sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Inatsisit Tunngaviusussat Isumalioqatigiissitat Allattoqarfianni paasissutissiineq pillugu immikkoortortaqarfimmi pisortassamik sulisussarsiorpugut

Namminersorlutik Oqartussat

Nuuk
Ikkunneqarpoq: 18-09-2020
Piffissaq atuuffissaa naassaaq: 30-09-2020
Suliffissamut ID normut: LJA-81124108
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Atorfik pillugu

Paasissutissiineq pillugu Immikkoortortaqarfimmi pisortassamik, ilaatigut Inatsisit Tunngaviusussat Pillugit Isumalioqatigiissitat suliniutinik aallartitaanik tapersersuinermik, tassa Inatsimmik Tunngaviusumik missingersuusiornermik suliaqarnermut atatillugu innuttaasunik peqataatitsinermut atatillugu suliaqartussamik ujaasivugut. Paasissutissiinermut pisortap isumagissavaa isumalioqatigiissitani suliat, innuttaasut tamarmik naapissagaat; sapinngisamik illoqarfinni nunaqarfinnilu tamani, aamma isumaliuutigigallakkanik saqqummiussisassalluni kiisalu isumaliuutigisat piviusorpalaartut, tunngaviusut pingaaruteqartullu isumalioqatigiissitat piffissami suliarisaat erniinnartumik qisuariarfigineqarsillugit.
Immikkoortoq pilersinneqaqqammerpoq, atorfimmillu assigusumit immikkoortortaqarfimmi pisortamik misilittagaqarluartumik pisariaqartitsivugut.


Immikkoortortaqarfimmi pisortamik inuttut suliatigullu sunniuteqarsinnaasumik ujaasivugut. Atorfik pissaganartuuvoq, tassani suliatigut aamma isumannaatsumik ingerlatsinermut aamma ineriartornermut akisussaasuussaatit, peqatigitillugulu sammisanut pingaarnernut aamma politikkikkut iluaqutaasunut tappiffiginnittutit. Paasissutissiinermut pisortatut suliatigut akisussaaffigaat illumi Paasissutissiinermik suliaqarneq, kiisalu sulisoq ataaseq aqutsinikkut akisussaaffigalugu. Qajannaatsuuvutit, annertuumik sulisinnaanermik piginnaasaqarlutit kiisalu sulilernissamut piareersimallutit, soorlu atorfimmut sinaakkutinik pilersitsinissamut ineriartortitsinissamullu periarfissanik takunnissinnaallutit.


Pisinnaasat piginnaasallu pillugit kissaatit:

  • Akademiskimik ilinniagaqartutit
  • Suliffimmi politikkikkut aqunneqartumi sulinermik misilittagaqartutit
  • Aqutsinermik misilittagaqartutit
  • Ineriartortitsilluni sulinermik misilittagaqartutit
  • Kalaallit Nunaanni inuiaqatigiinni pissutsinit ilisimasaqarfigigitit, pingaartumik inuiaqatigiinnut tunngasut
  • Suliassanik pingaartitsillutit ataqatigiissaarisumillu sulineq piginnaasaqarfigigit
  • Allakkatigut oqaatsitigullu attaveqateqarluarsinnaasutit.

Suliassatit ilaatigut makkuussapput:
  • Aqutsinermik akisussaaffeqarneq
  • Inatsisit Tunngaviusussat Pillugit Isumalioqatigiissitat suliniutaannik akuersissutigisaannik atuutilersitsineq, innuttaasunut paasissutissiinermut aamma innuttaasunik peqataatitsinermut atatillugu
  • Aaqqissuussamik, misissortumik allaanerusumillu eqqarsarsinnaaneq
  • Aaqqissuulluagaanermik inernerusussanillu pingaartitsineq
  • Pilersaarusianik ineriartortitsinermillu suliaqarnermik misilittagaqarneq
  • Innuttaasunut ingerlatitseqqinnermik ilisimasaqartutit - soqutiginnillutillu
  • Allattariarsorluni oqaluttariarsorlunilu ingerlatitseqqiinerup iluani annertuumik piginnaasaqartutit
  • Ilisimasanik katersineq aamma ingerlatitseqqinneq
  • Ataqatigiissaarineq
  • Inuppassuarnik assigiinngitsunik suleqateqarnissamut pimoorussineq pikkoriffiginninnerlu

Piffissat ilaanni atorfimmut atatillugu angalasarnissaq naatsorsuutigineqassaaq. Marluinnik oqaaseqarneq (kalaallisut/qallunaatut) aamma takornartat oqaasiinik atuisinnaaneq iluaqutaassaaq, piumasaqaataananili.


Inatsisit Tunngaviusussat Pillugit Isumalioqatigiissitat Allattoqarfiat pillugu
Maannakkorpiaq suliffeqarfeeraavugut 7-inik sulisulik. Kalaallit Nunaata inatsisissaanik tunngaviusunik missingersuummik pilersitsinissaq ulapputigalugu sulisoqarpoq, peqatigitillugulu Inatsisit Tunngaviusussat Pillugit Isumalioqatigiissitat saniatigut Allattoqarfimmit sullinneqarlutik.

Aningaasarsiatigut atorfinitsitaanermilu atugassarititaasut
Atorfik piffissami matumani LR 38-imut inissinneqarpoq/akissarsiatigut aalajangerneqarpoq.

Akissarsiat LR 38-mi aalajangersimasumik immikkoortortaqartut 1. april 2020-mit qaammammut Kr. 55.829-iupput ukiumullu Kr. 669.953-iullutik


Aallaavittut isumaqatigiissutit naapertorlugit atorfinittoqassaaq, tassani qinnuteqartoq Kalaallit Nunaanni pisortani atorfilittat pillugit inatsisit naapertorlugit atorfilittaareerpat, atorfilittatut atugassat atorlugit atorfinittoqarsinnaavoq.


Naalagaaffimmi atorfilittat kiisalu AC-t pillugit isumaqatigiissutit arlallit ataanni atorfillit, ilaatigut DJØF aamma Finansministeriet akornanni isumaqatigiissutit naapertorlugit, Namminersorlutik Oqartussani atorfeqarnermut atatillugu akissarsiaqarnani sulinngikkallarnissamut pisinnaatitaaffeqarput. Taamatuttaaq Indenrigsministeriet kommuninut nunallu immikkoortuinut qinnutiginikuuaa, Namminersorlutik Oqartussat ataani atorfininnermut atatillugu akissarsiaqarnani sulinngikkallarnissamut qinnuteqaatit ajornanngisaarnermik takutitsisoqassasoq. Sulinngikkallarnissaq pillugu aalajangersakkat aamma inuit, Namminersorlutik Oqartussat ataanni atorfinittut aapparisaannut/inooqatigisaannut atuupput.


Atorfimmut atuuppoq, atorfimmi sulinerup sivisunerpaaffissaanik aalajangiisoqannginnera aamma, suliasseqqinneqartarnermut iluanaarutisiassanik aalajangersakkat, aamma ullunik sulinngiffissanik annaasaqarnermut iluanaarutisiassanik aalajangersakkat atuutinngitsut, suliffissat aallaavittut sapaatip akunneranut 40 tiimiupput.


Akissarsiat atorfininnermilu atugassat, matuma ataani atorfinikkiartorluni angalanissamut soraarnermilu angalanissamut kiisalu pigisanik assartuinissamut pisinnaatitaaneq, piffissap atorfiniffiusup nalaani Namminersorlutik Oqartussat kiisalu peqatigiiffiup isumaqatigiissuteqarsinnaatitaasup akornanni isumaqatigiissutaat naapertorlugu pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.


Ulloq atorfiniffissaq
1. Oktober 2020 imaluunniit qanimut isumaqatigiissuteqarnikkut.

Qinnuteqarnissamut killiliussaq
Qinnuteqarnissamut killiliussaavoq ulloq 30. september 2020 nal. 12:00
Atorfinitsitsinissamut oqaloqatiginninnerit tamatuma kinguninngua ingerlanneqassasut naatsorsuutigineqarpoq.

Paasissutissat annertunerusut
Atorfik pillugu paasisaqarnerorusukkuit, allattoqarfimmi pisortaq saaffiginissaanut tikilluaqqusaavutit: Karen Kiær Jakobsen, oqa.: +299 55 5488. email: kkja@nanoq.gl

Qinnuteqaatit, CV, ilinniarsimanermut aamma pikkorissarsimanernut allagartatit, kiisalu uppernarsaatit attuumassuteqartut ”Qinnuteqaat nassiuguk” toorlugu nassiutikkit.
Qinnuteqaatit e-mailikkut tiguneq ajorpagut.

Naalakkersuisut pillugit
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.


Namminersorlutik Oqartussat pillugit uani paasisaqarnerusinnaavutit http://www.naalakkersuisut.gl/job
Qinnuteqaat nassiuguk

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Vvs Firmaet A/S
Tuning Incoming Agency Greenland
Tasiilaq
Tuning Incoming Agency Greenland
Tasiilaq
RS Entreprenør ApS
Nanortalik
Nuuk wellness & bodycare