Ineriartortitsinermut siunnersortimik pissarsiorpoq

Aaqqissuussaanermi allanngoriartornerit paasisimasaqarfigaagit?

Iliuusissanut aalajangersimasunut ineriartortitsinermut suliniuteqarnissamut peqataarusuppit aamma piginnaasanik ineriartortitserusuppit?

Taamaappat Nunatsinni suliffeqarfiit annersaasa tulliani, Kommuneqarfik Sermersuumi, 2.500-nik sulisulimmi aaqqissuussaanermut ineriartortitsinermi suleqatigiinnut ilaalernissannut periarfissaqarputit.

Ineriartortitsinermut siunnersortitut (siunnersortitut imaluunniit immikkut siunnersortitut atorfilittut) suleqatit tallimaasut suleqatigalugit attassiinnarnissaq aamma ataatsimut pilersitseqatigiinneq kiisalu aqutsisunut nutaanut peqataalersitsineq, sulisunut nutaanut atortussanik attuumassutilinnik ineriartortitsineq pingaartillugit kulturikkut suliniuterput Kivitsisuuvugut akisussaaffigissavat.

Akisussaaffiit:

·Ataatsimullu pilersitseqatigiinnissaq qulakkeerniarlugu Kivitsisuuvugut pitsaanerulersillugu

·Tamarmik akornanni piginnaasanik ineriartortitsiffiusumik ilinniarfiusinnaasumik avatangiisinik pilersitsineq

·Nutaanut peqataalersitsinernik ilusilersuineq ingerlatsinerlu

·Nutaanut peqataalersitsinissamut pitsaasunik attuumassutilinnillu atortussanik ineriartortitsineq

·Ineriartortitsinermi peqataaneq tassunga ilanngullugu attanneqarsinnaasunik suliniutinik atuutsitsilerneq

Piginnaasat:

·Suliaqarnermi misilittagalik

·Aqutsinermi imaluunniit aaqqissuussaanermi ineriartortitsinermi piginnaasalik

·Assigiinngitsuni sulisunik tamanik peqateqarsinnaaneq

·Qallunaatut, kalaallisut aammalu tuluttut oqaaseqartuuguit iluaqutaassaaq, piumasaqaataanngilarli

Immikkoortoq pillugu:
Aaqqissuussaanermut ineriartortitsinermullu immikkoortortatsinni atorfinissaatit, tassani suleqatit tallimaasut anguniagallit ineriartortitserusuttullu, aaqqissuussaanermi pingaartitaliornissamik ilungersuussisut suleqatigilissavatit. Suleqatigiilluta pisortaqatigiinnut kommunimilu aqutsisunut assigiinngitsunut siammasissumik attaveqarpugut. Suleqatigiinni ilakkuminartuunermik kultureqarpugut tunniusimasuullutalu, ataatsimoorluta suliatigut siunersioqatigiittarluta, suleqatigiillutalu eqqumaffigeqatigiilluta ulluinnarnilu illaqattaartuulluta. Kommunip sulisunut peqqinnissamut sulinerani akisussaasuulluta sulisunut tamanut inooqataanikkut atugarissaartuunermik pingaartitsivugut.

Aaqqissuussaanermi atorfik pissanganartoq unammillernartorlu, attassiinnarnissamik ineriartortitsinermillu pingaartitsiviusoq neqeroorutigaarput. Pitsaasumik allannguerusussuseqaruit sulisullu piginnaasatigut ineriartortikkusullugit qinnuteqaativit tigunissaa qilanaaraarput.

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aaqqissuussaanermut Ineriartortitsinermullu Immikkoortortaqarfimmi Pisortaq Rosannguaq Rossen, oqarasuaat +299 36 70 66 imaluunniit e-mail: roro@sermersooq.gl

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:
Qinnuteqaat qulequtserlugu Atorfiup ilisarnaataa 391-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.