sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Inatsisilerinermut Immikkoortortaqarfimmi pisortaq

Namminersorlutik Oqartussat

Nuuk
Ikkunneqarpoq: 27-04-2020
Piffissaq atuuffissaa naassaaq: 23-05-2020
Suliffissamut ID normut: LJA-80170016
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Immikkoortortaqarfimmi pisortassamik isumaginninnermi suliassaqarfimmi inatsisinik aaqqissuusseqqinnerni annertuuni, pissanganartuni unamminartunilu qitiusumik inissisimarusuttumik pissarsiorpugut.
 
Isumaginninnermut Inatsisinillu Atuutsitsinermut Naalakkersuisoqarfimmi politikkikkut anguniakkat suliassaqarfimmut tunngasut piviusunngortinnissaat suliarisarpagut. Ilaatigut tassunga ilaapput inatsisit, matumani ilanngullugit Kalaallit Nunaannut naalagaaffiup inatsisai, nunat assigiinngitsut akornanni isumaqatigiissutit, meeqqanut inuusuttunullu atugarliortunut, inersimasunut atugarliortunut, utoqqarnut inunnullu innarluutillinnut atugarisat nukittorsarniarlugit periusissiat aamma iluarsartuullugit pilersaarusiat.
 
Inatsisilerinermut Immikkoortortaqarfik pingasunik inatsisileritooqarpoq Immikkoortortaqarfimmilu pisortaqarluni. Immikkoortortaqarfiup isumaginninnermi suliassaqarfiup iluanni inatsisiliorneq, matumani nalunaarutinik, ilitsersuutinik suliaqarnerit suliarisarpai, Taakkua saniatigut immikkoortortaqarfik politikkerinut matumani allakkianik, nassuiaatinik sullissaqartarpoq kiisalu inatsisitigut apeqqutinik nalinginnaasumik sullissisarluni.  
 
Suliassat tamatigoortuupput aamma kulturikkut sunillu suliaqarneq apeqqutaatinnagu suleqatiginnissinnaanermik piumasaqaateqarput, kiisalu nammineq sulianut tunngasutigut nammineerluni akisussaaffimmik tigusisinnaasariaqarpoq. Atorfiup piumasaqaatigaa suliassanik nutaanut sukkasuumik paasinnissinnaaneq tamatigoortuunissarlu, kiisalu aaqqissuussaaffiusumi naammagisimaarinnissinnaaneq tassani suliassat minnerit angisuullu paarlakaaffianni ulluinnarni ilaatigut ulapaarfiusartumi.
 
Atorfik pillugu
Suliassat:

  • Immikkoortortaqarfiup inatsisilerinikkut suliassaanik akisussaaffeqarneq, taakkunanngalu suliaqarnerup Naalakkersuisut isumaginninnermi suliassaqarfiup iluani aaqqissuusseqqinnermut kissaataannut naleqquttuunissaannik qulakkeerinninneq
  • Immikkoortortaqarfiup sulisuinik aqutsineq kiisalu inatsisiliornermi eqeersimaartumik siunnersueqataaneq
  • Naalakkersuisoqarfimmi immikkoortortaqarfiit allat qanimut suleqatiginerisigut politikkikkut anguniakkanik takussaasunik suliaqarnissamut ataqatigiissaarineq
  • Naalakkersuisoqarfimmi aqutsinermi peqataaneq, matumani ukunannga suleqataanerit;
    • Naalakkersuisoqarfiup aaqqissuussaanikkut ineriartortinnera
    • Naalakkersuisoqarfimmi nalinginnaasumik allaffissornikkut malittarisassanik ingerlatseriaatsinik pitsaassutsimullu piumasaqaatinik piviusunngortitsineq
    • Naalakkersuisoqarfiup suliassaanik ataqatigiissaarineq, matumani taakkua ataanni immikkoortortaqarfinni ingerlatseqatigiiffinnilu
    • Politikkikkut aqutsisut aalajangiussanut tunngavissaasa suliarineqarnerisa pitsaassusaannik qulakkeerinninneq kiisalu politikkikkut aalajangiussanik atortuulersitsineq

Piginnaasat:
  • Cand jur.-itut ilinniarsimasoq. aqutsisutullu misilittagaqarnermut uppernarsaatilik
  • Suliffeqarfimmi politikkikkut aqunneqartumi sulinermik misilittagaqarneq
  • Inatsisinik suliaqarnermik kiisalu inatsisiliornermik misilittagaqarnerit tassaapput piginnaanerit pingaartitavut
  • Suliffinnut suleqatinnullu ammasumik pitsaasumillu pissuseqarputit
  • Nammineersinnaassuseqarputit, aaqqissuussilluarsinnaavutit angusaqarniartuullutillu
  • Isumaginninnermut tunngasunik eqqarsaatersornikkut sulinikkullu ilisimasaqarnissaq kissaatiginarpoq, piumasaqaataanngilarli
  • Suliat kulturilu tapertariissillugit avatangiisilimmi ataasiakkaat ataatsimoortumik aaqqiissuteqarnernut peqataaffigisartagaanni sulerusupputit
  • Kalaallit nunaanni inuiaqatigiinni pissutsinut kulturimullu ilisimasaqarneq pitsaaqutaassaaq
  • Ajornanngippat marluinnik oqaaseqartuussaatit, kisianni piumasaqaataanngilaq

Akissarsiat atorfeqartitaanermilu atugassarititaasut
Atorfik akissaateqarfimmi LR 38-mi maanna inissisimavoq.

1. april 2019 LR 38-mi akissarsiat imak isumaqagitiissutigineqarnikuupput qaamammut Kr. 55.153 ukiumullu Kr. 661.841 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut. Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat allat
Atorfiit pillugit annertunerusumik paasisaqarusukkuit, naalakkersuisoqarfiup pisortaa Julie Præst Wilche, oqara. +299 55 11 90 imaluunniit e-mail jprw@nanoq.gl attavigissallugu tikilluaqquneqarputit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia