sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilulissani PI/SPS nutserisumik/oqalutsimik pissarsiorpoq

Namminersorlutik Oqartussat

Ilulissat
Ikkunneqarpoq: 19-02-2020
Piffissaq atuuffissaa naassaaq: 03-03-2020
Suliffissamut ID normut: LJA-79413348
Atorfeqarnermi atugassarititaasut: Tamakkiisoq
Suliassaqarfik: Allat

ALLAGARSIUTEQQITAQ
Ilulissani Perorsaanermik Ilinniarfik
Nutserisumik/oqalutsimik pissarsiorpoq
 
Unamminarsinnaasunut unammillernissamut isikkivinnullu nutaanut sapiissuseqarpit, taava atorfik soqutiginartoq ilinnut nutserisutut PI/SPS’imi neqeroorutigaarput. Kalaallit Nunaanni isumaginninnerup iluani allanngueqataanissamut peqataasinnaavutit. PI/SPS kisiartaalluni Kalaallit Nunanni perorsaanermik ilinniarfiuvoq, nunarsuarmi kangerluit iigartartut annersaat kusanarnerpaallu qanittuaniittoq, UNESCO’p kingornutatut allassimasuutigisaanut ilaasoq.

Seminaria 300 missaani ilinniartoqarpoq, ilinniakkallu tallimat ingerlanneqarput, ukuusut: isumaginninnermi ikiortinngorniarneq, socialassistentinngorniarneq, bachelorimut sammivilimmik perorsaasunngorniarneq, najugaq qimannagu perorsaasunngorniarneq taavalu ulluunerani meeqqanik ikiortinngorniarneq. 40-nik sulisoqarpugut, 20-illu missaannik ilinniartitsisoqarluta.

PI/SPS nuna tamakkerlugu pingaarutilinnik makkuninnga suliaqarpoq:

  • Ulluunerani neqeroorutini ikiortinik perorsaasunik, socialassistentinik aammalu isumaginninnermi ikiortinik ilinniartitsineq
  • Perorsaanermik suliassaqarfiup iluani ilinniaqqinnerit pikkorissarnerillu
  • Perorsaaneq toqqammavigalugu sulianik ilinniarnermullu tunngasunik
  • ineriartortitsiuarneq.
Suliffeqarfipput marluinnik immikkut oqaasilinnik sulisoqarmat allattariarsornikkut atortussanik kalaallisuumiit qallunaatuumut paarlattuanillu nutserineq pisariaqartarpoq. Bachelorimut sammivilimmik perorsaasunngorniartut misilitsinneranni ataatsimiinnernilu toqqaannartumik oqalutseqarnissaq aamma neqeroorutigineqartarpoq. Taakkua saniatigut Seminaria sineriak tamakkerlugu pikkorissartitsinernik ingerlatsinerni oqalutseqartitsisarpoq, taamaattumik angalasarnissaq naatsorsuutigineqartariaqarpoq.  

Qinnuteqartuni suliassaqarfimmut ilisimasaqassuseq piginnaaneqarfigineralu pingaartinneqarput
  • Immikkut oqaatsit kalaallisut qallunaatut akornanni nutserisutut/oqalutsitut misilittagaqarsimassuutit.
  • Immikkut oqaatsinik allanik atuisinnaavutit, assersuutigalugu tuluttut.
  • Allattariarsornikkut oqaluttariarsornikkullu ingerlatitseqqiineq pikkoriffigaat oqaatsinillu assigiinngisitaartumik nutsigassat assinginik atuisinnaallutit.
  • Perorsaanermik suliassaqarfiup iluani oqaatsit taaguusersuinerlu ilisimasaqarfigereerpatit imaluunniit ilikkarnissaannut assut soqutigalugit.
  • Assigiinngitsunut atatillugu nutserineq/oqaluttaaneq misilittagaqarfigivat nutserisutut/oqalutsitut sulinermi inissisimaffik ilisimaarilluarlugu.
Paasissutissat atorfimmut tunngasut sukumiinerusut pillugit saaffigineqarsinnaavoq Rektori Nuka Kleemann oqarasuaat imaluunniit Ilinniartitaanermi pisortaq Ketty Avbæk Larsen oqarasuaat +299 38 35 50 E-mail allaffik@pi.sps.gl

Seminaria pillugu annertunerusumik paasisaqarusukkuit nittartagarput www.pi.sps.gl aamma illoqarfik pillugu nittartagaq www.avannaata.gl takuuk.

Atorfiup piaartumik inuttalerneqarnissaa kissaatigineqarpoq.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia