sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Immikkoortortami pisortaq

Namminersorlutik Oqartussat

Nuuk
Ikkunneqarpoq: 06-07-2020
Piffissaq atuuffissaa naassaaq: 26-07-2020
Suliffissamut ID normut: LJA-80605980
Atorfeqarnermi atugassarititaasut: Tamakkiisoq
Suliassaqarfik: Aqutsineq

Aningaasaqarneq, Ingerlatseqatigiinneq Ilinniartunillu sullissinermut Immikkoortortami pisortamik Ilinniartitaanermut, Kultureqarnermut Ilageeqarnermullu Naalakkersuisoqarfik ujaasivoq
Naalakkersuisoqarfimmi immikkoortortaq pingaarutilik, inuiaqatigiinni qitiunerpaat ilaannik ineriartortitsinissamut aningaasaqarnikkut piginnaasaqarluartunik sulisulik aqussinnaaviuk: atuarfiit, kulturi aamma ilageeqarneq?


Aningaasaqarneq, Ingerlatseqatigiinneq Ilinniartunillu sullissineq immikkoortortami pisortatut, Aningaasanut Inatsimmi immikkoortoq 40-mi aningaasaliissutitut inatsisinut tunngasunik, ilinniartitaanermi, kultureqarnermi aamma ilageeqarnermi aningaasanik aqutsineq, politikkikkut suliniutit aningaasartuutaannik misissuineq, ilinniagaqarnersiutit aamma ilinniartut inaat pillugit suliassaqarfik, illuutit sanaartukkat kiisalu suliffeqarfimmik ineriartortitsineq suliassanik isumaginnittoq akisussaaffigissavat. Immikkoortortap ilaatigut aningaasaqarnermik aqutsinermut atatillugu ilinniartitaanermut, kultureqarnermut aamma ilageeqarnermut suliassaqarfinnut 1,2 milliarder koruunit suliassarai.
 
Aningaasanut inatsit pillugu sulineq, missingersuutinik misissuinerit, aaqqissuusseqqinnerit siunnersuutit saqqummiunneqarnerinut atatillugu aningaasartuutinik naatsorsuineq akisussaaffigissavatit. Immikkoortortami pisortatut suliffeqarfimmi ineriartortitsinermik suliassat, sulisut pillugit aqutsineq aamma suliffeqarfimmi ataatsimut suliassanik imaqartut siuttuuffigissavatit.
Naalakkersuisoqarfimmi aqutsisut qaffasinnerpaannut ilaasutut, naalakkersuisoqarfimmi siunissami aaqqissuussamik sulinermi pingaaruteqarlutit inissisimassaatit. Immikkoortortaqarfik sulisunik pimoorussisunik 12-it missaannik sulisulik akisussaaffigilissavat, matuma ataani allaffimmi pisortaq 1 kiisalu suliamut tunngasunik aqutsisut. Naalakkersuisoqarfimmi aqutsisunut ilaassaatit, kiisalu Naalakkersuisumik politikkikkut sullissinermut taperseeqataassallutit aamma ingerlatsinermi inuiaqatigiillu aningaasaqarneranni sunniutaasunut atatillugu politikkikkut suliniutit pitsaassusaat qulakkeerinniffigeqataasassallugit.

Naatsorsuutigaarput illit:

  • Inuiaqatigiilerinermi aamma/imaluunniit aningaasaqarnermi attuumassuteqartumik ingerlariaqqiffiusumik ilinniagaqartutit
  • Aqutsinermik misilittagaqartutit imaluunniit maannamut atorfeqarninni, sulisunik aqutsinermut piukkunnarsarsimasutit
  • Namminersorlutik Oqartussat qitiusumik allaffeqarfiat suliffeqarfittut kiisalu Namminersorlutik Oqartussani suleriaatsit ilisimasaqarfigigitit
  • Naalakkersuisoqarfiup suliassaqarfii ilisimasaqarfigigitit
  • Kalaallit Nunaanni politikkikkut tunngasunut ilisimasaqarluartutit
  • Aningaasanut Inatsit ilisimasaqarluarfigigit
  • Kalaallisut/qallunaatut marluinnik oqaaseqarneq iluaqutaassaaq
Aamma illit inuttut piukkunnaateqartutit:
  • Suliat ataatsimut amerlasuut suliarisinnaagitit kiisalu pisuni ulappuffiusuni eqqissisimasinnaasutit
  • Ineriartortitsinissamut pingaartitsisuusutit kiisalu aaqqissuussaanermi politikkikkut aqunneqartumi aaqqiissutinik atasinnaasunik aamma nutaaliaasunik pilersitsisinnaasutit
  • Pisunut maluginiaalluarsinnaasutit
Naalakkersuisoqarfimmi 45-t missaat atorfeqarput. Atorfiup matuma saniatigut aqutsisoqatigiinnut ilaapput Naalakkersuisoqarfimmi pisortaq, Kultureqarnermut Ilageeqarnermullu Immikkoortortami pisortaq, Ilinniartitaanermut Immikkoortortami pisortaq aamma Inatsisilerinermut Immikkoortortami pisortaq. Atorfimmi pingaaruteqarpoq aqutsisoqatigiinnut taperseeqataasarnissat, kiisalu aqutsisoqatigiinni suleqatitit tatigalugit suleqatigisinnaassagitit.

Naalakkersuisoqarfiup saniatigut, aningaasaqarneq pillugu suliassaqarfimmi naalakkersuisoqarfiup ataaniittut aqutsisoqarfiit marluk suleqatigilluarnissai qulakkiissavat; Ilinniartitaanermut Aqutsisoqarfik aamma Digitalimik Sullissinermut Aqutsisoqarfik.

Atorfik 1. august inuttalerniarneqarpoq imaluunniit isumaqatigiissuteqarnikkut. Atorfik isumaqatigiissut attuumassuteqartoq naapertorlugu Immikkoortortaqarfimmi pisortatut inissinneqarlunilu akissarsiaqartinneqassaaq.

Atorfimmut atatillugu sulisunut inissiamik innersuussisoqarsinnaanngilaq. Namminersorlutik Oqartussani atorfeqarninni sulisutut ineqartinneqareersimaguit, sulisutut ineqarsinnaatitaanerit tigummiinnassavat.

Atorfimmut qinnuteqarnissamut killigititaq tassaavoq 26. juli 2020.

Paasissutissat annertunerusut pillugit naalakkersuisoqarfimmi pisortaq attavigiuk Karsten Peter Jensen, kapj@nanoq.gl  imaluunniit +299 345000.

Aningaasarsiatigut atorfinitsitaanermilu atugassarititaasut
Atorfik akissaateqarfimmi LR 38-mi maanna inissisimavoq.

1. april 2020 LR 38-mi akissarsiat imak isumaqagitiissutigineqarnikuupput qaamammut  Kr. 55.829 ukiumullu Kr. 669.953 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia