussaatit, pilersaaru­sior­tuus­saatit nammineerlutillu sulianut aqutsisuullutit. Atortorissaarutinik piareersaaneq, misissuinermi isumannaallisaanermilu atortut nutarsarsimanissaat akisussaaffigissavatit. Paasisat pisariunngitsumik pissarsiarinissaat anguniarlugu misissuivimmi ava­taa­nilu sulinermi naammassineqarnissaat qulakkeersinnaassavatit. Kalaallisut, danskisut tuluttullu oqaatsinik atui­sinnaaguit iluaqutaassaaq.                                       

Pisinnaasat:

  • Uumasorsiuunut ikiortitut assingusumilluunniit teknikkikkut ilinniagaqarsimaneq.
  • EDB; Windows, Excel, Word atorsinnaalluassavatit.
  • Avataani imarsiortutut suleqataasarsimanermik uppernarsaaserlugu misilittagaqarneq.
Iluaqutaassaaq:
  • laboratoriami sulinermik, utoqqaassutsimik paasiniaanermik uumasulerinermilu misissuiffigisassat piareersar­sinnaaner­inik misilittagaqaruit
  • ilisimatusartut akornanni sulinermik misilittagaqaruit
  • akisussaaffeqarlutit, patajaallutit, sukumiisumik suleriaaseqarlutit, nammineerlutit sulisinnaallutit suleqatigiinnissa­mul­lu piginnaaneqaruit
  • inuttut qiimasuunerit
Aningaasarsiatigut atorfinitsitaanermilu atugassarititaasut: Akissarsiat atorfininnermilu atugassaritaasut AK-mut isumaqatigiissutaasoq naapertorlugu trin 21-25 inissinneqarnissat ilimagineqarpoq, tassa ilimasima­tuus­sut­sik­kut tekni­keri­tut aningaasarsiat ilassuteqartillugit.

Najugaq: Atorfimmut atatillugu malittarisassat qaqugukkulluunniit atuuttut naapertorlugit inissiamik pequserneqanngit­sumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussu­tigine­qar­tu­mut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqartussaavoq. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il. apeq­qutaal­lutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaa­sarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqaral­lar­sinnaalluni, taakkulu akileraaruserneqartarput.
Pinngortitaleriffik pillugu paasissutissat allat nittartakkami - www.natur.gl, - takuneqarsinnaapput, imaluunniit immikkoortortami pisortamut Helle Siegstadimut toqqaannartumik oqarasuaat atorlugu - +299 361200 – email: helle@natur.gl –imut attaveqartoqarsinnaavoq.

Qinnuteqarnissamut piffissaq killissarititaasoq 20. januar 2020

Qinnuteqaat “Forskningstekniker Afdeling FiSk 2019” nalunaaqutserlugu soraarummeersimanerni uppernarsaatit assingi, curriculum vitae il.il. ilaatillugit uunga nassiunneqassapput: Direktør Klaus Nygaard, Box 570, DK-3900 Nuuk, Kalaallit Nunaat. Aamma Immikkoortortaqarfimmi pisortamut Helle Siegstad-imut nassiunneqarsinnaapput, e-mail: helle@natur.gl
                                                                                          
Pinngortitaleriffik Namminersorlutik Oqartussat pinngortitamik qitiusumik ilisimatusarfiutigaat. Pinngortitaleriffimmi Kalaallit Nunaanni taassumallu eqqaani pisuussutinik uumassusilinnik piujuartitsisumik atorluaanissaq aamma avatangiisit uumassusillillu amerlangaartut isumannaarneqarnissaat ilisimatuussutsikkut tunngavissinneqartussaavoq. Pisuussutinut uumassusilinnut tunngatillugu apeqqutini Pinngortaleriffimmit Namminersorlutik Oqartussanut siunnersuisoqartussaavoq. Pinngortitaleriffik Nuummiippoq tassanilu sulisut 60-it missaanniipput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut