Namminersorlutik Oqartussat Ineqarnermut Attaveqaasersuutinullu Naalakkersuisoqarfimmut Naalakkersuisoqarfimmi pisortatut atorfimmut aqutsisumik siumut isigisumik misilittagartuumillu pissarsiorput.

Aaqqissuussaaneq
Naalakkersuisoqarfik 50-inik sulisoqarpoq immikkoortortaqarfinnut arlalinnut agguataarneqarsimasunik. Naalakkersuisoqarfimmittaaq immikkoortortat attuumassutillit arlallit tassaapput: Nalunaarasuartaateqarnermi Aqutsisoqarfik aamma Radionik Nakkutilliivik, kiisalu Iluarsartuussinermut Aqutsisoqarfik.

Akisussaaffeqarfik
Naalakkersuisoqarfiup suliassaqarfinni tullinnguuttuni pingaarnertut allaffissorneq, pilersaarusiorneq aqutsinerlu isumagisarpai: Ineqarneq, qitiusumik sanaartortitsinermut inissisimaneq, illuutinut oqartussaaneq, attaveqaasersuutillu, tullinnguuttut takukkit.

Naalakkersuisoqarfiup aaqqissuussaanera ima isikkoqarpoq:
Aqutsisunut Allattoqarfik naalakkersuisoqarfimmut tamarmiusumut kiffartuussiviuvoq sulisoqarfiullunilu, ilaatigut Naalakkersuisumik Naalakkersuisoqarfimmilu pisortamik kiffartuussisarluni.
Sanaartornermut immikkoortortaqarfik nutaaliornermut ineriartortitsinermullu tunngatillugu Namminersorlutik Oqartussat sanaartortitsinermut inissisimaneranik suliaqarpoq, Naalakkersuisullu sinnerlugit sanaartortitat allatullu sanaartorneqartut sananissaannut, ilusissaannut ilusilersornissaannullu aalajangersakkanik aqutsisuulluni tulluarsaasarlunilu. Sanaartornermut immikkoortortaqarfiup aamma ineqarnermut illuuteqarnermullu suliassaqarfimmi allaffissorneq pingaarnerusoq pilersaarusiornikkullu suliaqarneq aamma isumagisarai. Tamatumunnga ilaallutik Namminersorlutik Oqartussat inissianik attartortittagaannik ingerlatsineq, aserfallatsaaliuinermut iluarsartuussinermullu tunngatillugu suliniuteqarneq, Namminersorlutik Oqartussat piginnittutut inissisimanerannut, sillimmasiinernut kiisalu inissialiortiternermut aningaasaliissuteqartarnermut aaqqissuussinernut ilaasumik. Taamatuttaaq Sanaartornermut Immikkoortortaqarfik naalakkersuisoqarfiup aningaasaqarneranut aamma HR-imut immikkoortortap suliassaanut sulisuinut kiisalu Sanaartugassanut Iluarsagassanullu Aningaasaateqarfiup aqunneqarneranik isumaginnittuuvoq.
Attaveqaasersuutinut immikkoortortaqarfiup imaatigut silaannakkullu angallannermi suliassaqarfiup iluani, nunami assartuussinermi, allakkeriveqarnermi nalunaarasuartaateqarnermilu, kiisalu qitiusumi umiarsualivinnut oqartussaaffimmi oqartussatut ineriartortitsinermillu suliassat akisussaaffigai.

Naalakkersuisoqarfimmi pisortatut immikkoortortaqarfiit ataani allattorneqartut qullersatut akisussaaffigissavatit

Aqutsisunut allattoqarfik
Naalakkersuisumut, Naalakkersuisoqarfiup pisortaanut aamma pisortap tullianut allatsitut suliassat.
Naalakkersuisunit Naalakkersuisut isummernissaannut tunngavissianik ataqatigiissaarineq, taakkununnga imaasa nutsernerisalu pitsaassusiinik qulakkeerisarneq ilanngullugu.
Naalakkersuisuni oqaluuserisat immikkoortuisa aamma Inatsisartuni ilaasortat siunnersuutaannut akissuteqaatit, kiisalu Naalakkersuisut § 37 naapertorlugu akissuteqaataasa ataqatigiinnissaannik qulakkeerisarneq.
Journali toqqorterisarnerlu.
Tusarniaanerit.
Suliffeqarfiup iluani suliat ingerlasarneri kiffartuussinerillu.
Kiffartuussinerit (ataatsimiittarfiit, igaffik, printerisarfik, tallimanngornikkut ullaakkorsioqatigiinneq).
Naalakkersuisoqarfimmi IT (F2, Outlook, Teams, Totalview, 3cx, e-boks, Smartsign, printeri).
Naalakkersuisoqarfiup pisortatigoortumik allagarsiai (qarasaasiakkut - allakkatigut), tassunga ilanngullugit ataqatigiissaarineq allagarsianillu allattorsimaffiit.
Sulisunut aaqqissuussinerit.
Sulisunut quppersagaq.
Pisiassat minnerit (allaffimmi atortut, imeq il.il).
Aaqqissuussaanermut pilersaarut.

Sanaartornermut immikkoortortaqarfik
Qitiusumik Illuliortiternermut oqartussaasut
Sanaartornermut sanaartukkanullu inatsisiliornermik nakkutiginninneq
Peqqussutit Malitassallu
Kommunini sanaartornermut oqartussat suliaannik naammagittaalliuteqartarfik
Kommunini sanaartornermut oqartussanik siunnersuineq ilitsersuinerlu
Qitiusumik Sanaartortitsisutut atuuffik
Peqqussutit Malitassallu
Nutaanik sanaartorneq
Iluarsartuussineq Aserfallatsaaliuinerlu
Nutaaliorneq Ineriartortitsinerlu
Namminersorlutik Oqartussat sanaartugassaannik sanaartugaanillu pilersaarusiorneq
Sillimmasiinerit
Namminersorlutik Oqartussat sillimmasiinerinut tunngatillugu pilersaarusiornikkut ineriartortitsineq aqutsinerlu
Illuutinut Inissiaatinullu allattorsimaffimmik ineriartortitsineq
Sillimmasiinernut database (Namminersorlutik Oqartussat pigisaat tamaasa)
Inissiat Illuutillu
Ineqarnerup iluani inatsisiliornermik nakkutiginninneq
Inissianik aningaasalersuinerup iluani inatsisiliornermik nakkutiginninneq
Aqutsiveqarfiup iluani immikkoortuni nakkutilliineq
Namminersorlutik Oqartussat inissianik attartortittagaannut 6.000-it missaanniittunut tunngatillugu pilersaarusiornikkut ineriartortitsineq
Inissianik attartortittakkanik aqutsineq ingerlatsinerlu pillugit isumaqatigiissutit
Piginnittutut inissisimaffik – Namminersorlutik Oqartussat pigisaannik pisiortorneq tuniniaanerlu
Illuutinut database (Namminersorlutik Oqartussat illuutaat)
Inissialiornermi aningaasalersuinermut aaqqissuussinernik aqutsineq/suliarinnittarneq
Naammagittaalliutinik sulianik suliarinninneq
Aningaasaqarneq/HR
Naatsorsuuserivik aningaasaqarnikkullu pilersaarusiorneq
Aningaasanut inatsit
HR

Suliffeqarfiit naalakkersuisoqarfimmut attuumassuteqartut:
Illuut A/S (2)
A/S Inissiaatileqatigiiffik INI (150)
Iluarsartuussinermut Aqutsisoqarfik (7)

Attaveqaasersuutinut immikkoortortaqarfik
Silaannakkut angallannermut allaffeqarfik.
Silaannakkut angallannerup iluani oqartussatut ineriartortitsinermillu suliassat.
Silaannakkut angallannerup iluani attaveqaasersuutitigut sanaartukkat pillugit inatsisiliorneq.
Allakkeriveqarneq nalunaarasuartaateqarnerlu.
Angallannermut suliassaqarfik.
Silaannakkut angallannermut aqqusinertigullu angallannermut suliassaqarfimmi Danmarkimi oqartussanut attaveqartarnermut ataatsimiititaliaq.
Angallannerup pingaarnerusutigut pilersaarusiorneqarnera, angallannermi atortulersuutinut annertunerusunut  inuiaqatigiit aningaasaqarnerannut tunngatillugu misissueqqissaarneq – tassunga ilanngullugu kommuninik suleqateqarneq.
Naammagittaalliutit suliarineqartarneri.
Ilaasunik angallassinermi kiffartuussinissamik isumaqatigiissutit.
Silaannakkut angallannermi qinnuteqaatinik angallannermut politikkikkut akuersissuteqartarnerit.
Imarsiornermut tunngasunut allaffik.
RAL-imut sullissinissamik akuersissut.
Nassiussanut tunngatillugu kiffartuussinissamik isumaqatigiissutit.
Imarsiornermut suliassaqarfiup iluani, nunami assartuinermi, kiisalu umiarsualivinnut qitiusumi oqartussaaffeqarnerup iluani oqartussatut ineriartortitsinikkullu suliassat.
Naammagittaalliutinik suliat suliarineqartarneri.
Imarsiornerup iluani inatsisiliorneq.
Imaani isumannaallisaaneq pillugu paasititsiniaanerit.
Imarsiornermut Ataatsimiititaliamut allattoqarfittut sullissineq.
Imarsiornermut aqutsisoqarfimmik suleqateqarneq tassunga ilanngullugu Sinerissami annaassiniartarnermut sullissivik.
Qitiusumi Umiarsualivinnut oqartussaaneq.
Umiarsualiveqarfinnik aserfallatsaaliuineq, ineriartortitsineq nutarsaanerlu.
Immap assinginik malinnaatitsinissaq pillugu Geodatastyrelsimik suleqateqarneq.
Naaralaartitsivinnik Imarsiortunullu nalunaaqutsiussanik nakkutilliineq.
Issittumi Siunnersuisoqatigiinni Suleqatigiit.
Nunaannarmi aqquserniornerit.
Suliffeqarfiit naalakkersuisoqarfimmut attuumassuteqartut:
Tusass A/S (369).
Royal Arctic Line A/S (726).
Air Greenland A/S (637).
Kalaallit Airports A/S (20).
Sikuki Nuuk Harbour A/S (6).
Mittarfeqarfiit A/S (450).
Nalunaarasuartaateqarnermi Aqutsisoqarfik (9).


Naalakkersuisoqarfimmi pisortap aamma akisussaaffigai:

• Naalakkersuinermi aqutsisut aalajangiinissamut tunngavissaannik suliaqarneq siunnersuinerlu aamma naalakkersuinikkut aalajangikkanik siunnerfilimmik angusaqarumallunilu piviusunngortitsineq.
• Naalakkersuisoqarfinnut allanut, aqutsisoqarfinnut, immikkoortortaqarfinnut, suliffeqarfinnut, sullissivinnut suliaqartunullu allanut tunngatillugu naalakkersuisoqarfiup suliassaanik ataqatigiissaarineq, kiisalu taagorneqartut taakku pitsaasumik suleqatigiinnissaannut aqqutissiuussinissaq.
• Nalinginnaasumik allaffissornikkut malittarisassanik, ingerlatseriaatsinik pitsaassutsimullu piumasaqaatinik piviusunngortitsinissaq.
• Naalakkersuisoqarfimmik aqutsineq, makku ilanngullugit:
  • • Aaqqissuussaanermik sulisoqarnikkullu ineriartortitsineq pitsaasumillu erseqqissumillu attaveqaqatigiinnerup tungaatigut piginnaasanik ineriartortitsineq
    • Sulisunik aqutsineq ineriartortitsinerlu
    • Suliassat pillugit sulisutigullu isumalluutit pillugit atuilluarsinnaaneq pilersaarusiorluarsinnaanerlu
    • Suliatigut ineriartortitsineq
    • Naalakkersuisoqarfimmi suleqatigisartakkanillu avataaneersunik suleqatigiilluartarnerup pitsanngorsaaffiginissaa

Naatsorsuutigaarput:

• Inuiaqatigiinnik kalaallinik, kalaallit kulturiannik oqaasiinillu paasisimasaqarluartutit ilisimasaqarluartutillu
• Naalakkersuisut, Inatsisartut kommunillu akornanni sunniiveqatigiittoqartarneranik ilisimasaqarluartutit
• Pingaarnersiuinissamut siunnerfeqartumillu suliaqarnissamut, sunniuteqarnissamut angusaqartarnissamullu tunngatillugu piginnaasaqarluartutit
• Suliffeqarfimmik naalakkersuinikkut aqunneqartumi sulianik aqutsinissamut misilittagaqarluartutit kiisalu aningaasanik aqutsinermi akisussaassuseqartutit
• Iliuuseqarsinnaassuseqartutit, erseqqissumik aqutseriaaseqarlutit suleqatikkuminartutillu
• Naalakkersuisoqarfiup qitiusutut suliassaasa sunniuteqarluartumik naammassineqarnissaannut tunngatillugu suliffeqarfiup iluani avataanilu suliaqartartunik peqataatitsisinnaassuseqartutit
• Aqutsisinnaanermut ataqatigissaarisinnaanermullu piginnaasaqartutit, aammalu pilersaarutinik annertunerusunik sunniuteqarluartumik ingerlatsinissaq qulakkeersinnaagit
• Allattariarsornikkut oqaatsitigullu attaveqallaqqissuusutit
• Atorfimmi suliassanut takkussortussanut, ataatsimiinnissanullu il.il. tunngatillugu nikerartumik sulisinnaasuusariaqarpoq
• Naleqquttumik qaffasissumik ilinniagaqarsimasoq, kiisalu naalakkersuisoqarfiup akisussaaffianut tunngasut ilaasa tamarmiusulluunniit iluini suliamut tunngasutigut attuumassutilinnut ilisimasaqarluarneq

Attaveqarneq
Naalakkersuisoqarfiup pisortaa naalakkersuisoqarfiup suliassaqarfiini taamatullu sulianut tunngatillugu ingerlatsinermi naalakkersuisoqarfimmillu ingerlatsinermi Naalakkersuisut naalakkersuinikkut anguniagaasa piviusunngortinneqartarnerat pillugu apeqqutini Ineqarnermut Attaveqaasersuutinullu Naalakkersuisumut attaveqartarpoq. Naalakkersuisoqarfinnut allanut tunngatillugu naalakkersuisoqarfiup suliassanik ataqatigiissaarisarneranut tunngatillugu apeqqutini, aamma nalinginnaasumik allaffissornikkut ingerlatsinermi anguniakkanik, malittarisassanik, periutsinik pitsaassutsinullu piumasaqaatinik il.il. malitseqartitsinissamut tunngatillugu apeqqutini naalakkersuisoqarfimmi pisortaq Naalakkersuisut Siulittaasuata Naalakkersuisoqarfiani pisortamut attaveqartarpoq.
 

Atorfeqarnermi atugassarititaasut
Atorfik ukiuni sisamani piffissalikkamik inuttassarsiuunneqarpoq, piaartumik isumaqatigiissuteqarnikkulluunniit.
Atorfik akissaateqarfimmi LR LR 39/40-mi maanna inissisimavoq.
Akissarsiat (LR 39-mi) isumaqatigiissutigineqartut tapit aalajangersimasut ukiunullu aalajangersimasunut atorfeqartitaanermut tapit ilanngullugit apriilip aallaqqaataani 2022-mi qaammammut kr. 97.261-iupput ukiumoortumillu kr. 1.167.140-llutik tassungalu ilanngullugit soraarnerussutisiassanut akiliutit.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq: Qinnuteqartorlu tjenestemanditut atorfeqareersimaguni Kalaallit Nunaanni pisortani tjenestemandit pillugit inatsit malillugu tjenestemanditut atugassarititaasut naapertorlugit atorfinitsitaasoqarsinnaavoq.
Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministereqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamut namminermut Ministereqarfiup Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik Oqartussanut innersuussutigisimavaa. Sulinngiffeqarallarnissaq pillugu aalajangersakkat Namminersorlutik Oqartussani inuit atorfinitsinneqartut aapparisaannut/inooqataannut aamma atuupput.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfeqarnerminut atatillugu ineqarsimappat, inissamik innersuunneqarsinnaatitaaneq pigiinnarneqassaaq. Atorfeqarnermut atatillugu ineqartitaaneq atorfeqarnerup nalaani atuuppoq soraarnermilu tamanna atorunnaassaaq.

Paasissutissat amerlanerusut:
Namminersorlutik Oqartussat aqutsisut aqutsinermi toqqammavissaq malillugu sulipput, taannalu linkimi uani atuarneqarsinnaavoq: https://naalakkersuisut.gl/da/Naalakkersuisut/Departementer/MIIN 

Soqutiginartippiuk?
Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299 583117-imut imaluunniit +4560833117-imut imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit.
Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut. 
Atorfik pillugu allanik apeqqutissaqaruit Naalakkersuisut siulittaasuata Naalakkersuisoqarfiani Naalakkersuisoqarfimmi pisortaq Hans-Peder Barlach Christensen hape@nanoq.gl-imut allaffigalugu saaffiginninnissamut tikilluaqqusaavutit.
Tusarfiginissat qilanaaraarput.  

Qinnuteqarnissamut killigititaq: Oktobarip 12-iani 2023 nal. 12 Nunatsinni nalunaaqutaq malillugu.

Tusarfiginissat qilanaaraarput.

NAALAKKERSUISUT
Naalakkersuisut pillugit paasissutissat amerlanerusut  www.naalakkersuisut.gl-imi atuarneqarsinnaapput.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.